கணணியை பாவிப்பவர்களுக்கான கண் பயிற்சி

எந்தவொரு உடல் உறுப்பும் ரத்தம் அதிகமாக செல்லாமல் இருந்தோலோ அல்லது அதிகப்படியான வேலையை செய்யும் போதோ பாதிப்பு ஏற்படுகிறது.

உடல் உறுப்பில் மிக முக்கியமானது கண். சாதாரணமாக நாம் பார்ப்பதால் கண்களுக்கு எந்த பாதிப்பும் ஏற்படுவதில்லை. ஆனால் கண்களுக்கு மிக அருகில் அதிக ஒலியுடன் கூடிய கணணியைத் தொடர்ந்து பல மணி நேரம் பார்த்துக் கொண்டிருப்பதால் கண் பாதிக்கப்படுகிறது.

கண்களுக்கு ஓய்வு என்றால் கண்களுக்கு இருளைக் கொடுக்க வேண்டும். கண்களுக்கு இருளைக் கொடுப்பது மட்டுமல்லாமல் மனதின் சிந்தனையை வேறு இடத்திற்கு மாற்ற வேண்டும்.

கண்களுக்கு ஓய்வளிக்க பல ஆசனங்கள் உள்ளது. கண்களுக்கு அதிக ரத்த ஓட்டம் அளிக்க தலைகீழ் ஆசனம் உள்ளது. சிரசாசனம் செய்வதால் கண்களின் பார்வை அதிகரிக்கும். தினமும் 8 மணி நேரம் நிம்மதியாகத் தூங்க வேண்டும். அதுவும் மிகவும் இருளான ஓர் அறையில் தூங்குவதே கண்களுக்கு ஒரு நல்ல ஓய்வாக அமையும்.

பின் தூங்கி முன் எழுதல் மிகவும் நல்லது. அதாவது சீக்கிரமாகத் தூங்கி அதிகாலையில் எழுவது உடலுக்கும் புத்துணர்ச்சி கிட்டும்.

அலுவலகத்தில் பணியாற்றிக் கொண்டிருக்கும் போது இடையே உங்கள் கண்களுக்கு ஓய்வு தேவைப்படும் போது உள்ளங்கைகள் இரண்டையும் நமது கண்களில் அழுத்தி சிறிது நேரம் வைத்திருந்து மூச்சை உள்ளிழுத்து வெளிவிட்டால் நல்ல பலன் கிடைக்கும்.

அப்படி செய்யும் போது உள்ளங்கைகளை எடுத்து விட்டு சிறிது நேரம் கழித்து மெதுவாக கண்களைத் திறக்க வேண்டும். மேலும் இதனை வேறு முறையிலும் செய்யலாம். அதற்கு அதிக பலன் கிட்டும்.

அதாவது ஈரத் துணியை பின்பக்க கழுத்தில் போட்டு விட்டு சிறிது எண்ணெய்யை புருவங்களில் தடவி விட்டு இரண்டு உள்ளங்கைகளையும் கண்களில் அழுத்தும் போது உங்களது கண்களுக்கு குளிர்ச்சியும் ஓய்வும் ஒரு சேர கிடைக்கும்.

புருவம் என்பது கண்களுக்குத் தேவையான வெப்பத்தை சீராக வைத்திருக்க அமைக்கப்பட்ட ஓர் இயற்கை கொடையாகும். புருவங்களின் சூட்டினால் தான் கண்களின் குவியங்கள் எளிதாக சுருங்கி விரிகின்றன. ஆனால் அதை விட அதிகமான வெப்பத்தை நம் கண்கள் கணணியில் இருந்து பெற்று வருகிறது.

எனவே அந்த வெப்பத்தைக் குறைக்க புருவங்களில் எண்ணெய் வைப்பது கண்களுக்கு குளிர்ச்சியை அளிக்கும். பொதுவாக கண்களுக்கு ஓய்வு என்றால் எதையும் உற்று அல்லது கூர்ந்து பார்க்காமல் இருந்தாலே போதும்.

அதாவது சாதாரணமாக கண்களால் எந்தப் பொருளையும் பார்ப்பதால் கண்களுக்கு எந்தப் பாதிப்பும் ஏற்படாது. ஆனால் எதையாவது உற்றுப் பார்க்கும் போது தான் அதற்கு பாதிப்பு ஏற்படுகிறது. மேற்கண்ட வழிமுறைகளைப் பின்பற்றினால் நீங்கள் சுறுசுறுப்பாக இருக்க முடியும்.

இளமை காக்கும் உணவு முறைகள்!

சிலருக்கு எப்போதும் சூடாகவே இருக்கும். இதற்குக் கணைச்சூடு என்று பெயர். இந்தக் கணைச்சூடு உள்ளவர்கள் உடம்பில் மினுமினுப்பு இருக்காது. முகத்தில் களை இருக்காது. நடையில் சுறுசுறுப்பு இருக்காது. புத்தியில் தெளிவு இருக்காது. இந்தக் கணைச்சூட்டைப் போக்கச் சிறந்த மருந்து தேனும் வெங்காயமும். உணவில் வெங்காயத்தை அதிகமாகச் சேர்த்துக் கொள்ள வேண்டும். தினசரி தேன் சாப்பிட வேண்டும். கணைச்சூடு மாறிவிடும்.

