கோவை:இந்திய விமானப்படையில், டெக்னிக்கல் டிரேட் பிரிவில் படைவீரராக பணிபுரிய வரும் 8ம் தேதிக்குள் விண்ணப்பிக்க அழைப்பு விடுக்கப்பட்டுள்ளது.
விமானப்படை அறிக்கை: கடந்த 1990 ஏப்., முதல் தேதியில் இருந்து 1994 மே 31ம் தேதிக்குள் பிறந்த தமிழகம் மற்றும் புதுவை மாநிலத்தை சேர்ந்த, திருமணம் ஆகாத இளைஞர்கள் குரூப் எக்ஸ் டெக்னிகல் டிரெடர்களில் படைவீரராக பணியாற்ற வாய்ப்பு உள்ளது. வரும் 2011 பிப்.,ல் இதற்கான தேர்வு நடக்கிறது.
பிளஸ் 2வில் கணிதம் மற்றும் இயற்பியல் பாடங்களுடன் குறைந்தபட்சம் 50 சதவீதம் மதிப்பெண்களுடன் தேர்ச்சி பெற்றிருக்க வேண்டும். அல்லது அரசு அங்கீகாரம் பெற்ற பாலிடெக்னிக் இன்ஸ்டிடியூட்டில் மெக்கானிகல், எலக்ட்ரிகல், எலக்ட்ரானிக்ஸ், ஆட்டோமொபைல், கம்ப்யூட்டர் சயின்ஸ், இன்ஸ்ட் ரூமென்டேஷன், இன்பர்மேஷன் டெக்னாலஜி பிரிவுகளில் குறைந்தபட்சம் 50 சதவீத மதிப்பெண்களுடன் டிப்ளமோ தேர்ச்சி பெற்றிருக்க வேண்டும்.
விண்ணப்பங்களை சாதாரண தபாலில், வரும் 8ம் தேதிக்குள் "சென்ட்ரல் ஏர்மென் செலக்ஷன் போர்டு, போஸ்ட் பாக்ஸ் எண் 11807, புதுடில்லி -110010' என்ற முகவரிக்கு அனுப்ப வேண்டும். மேலும் விவரங்களுக்கு சென்னை, தாம்பரம் ஏர்போர்ஸ் ஸ்டேஷனை 044-22791853 என்ற எண்ணில் தொடர்பு கொள்ளலாம். இவ்வாறு, அந்த அறிக்கையில் தெரிவிக்கப் பட்டுள்ளது.
No comments:
Post a Comment