பஹ்ரைன் கலவரத்தில் இந்தியர் பலி.

மனாமா : பஹ்ரைன் நாட்டில் நடந்து வரும் கலவரத்தில் இந்தியர் ஒருவர் பலியானார். பஹ்ரைனில் மன்னர் குடும்பத்துக்கு எதிராக கிளர்ச்சி நடந்து வருகிறது. கிளர்ச்சியாளர்ளை கட்டுப்படுத்த அங்கு அவசர நிலை பிரகடணப்படுத்தப்பட்டு, ராணுவம் பணியமர்த்தப்பட்டுள்ளது. ஓமன், கத்தார் ஆகிய நாடுகளும், பஹ்ரைனுக்கு உதவியாக தங்கள் பங்குக்கு ராணுவத்தை அனுப்பியுள்ளது. ராணுவத்துக்கும் - கிளர்ச்சியாளர்களுக்கு இடையேயான துப்பாக்கிச் சூட்டில் ஸ்டீபன் ஆப்பிரகாம் என்ற இந்தியர் ஒருவர் பரிதாபமாக பலியானார். பஹ்ரைன் நிலைமை பதட்டமாக இருப்பதால், இந்தியர்கள் அனைவரும் பத்திரமாக இருக்கும் படி இந்திய வெளியுறவு அமைச்சகம் எச்சரித்திருந்தது என்பது குறிப்பிடத்தக்கது