நோய்களைப் பரப்பும் விஷக்கிருமிகள் பெனிசிலின் மருந்தைவிட வெள்ளைப் பூண்டு மிக வேகமாகக் கொல்கிறது. வெள்ளைப் பூண்டை அடிக்கடி உணவில் சேர்த்துக் கொள்பவர்களுக்கு நோய்கள் அவ்வளவாக வருவதில்லை.

எலுமிச்சப்பழ சர்பத்தில் கொஞ்சம் இஞ்சி இரசத்தைச் சேர்த்துப் பருகினால் அஜீரணம் சீக்கிரம் குணமாகும்.

எலுமிச்சம் பழத்தை வாரம் ஒரு முறை தலையில் தேய்த்துக் குளித்து வாருங்கள். வந்தால் இது கண்களுக்கும் உடலுக்கும் நல்லது. உடல் சூட்டைத் தணிப்பதில் எலுமிச்சம் பழத்திற்கு இணை எலுமிச்சம் பழந்தான்!

சிரியுங்கள்; சும்மா சிரியுங்கள் சிரிப்பு உடலுக்கு நலத்தையும் பலத்தையும் கொடுக்கிறது. சிரிக்கும்போது உடல் குலுங்குகிறது. உடல் குலுங்கும்போது அதனால் உறுப்புகள் பிடித்துவிடப் படுகின்றன. கணையம் என்னும் உறுப்பும் உற்ற உறுப்புகளும் இந்தச் சிரிப்பினால் பலம் பெறுகின்றன. இயற்கை மருந்துகளில் சிறந்த மருந்து சிரிப்பே. சிரிப்பின் மூலம் உடம்புக்குக் கிடைக்கும் பயிற்சியை வேறு எதன் மூலமாகவும் பெற முடியாது.

பீட்ரூட் கிழங்கிலிருந்து சர்க்கரை தயாரிக்கிறார்கள். இந்தப் பீட்ரூட் சர்க்கரை நீரிழிவு நோயாளிகளுக்கு நல்லது. இந்த பீட்ரூட் சர்க்கரை நம் நாட்டில் செய்யப்படுவது இல்லை. நம் நாட்டில் கரும்பில் இருந்து தயாரிக்கும் கரும்புச் சர்க்கரைதான் கிடைக்கிறது.

உடம்பில் அலர்ஜி ஏற்பட்டு உடம்பு அரிக்க ஆரம்பித்தால் கொஞ்ச நாட்களுக்கு உடம்புக்குச் சோப்புப் போட்டுக் குளிக்கக் கூடாது. சிகைக்காய்த் தூளையோ பாசிப்பயறு மாவையோதான் தேய்த்துக் குளிக்க வேண்டும்.

கணவன் மனைவிக்கு இடையே மன அழுத்தம் குறைய.....

அன்பு, பாசம் என எதையும் பிறரிடம் இருந்து பெறுவதில் மட்டுமல்ல கொடுப்பதிலும் சுகமுண்டு. பெற்றோரிடம் இருந்து பிள்ளைகள் அன்பையும் பாசத்தையும் எதிர்பார்க்கின்றனர். அதேசமயம் பெற்றோர்களுக்கு அதேபோல் நாமும் அன்பை கொடுக்கவேண்டும் என்று நிறைய பேருக்கு தெரிவதில்லை. குடும்பத்தில் கணவன் மனைவிக்கு இடையேயும் இதே பிரச்சினைதான் நிலவுகிறது. மனைவி மட்டுமே பணிவிடை செய்ய வேண்டும். அன்பை பொழிய வேண்டும் என்று அநேக கணவன்மார்கள் எதிர்பார்க்கின்றனர். அதேசமயம் ரத்தமும் சதையும் நிறைந்த உணர்ச்சிகளைக் கொண்ட மனிதப்பிறவிதான் மனைவியும் என்பதை அநேகம் பேர் கருத்தில் கொள்வதில்லை. இதன் காரணமாகவே குடும்பத்தில் குழப்பங்கள் ஏற்பட்டு பிரிவு நேரிடுகிறது.

இல்லறத்தில் இனிமை நிறைய உளவியல் வல்லுநர்கள் தரும் சில யோசனைகள் :

எதிர்பார்ப்பில்லாத அன்பு

அனைத்து உறவுகளையும் விட கணவன்-மனைவிக்கு நெருக்கம் எப்படி அதிகமோ அதே அளவிற்கு உணர்வு பிறழ்வுகளும் அதிகம். தன்னுடைய வாழ்க்கைத் துணை தன்னை உள்ளங்கையில் வைத்து தாங்க வேண்டும் என்ற ஆசை ஒவ்வொருவரின் மனதையும் ஆட்டிப்படைக்கும். திருமணத்திற்கு முன்பு எத்தனையோ பேர் பல்வேறு எதிர்பார்ப்புகளோடு சுற்றிக்கொண்டிருப்பார்கள். வலுவான உறவுப் பாலத்தில் கூட விரிசலை ஏற்படுத்திவிடும் சக்தி இந்த அதீத எதிர்பார்ப்புக்கு உண்டு.

தாய்- குழந்தை , நண்பர்கள், கணவன்-மனைவி என இந்த எதிர்பார்ப்பு இல்லாத உறவு முறைகளே இல்லை. நாம் எந்தளவிற்கு எதிர்பார்க்கிறோமோ அதே அளவிற்கு கொடுக்கவேண்டும் என்ற எண்ணமும் நமக்கு இருக்க வேண்டும் அப்பொழுதுதான் அன்பு உறுதியாகும்.

