மாவட்ட அளவில் முதல் 3 இடம் தஞ்சையில் 17 மாணவியர் சாதனை.

தஞ்சாவூர்: தஞ்சாவூர் மாவட்ட அளவில் பட்டுக்கோட்டை அரசு பெண்கள் பள்ளி மாணவி காயத்ரி, தஞ்சை ஆக்ஸிலீயம் பெண்கள் மேல்நிலைப்பள்ளி மாணவி பவித்ரா தேவி, வல்லம் கலைமகள் மேல்நிலைப்பள்ளி மாணவி அபிநயா 494 மார்க் பெற்று முதலிடம் பெற்றனர். பேராவூரணி அரசு பெண்கள் பள்ளி மாணவி காவ்யா, தஞ்சாவூர் செயின்ட் ஜோசப் பெண்கள் மேல்நிலைப்பள்ளி மாணவி ஆர்த்தி, தூய இருதய பெண்கள் மேல்நிலைப்பள்ளி மாணவிகள் ஜெயரக்ஷனா, மோனிஜா, சவுமினி, ஆக்ஸிலீயம் பெண்கள் மேல்நிலைப்பள்ளி மாணவி ரோகிணி, பொன்னைய்யா ராமஜெயம் பப்ளிக் மேல்நிலைப்பள்ளி மாணவிகள் ஏஞ்சல்டீனா, இந்து ஆகிய எட்டு மாணவிகள் 492 மார்க் பெற்று மாவட்ட இரண்டாமிடம் பெற்றனர்.








பட்டுக்கோட்டை செயின்ட் இசபெல் பெண்கள் மேல்நிலைப்பள்ளி மாணவி வைசாலி, கும்பகோணம் டவுன் மேல்நிலைப்பள்ளி மாணவி சவுமியா, தஞ்சாவூர் செயின்ட் ஜோசப் பெண்கள் மேல்நிலைப்பள்ளி மாணவிகள் காயத்திரி, ராகவி, தஞ்சாவூர் தூய இருதய பெண்கள் மேல்நிலைப்பள்ளி மாணவி மீனாட்சி, ஆக்ஸிலீயம் பெண்கள் மேல்நிலைப்பள்ளி மாணவி ரேஷ்மா ஆகிய ஆறு மாணவிகள் 491 மார்க் பெற்று மாவட்ட அளவில் மூன்றாம் இடம் பெற்றனர். தஞ்சை மாவட்ட அளவில் மூன்று மாணவிகள் முதலிடத்தையும், எட்டு மாணவிகள் இரண்டாமிடத்தையும், ஆறு மாணவிகள் மூன்றாமிடத்தையும் வென்றதன் மூலம் மாநில மற்றும் மாவட்ட அளவில் மாணவிகளே அதிக ரேங்க் பெற்று சாதனை படைத்துள்ளனர்.