அரவணைப்பு அவசியம்

தாய் தந்தையரை பேணுதல், கணவனுக்கு பணிவிடை செய்தல், குழந்தைகளை பராமரித்தல் உள்ளிட்ட பல சமூகக் கடமைகள் பெண்களுக்கு கொடுக்கப்பட்டுள்ளன. இதனை தவறாது செய்யும் பெண்கள்  விரும்புவது எல்லாம் சாய்ந்து கொள்ள ஆதரவான ஒரு தோள் மட்டும்தான். மனைவியை அன்பாக அரவணைத்து அவளின் குறைகளை கேட்டும் கணவன் கிடைத்தால் அதை விட வேறு எந்த சுகமும் பெண்ணிற்கு பெரிதாய் தெரியாது. இல்லறத்துணையிடம் அன்பாய் ஒருபார்வை, ஆதரவாய் ஒரு பேச்சு, உள்ளன்போடு கேட்கும் கரிசனம், இவை இருந்தால் அந்த இல்லத்தில் மகிழ்ச்சி குடியேறும்.

கட்டிப்பிடி வைத்தியம்

ஒருவருக்கொருவர் அன்பாய் ஆதரவாய் கட்டிப்பிடிப்பதால் மன அழுத்தத்துக்கு காரணமான கார்டிசால் என்ற ஹார்மோன் சுரப்பு குறைய வாய்ப்புள்ளதாக அறிவியல் ரீதியாக கண்டறியப்பட்டுள்ளது.

வாழ்க்கைத் துணையை அன்பாக நடத்தும், ஒருவருக்கொருவர் தங்களது அன்பை பரிமாறிக் கொள்ளும் தம்பதிகளுக்கு, மன அழுத்தமே எட்டிப்பார்க்காது. அலுவலகமோ, வீடோ எந்த பிரச்சினை என்றாலும் அதனை தங்களது படுக்கை அறைக்குள் நுழைய விடாமல், பார்த்துக்கொள்வதில்தான் வெற்றி  உள்ளது.

மன அழுத்தத்தால் பாதிக்கப்பட்ட சில தம்பதிகளுக்கு இடையே, நெருக்கத்தை உருவாக்கிய பிறகு அவர்களது மன அழுத்தம் பெருமளவு குறைந்ததாக உளவியல் அறிஞர்கள் கூறியுள்ளனர் . வெறும் மன அழுத்தத்தைக் குறைப்பதற்காக மட்டும் நமது வாழ்க்கைத் துணையைக் கட்டிபிடிப்பதால் எந்த பயனும் இல்லை. இருவருமே மனம் ஒருமித்து, தங்களது அன்பை வெளிக்காட்டும் விதமாக நெருக்கமாக இருப்பதால்தான் உண்மையான பலன் கிட்டும்.

கலைஞர் டிவியை இயக்குவது கனிமொழி தான்: சிபிஐ

டெல்லி: முதல்வர் கருணாநிதியின் மகளும் திமுக எம்பியுமான கனிமொழி 2ஜி ஸ்பெக்ட்ரம் ஒதுக்கீடு தொடர்பான முறைகேட்டில் சதிக்கு உடந்தையாக இருந்ததாக சிபிஐ தாக்கல் செய்த துணைக் குற்றப்பத்திரிகையில் கூறப்பட்டுள்ளது.
அவர் மீது ஊழல் தடுப்புச் சட்டப் பிரிவு 7 மற்றும் 11 ஆகியவற்றின் கீழ் குற்றம் சாட்டப்பட்டுள்ளது

கலைஞர் டிவி பங்குதாரரான கனிமொழி மற்றும் அதன் நிர்வாக இயக்குனர் சரத்குமார் ரெட்டி ஆகிய இருவரும் கூட்டுச் சதியில் ஈடுபட்டதாகவும் குற்றம் சாட்டப்பட்டுள்ளது.

ஸ்பெக்ட்ரம் வழக்கில் சிபிஐ தனது முதல் குற்றப்பத்திரிகையை கடந்த 2ம் தேதி தாக்கல் செய்திருந்தது. அதில் முன்னாள் அமைச்சர் ராசா உட்பட ஒன்பது பேர் மீது 5 குற்றச்சாட்டுகள் சுமத்தப்பட்டன.அவர்கள் மீது இந்திய தண்டனைச் சட்டம் ஐபிசி 120 பி (கிரிமினல் சதித் திட்டம் தீட்டுதல்), ஐபிசி 420 (ஏமாற்றுதல்), ஐபிசி 468 (போலி ஆவணங்களைத் தயாரித்தல்), ஐபிசி 471 (போலி ஆவணங்களை பயன்படுத்துதல்) மற்றும் இந்திய ஊழல் தடுப்புச் சட்டம் 1988 (அரசு அதிகாரத்தை தவறாக பயன்படுத்தி தங்களுக்கு வேண்டப்பட்டோருக்கு ஆதரவாகச் செயல்படுதல்) ஆகிய பிரிவுகளின் கீழ் சிபிஐ குற்றப் பத்திரிக்கை தாக்கல் செய்தது.

இந் நிலையில் டெல்லி பாட்டியாலா ஹவுசில் உள்ள சிறப்பு நீதிமன்றத்தில் நீதிபதி ஓ.பி.சைனி முன் சிபிஐ நேற்று தாக்கல் செய்த குற்றப் பத்திரிகையில்,
ஸ்பெக்ட்ரம் ஒதுக்கீட்டு லைசென்ஸை ஸ்வான் நிறுவனத்திற்கு வழங்கியதற்காக பிரதி பலனாக கலைஞர் டிவிக்கு ரூ. 214 கோடி லஞ்சம் தரப்பட்டதாக கூறப்பட்டுள்ளது. அதன்படி லஞ்சம் பெற்றதாக ராசாவின் பெயரும் சேர்க்கப்பட்டுள்ளது. அதேபோல கனிமொழி, சரத்குமார் ஆகிய இருவர் மீதும் கூட்டுச் சதியில் ஈடுபட்டதாக குற்றம் சாட்டப்பட்டுள்ளது.
இவர்கள் மீதும் கலைஞர் டிவிக்கு பணம் வழங்கியதாக டிபி ரியாலிட்டி நிறுவனத்தின் துணை நிறுவனமான குசேகான் மற்றும் சினியுக் நிறுவனங்களின் அதிகாரிகளான கரீம் மொரானி, ராஜிவ் அகர்வால் ஆகியோர் மீது குற்றம் சாட்டப்பட்டுள்ளது.

இந்த 5 பேர் மீதும், இந்திய குற்றவியல் சட்டம் 120 பி (ஊழல் தடுப்பு) பிரிவின் கீழ் குற்றம் சாட்டப்பட்டுள்ளது. அதன்படி ராஜாவின் மீது லஞ்சம் பெற்றதாகவும், கனிமொழி, சரத்குமார் ஆகியோர் மீது கிரிமினல் சதியில் ஈடுபட்டதாகவும், மொரானி, ராஜிவ் அகர்வால், அசீப் பல்வா ஆகியோர் மீது லஞ்சம் அளித்ததாகவும் குற்றம் சாட்டப்பட்டுள்ளது.
48 பக்கங்கள் கொண்ட இந்தக் குற்றப் பத்திரிகையில், ஸ்பெக்ட்ரம் ஊழலின் பிரதான குற்றவாளியான ராஜாவுடன் அவர் அமைச்சராக இருந்த காலகட்டத்தில் கனிமொழி தொடர்ச்சியாக தொடர்பில் இருந்தார். கலைஞர் டிவி துவக்கப்படுவதற்கு முக்கிய பங்காற்றினார். தொலைத்தொடர்புத் துறையை ராஜாவுக்கு திரும்பவும் கிடைக்கச் செய்ததில் மிக முக்கிய பங்கு வகித்தார். இப்போதும் அந்தத் தொலைக்காட்சியை இயக்குவதில் ('active brain') முக்கிய நபர் கனிமொழி தான் என்று கூறப்பட்டுள்ளது.

இந்த இரண்டாவது குற்றப் பத்திரிகையின் முகப்பில், 'சப்ளிமென்டரி-1'என்று கூறப்பட்டிருப்பதால் அடுத்தடுத்து மேலும் துணை குற்றப் பத்திரிகைகள் தாக்கல் செய்யப்படவும் வாய்ப்புள்ளது.

இந்த குற்றப் பத்திரிக்கையை ஏற்ற நீதிபதி சைனி, கனிமொழி மே 6ம் தேதி நீதிமன்றத்தில் ஆஜராகுமாறு உத்தரவிட்டார். சரத்குமார், கரீம் மொரானி ஆகியோருக்கும் சம்மன் அனுப்ப உத்தரவிட்டதோடு, ராஜிவ் அகர்வாலையும், அசீப் பல்வாவையும் செவ்வாக்கிழமை நீதிமன்றத்தில் ஆஜர்படுத்த உத்தரவிட்டார்.

இந்நிலையில் இன்னொரு துணை குற்றப் பத்திரிகை அடுத்து மாதம் 30ம் தேதி தாக்கல் செய்யப்படும் என சிபிஐ வட்டாரங்கள் தெரிவிக்கின்றன.

40000 தமிழரைக் கொன்றது இலங்கை! - ஐநா

நியூயார்க்: இலங்கையில் விடுதலைப் புலிகளுக்கு எதிராக இலங்கை அரசு நடத்திய இறுதிப் போரில் 40000 தமிழர்களுக்கு மேல் கொல்லப்பட்டனர் என்றும், அனைத்து போர் விதிமுறைகளையும் அந்நாடு மீறிவிட்டதாகவும், போர் தொடர்பாக பொய்யான தகவல்களையே கூறி வந்ததென்றும் ஐநாவின் நிபுணர் குழு அறிக்கை குற்றம்சாட்டியுள்ளது.
இலங்கையில் இறுதிக்கட்ட போர் நடந்தபோது இலங்கை அரசு போர் விதிமுறைகளை மீறி அப்பாவி மக்களை கொன்று குவித்ததாக புகார் கூறப்பட்டது.

இது தொடர்பான விசாரணை நடத்த ஐ.நா.சபை இந்தோனேசிய அட்டர்னி ஜெனரல் மார்சுகி தருஷ் மென் தலைமையில் 3 பேர் கொண்ட விசாரணை குழுவை அமைத்தது. அவர்கள் முழுமையாக விசாரணை நடத்தி 214 பக்க அறிக்கையை ஐ.நா. சபையிடம் தாக்கல் செய்தனர்.

இந்த அறிக்கை அதிகாரப்பூர்வமாக வெளியிடப்படாமல் இருந்தது. ஆனாலும் அறிக்கையில் உள்ள பல தகவல்கள் ரகசியமாக வெளிவந்தன. இப்போது ஐ.நா.சபை இந்த அறிக்கையை அதிகாரப்பூர்வமாக வெளியிட்டு உள்ளது.
முன்பு வெளிவந்த அத்தனை தகவல்களுமே உறுதியாகியுள்ளது, இந்த அதிகாரப்பூர்வ அறிக்கையைப் பார்க்கும்போது.

இந்த அறிக்கையின் சில முக்கிய பகுதிகள்:

இறுதிக்கட்ட போர் நடந்த நேரத்தில் 3 லட்சத்து 30 ஆயிரம் தமிழர்கள் ஒரே இடத்தில் முடக்கப்பட்டனர். அவர்கள் மனித கேடயமாகவும் பயன்படுத்தப்பட்டனர். அதில் இருந்து தப்பி ஓட முயன்றவர்கள் சுட்டுக் கொல்லப்பட்டனர். சிஹ்களப் படை, விடுதலைப் புலிகள் இருதரப்புமே மனித உரிமைகளை மீறி போர் குற்றங்களைச் செய்துள்ளனர்.

பொதுமக்கள் தங்கி இருந்த இடங்களில் ராணுவம் தெரிந்தே குண்டுகளை வீசியது. மருத்துவமனை மற்றும் மனிதாபிமான முக்கியத்துவம் வாய்ந்த இடங்களிலும் குண்டுவீசி தாக்கினார்கள். இதன் மூலம் 40 ஆயிரத்துக்கும் மேற்பட்ட அப்பாவி மக்கள் கொல்லப்பட்டனர். கொல்லப்பட்டோர் எண்ணிக்கை இதற்கு மேலும் கூட இருக்கலாம்.

போரில் பயன்படுத்த தடை விதிக்கப்பட்ட குண்டுகளை இலங்கை படைத் தரப்பு வீசியுள்ளது. இரு தரப்பினரும் பொதுமக்கள் அருகில் இருந்தபடியே ஆயுதங்களை பயன்படுத்தினார்கள். போரில் பாதிக்கப்பட்ட மக்களுக்கு மனிதாபிமான உதவி செய்யவில்லை. அடிப்படை உரிமைகள் மீறப்பட்டன. போர் பகுதிக்குள் ஊடக அடக்குமுறை கையாளப்பட்டது.

தமிழ்ப் பெண்களை மிகக் கொடூரமாக மானபங்கப்படுத்தியுள்ளது இலங்கை படைத்தரப்பு. கற்பழிப்புகள் சர்வசாதராணமாக நடந்துள்ளன. முழுமையாக நிர்வாணமாக்கப்பட்டு அங்கு நடந்த படுகொலைகள் போர் குற்றமாகும். எனவே இலங்கை அரசு மீது போர் குற்ற விசாரணை நடத்தலாம்.

அனைத்துமே பொய்யான தகவல்கள்

இலங்கையின் இறுதிக் கட்டப் போர் குறித்தும், கொல்லப்பட்ட தமிழர்கள் குறித்தும், தமிழர் பாதுகாப்பு குறித்தும் இலங்கை சொன்ன அனைத்துமே பொய்யான தகவல்கள் என்பது ஊர்ஜிதப்படுத்தப்படுகிறது.
1 லட்சம் பேருக்கு மேல் காணவில்லை அதேபோல இறுதிப் போரின் போது, பாதுகாப்பு வலயப் பகுதிக்கு வந்த தமிழர்களில் 1 லட்சம் பேருக்கு மேல் காணவில்லை அல்லது கணக்கில் காட்டப்படவில்லை. இந்த எண்ணிக்கையை இலங்கை அரசு வேண்டுமென்றே குறைத்துக் காட்டியுள்ளது.
கொல்லப்பட்ட புலிகளின் தலைவர்கள் புலிகளின் முக்கியத் தலைவர்கள் சரணடைய வந்தபோது, அவர்களை சர்வதேச சட்டங்களை மீறி சுட்டும் சித்திரவதைப்படுத்தியும் கொன்றுள்ளது இலங்கைப் படை.
இசைப்பிரியா போன்ற ஆயுதமேந்தாத கலைஞர்களையும் சிவிலியன்களையும் மிக மோசமாக சிதைத்துள்ளனர் ராணுவத்தினர்.

தங்களிடம் பிடிபட்ட போராளிகள், குறிப்பாக பெண் போராளிகளை உலகிலேயே இதுவரை யாரும் செய்யாத அளவு கொடூரமான முறையில் கொன்று குவித்திருப்பது தெரிகிறது. சில பெண்களை கொல்லப்பட்ட பிறகு ராணுவத்தினர் கற்பழித்து சிதைத்திருப்பதும் உறுதிப்படுத்தப்பட்டுள்ளது. இவை மனித இனத்துக்கே எதிரான மிகப் பெரிய குற்றங்கள். இதற்கு சேனல் 4 மற்றும் பல ஊடகங்களிடம் உள்ள வீடியோ ஆதாரங்கள் தகுதியான சான்றுகளே.

பட்டினியால் பல ஆயிரம்பேரைக் கொன்ற இலங்கை

போருக்குப் பின் சரணடைந்த தமிழர்கள் பாதுகாப்பு முகாம்களில் அடைக்கப்பட்டனர். இவர்களின் எண்ணிக்கையை வேண்டுமென்றே இலங்கை அரசு குறைத்துச்சொன்னது நிரூபணமாகியுள்ளது. இதனால், அன்றாடம் வழங்கப்படும் உணவு குறைந்துவிட்டதால், பல ஆயிரம் தமிழர்கள் பட்டினியாலும் கொடிய நோய்களாலும் இறந்துள்ளனர்.

-இப்படி இலங்கைக்கு எதிரான ஐநாவின் குற்றப்பட்டியல் நீண்டுகொண்டே போகிறது. உலகில் வேறு எந்த நாடும் செய்யாத அளவு, மனிதகுலமே கண்டிராத கொடுமைகளை இலங்கை அரசு தமிழர்களுக்கு எதிராக அரங்கேற்றியதையும், செய்து வருவதையும் எந்த தயக்கமும் இன்றி தெள்ளத் தெளிவாக எடுத்துக் கூறியுள்ளது ஐநா நிபுணர் குழு.இப்போது சர்வதேச சமூகம் கேட்பது, என்ன செய்யப் போகிறது இந்தியா?, என்ற கேள்வியைத்தான்!

ஐ.நாவின் அறிக்கை முழு விவரம்

http://www.un.org/News/dh/infocus/Sri_Lanka/POE_Report_Full.pdf

கம்ப்யூட்டரில் பிஎச்.டி., திறமை கொண்டுள்ள 13 வயது சிறுவன்.

கோவை:""கணிதம், ஆங்கிலத்தில் குறைந்த மதிப்பெண் எடுக்கும் 13 வயது சிறுவனை, கம்ப்யூட்டரில் பிஎச்.டி., திறமை கொண்டுள்ளான்'' என, கமிஷனர் சைலேந்திரபாபு பாராட்டு தெரிவித்தார்.

குனியமுத்தூர், பி.கே.புதூரைச் சேர்ந்தவர் காசிப் அகமது; ஸ்டோர்கீப்பர். இவரது மகன் சமீம் காம்ரூன்(13). நிர்மல்மாதா பள்ளியில் படிப்பை துவக்கிய இச்சிறுவன், பிரசன்டேசன் பள்ளியில் 8ம் வகுப்பு வரை படித்தான். கணிதம், ஆங்கிலம், பயாலஜி பாடங்களில் மட்டும் மிக்குறைவான மார்க் பெறுவதால், அடிக்கடி ஆசிரியர்களின் கோபத்திற்கு ஆளானான். ஆனால், கம்ப்யூட்டரில் மகா கெட்டிக்காரனாக இருந்தான். தகவல் அறிந்த போலீஸ் கமிஷனர் சைலேந்திரபாபு, சிறுவனை வரவழைத்து விசாரித்தார். கம்ப்யூட்டரில் சிறந்த திறமை பெற்றிருந்தது கண்டு ஆச்சரியம் அடைந்தவர், கணபதியில் உள்ள சுகுணா ரிப் பள்ளியில் சேர்த்துவிட உதவினார். பள்ளியில் சேர இரண்டு தேர்வுகளை எழுதியுள்ளான்.

கமிஷனர் சைலேந்திரபாபு கூறுகையில்," கணித பாடத்தில் மிகக்குறைந்த மார்க் வாங்கும் இச்சிறுவன், கம்ப்யூட்டரில் பிஎச்.டி., திறமை கொண்டுள்ளான். புதிதாக சாப்ட்வேர் உருவாக்கி வருகிறான். கம்ப்யூட்டர் பற்றிய நுணுக்கங்கள் அத்தனையும் தெரிந்து வைத்துள்ளான். ஆனால், அதை எவ்வாறு பயன்படுத்துவது என்பதை கற்றுக் கொடுத்தால், சிறந்த திறமையை வெளிப்படுத்துவான்,'என்றார்.

சிறுவன் சமீம் அளித்த பேட்டி: எனது அம்மா டீச்சராக உள்ளார். ஒரு தங்கை இருக்கிறாள். 7ம் வகுப்பு படிக்கும் போது, பெரியம்மா கம்ப்யூட்டர் வாங்கிக் கொடுத்தார். ஹார்ட் டிஸ்கில் பழுது ஏற்பட்டு விட்டது. பக்கத்து வீட்டில் தங்கி இருந்த இன்ஜி.,கல்லூரி மாணவர்களிடம் கேட்டபோது, 10 ஆயிரம் ரூபாய்க்கும் கூடுதலாக செலவாகும், என்றனர். வேறு வழி தெரியாமல், நானே கம்ப்யூட்டரை பழுது நீக்க முயற்சித்து வெற்றி பெற்றேன். இதன் விளைவாக கம்ப்யூட்டரில் புதுப்புது உத்திகளை கையாள ஆர்வம் ஏற்பட்டது. சாப்ட்வேர்களை உருவாக்கினேன். எக்ஸ்பி 2, எக்ஸ்பி3 யை டெஸ்க்டாப்பில் கொண்டு வந்தேன். தவிர, ஒட்டு மொத்த பைல்கள் அழிந்து போனாலும், அதை மீண்டும் கொண்டு வருவதற்கான சாப்ட்வேர் உருவாக்கி உள்ளேன். பல புதிய சாப்ட்வேர்களை கண்டுபிடிக்கும் ஆர்வம் உள்ளது, என்றான்.

நன்றி தினமலர்

சாய்பாபா: “சண்டையில கிழியாத சட்டை எந்த ஊர்ல இருக்கு?”

சாய்பாபா செத்துவிட்டார். அவரது பக்தர்களுக்கோ, ‘கடவுள் இறந்துவிட்டார்’! கடவுளின் மரணம் நிச்சயம் ஒரு வருந்தத்தக்க இரங்கல் செய்திதான். ஆனால் நமக்கோ கடவுளை விடவும், பக்தர்களைப் பற்றியே அதிக கவலை!

பல லட்சம் கோடி ரூபாய் சொத்துக்களை சேர்த்த சாயிபாபா அந்தப் பணத்தில் கல்லூரிகள், பள்ளிக்கூடங்கள், இலவச மருத்துவமனைகள் என கட்டி வைத்துள்ளார். இப்போது அவருக்கான ஆதரவு சக்திகள் தங்களின் தர்க்கத்துக்கு பயன்படுத்தும் பாய்ண்ட்டும் இதுதான். ‘எப்படியோ சம்பாதிச்சுட்டுப் போகட்டும்ங்க.. எவ்வளவு சேவை செய்யிறாரு. கொள்ளையடிக்கிற மத்த எவனும் இதை செய்யிறானா?’ என்பது பக்தர்களுடையது மட்டுமின்றி, பொதுவான மிடில் கிளாஸ் மனநிலையின் வாதமும் கூட.

’எப்படியோ சம்பாதிச்சுப் போகட்டும்’ என்ற சொற்களின் மூலம் மிகப் பெரிய மோசடித்தனங்களையும், ஏமாற்று வேலைகளையும் மிக எளிமையாக இவர்கள் கடந்து செல்கின்றனர். சாயிபாபாவுக்கு மட்டுமல்ல.. இன்று ஸ்பெக்ட்ரம் ராஜாவுக்கும், குவைத் ராஜாவுக்கும் கூட இதே தர்க்கத்தைதான் பொதுப்புத்தி பொருத்துகிறது. தேர்தல் களத்தில் தி.மு.க.வின் ஊழல்கள் எல்லாம் வாக்குக்கு எதிரானதாக மாறாது எனச் சொன்ன டீ கடைக்காரர் ஒருவர், ‘நாட்டுல எவன் சார் கொள்ளை அடிக்கல.. ஏதோ அவன் பத்து காசு பார்த்தானா… நமக்கு ரெண்டு காசு தந்தானா.. ரைட்டு ஓ.கே.ன்னுட்டுப் போக வேண்டியதான்’ என்று பெருந்தன்மையாக ஊழலை அங்கீகரித்தார்.

நாட்டின் மிகப் பெரும் கொள்ளைகளுக்குதான் இப்படி என்றில்லை. பன்னெடுங்காலமாக இந்த சிஸ்டம் மக்களை கொஞ்சம், கொஞ்சமாக Corrupt செய்து  வந்திருக்கிறது. அதன் விளைவு… ஊழல் என்றில்லை… எல்லாமே இப்படித்தான் நடக்கும், ஏற்றுக்கொண்டு அனுசரித்துதான் வாழ வேண்டும் என மக்களின் மனங்கள் பழக்கப்படுத்தப்பட்டுள்ளன. ‘போலிஸ்னா அடிக்கத்தான் செய்வான். அரசியல்வாதின்னா ஊழல் பண்ணத்தான் செய்வான். அதிகாரின்னா லஞ்சம் வாங்கத்தான் செய்வான்’ என சீரழிவுகள் அனைத்தையும் சமூகத்தின் இயல்புகள் என ஏற்றுக்கொண்டிருக்கிறது பொதுப்புத்தி. ‘சண்டையில கிழியாத சட்டை எந்த ஊர்ல இருக்கு?’ என வடிவேல் கேட்பது வெறும் நகைச்சுவை அல்ல, இந்த சமூகத்தின் மனசாட்சி!

அனைத்தையும் அனுசரித்துப் போவதும், ஊழலையும், பொறுக்கித்தனத்தையும், நேர்மையின்மையையும் அன்றாட வாழ்க்கையின் அம்சங்களாக கொள்வதும் தனிப்பட்ட நபரின் விருப்பத் தேர்வாக இருக்கும் வரை அது ஓர் தனிநபரின் ஆளுமைப் பிரச்னை மட்டுமே. ஆனால் எல்லாவற்றையும் அட்ஜஸ்ட் செய்துபோவது ஒரு சமூக மனநிலையாக மாற்றப் பட்டிருக்கிறது. அதனால்தான் தேர்தலில் போட்டியிடும் யாரும் உத்தமர் இல்லை என தெரிந்தும் மக்கள் வாக்களிக்கின்றனர். தேர்தலில் மட்டுமல்ல.. வாழ்க்கையின் ஒவ்வொரு அங்கத்தையும் சமரசத்தால்தான் எல்லோரும் எதிர்கொள்கின்றனர்.

இன்று கல்வி என்பது கொழுத்த பணம் புரளும் வர்த்தகம். தனியார் கல்லூரிகளில் ஒரு எம்.பி.பி.எஸ். சீட் ஒரு கோடி ரூபாய் விலைபோகிறது. இந்த அநீதியை எதிர்த்து ‘கல்வி என்பது அடிப்படை உரிமை. அதை இலவசமாக ஒவ்வொரு குடிமகனுக்கும் வழங்க வேண்டியது அரசாங்கத்தின் கடமை’ என உரிமையை போராடிப் பெற யாரும் தயாரில்லை. மாறாக, கிடைத்த படிப்பைப் படிக்கவும், ‘பணத்தைக் கொடுத்தாலும் வேலையை முடித்துத் தரும்’ நீரா ராடியாக்களைத் தேடவுமே விரும்புகின்றனர்.

ஆனாலும் அவர்களுக்கு ஒரு கட்டத்தில் மனசாட்சி உறுத்துகிறது. தங்களின் அட்ஜஸ்ட்மெண்ட் வாழ்க்கையை நியாயப்படுத்தத் தொடங்குகின்றனர். மாறாக, தங்களுக்கென ஒரு முற்போக்கு அடையாளத்தை சூடிக்கொண்டவர்களோ… அனைத்தையும் அனுசரித்துச் செல்லும் பச்சோந்தித்தனத்தையே கொள்கையாகப் பேசத் தொடங்குகின்றனர். முற்காலத்தியில் முற்போக்குப் பேசி தற்போது ஓட்டரசியலின் லாபங்களை அறுவடை செய்துகொண்டிருக்கும் (ML to MLA) ரவிக்குமார் இதற்கு ஒரு சிறந்த உதாரணம். சந்தர்ப்பவாத அரசியலுக்கு கொள்கை சாயமடித்து… விளக்குமாற்றுக்கு பட்டுக் குஞ்சம் கட்டும் வேலையை ரவிக்குமார் சிறப்பாக செய்துகொண்டிருக்கிறார்.

இந்த மோசமான சிஸ்டத்தை மாற்றுவதற்குப் பதிலாக இதற்குள் சாமர்த்தியமாக வாழ்வது எப்படி என அனுதினமும் மக்களுக்கு வகுப்பு எடுக்கப்படுகிறது. தன்னை சூழ்ந்திருக்கும் துன்ப துயரங்களுக்கான காரண சக்தியை கண்டறிந்து அகற்றுவதற்குப் பதிலாக… அதன் தாக்குதலை சமாளித்து தற்காத்து வாழ்வது எப்படி என்றே சனங்களுக்குப் போதிக்கப்படுகிறது. ‘ஆயிரம்தான் இருந்தாலும் அவன் புருஷன். நாலு அடி அடிச்சாலும் வாங்கிக்கிட்டு சேர்ந்துதான் வாழனும்’ என்பது அப்பத்தாக்களின் அறிவுரை மட்டுமல்ல… அரசாங்கத்தின் அருளாசியும் இதுதான். ஈஷா தியான மையம், வாழும் கலை… எல்லாம் இந்த கும்பல்தான். நோய் நிவாரணிக்குப் பதில் வலி நிவாரணியும், மயக்க மருந்துமே இவர்களின் பரிந்துரை.

இந்த இடத்தில் நாம் சாயிபாபாவைப் பேசுவோம். சாய்பாபா யார்? அவர் சாதாரண மனிதன். அதனால்தான் இப்போது செத்தும்விட்டார். இத்தனை நாட்கள் தன்னை தெய்வம் என சொல்லிக்கொண்ட சாய்பாபா, மாய மந்திர வித்தைகள் எல்லாம் செய்து உலகம் முழுக்க பக்தர்களை வளர்த்துக்கொண்டு, பல லட்சம் கோடி ருபாய் சொத்துக்களையும் சேர்த்துவிட்டார். அந்த வித்தைகளின் செய்முறை விளக்கம், Working stills வரை வெளியான பின்னும் அவரும் கைவிடவில்லை, மக்களும் அவரை கைவிடவில்லை. இந்த மோசடிகளைப் பேசினால், ‘அவர் தனி மனிதனாக ஒரு நகரத்தையே உருவாக்கியிருக்கிறார். அங்கு பல லட்சம் பேர் மருத்துவ வசதி பெருகின்றனர். கல்வி வசதி பெருகின்றனர்’ என பேச்சை மடை மாற்றுகின்றனர்.

இவ்வளவுப் பேருக்கு இலவசமாக அனைத்தையும் செய்வதற்கு உண்டான பணம் அவருக்கு எங்கிருந்து வந்தது? மாய மந்திரத்தில் கொண்டு வந்தாரா? ரிசர்வ் பேங்க் ஆபீஸர் வந்து ஒவ்வொரு நோட்டிலும் கையெழுத்துப் போட்டுக் கொடுத்தாரா? ‘எல்லாம் பக்தர்கள் கொடுத்தது’ என்பார்கள். ’பக்தர்கள் ஏன் கொடுத்தார்கள்?’ என்றால், ‘இது என்ன கேள்வி? அவர் பகவான், இவங்க பக்தர்கள். குடுக்குறாங்க’ என அதற்கு முற்றுப்புள்ளி வைக்கப்படும். ஆக, தான் இறைவன் அல்லது தெய்வீக சக்தி படைத்தவன் என சாய்பாபா தன்னைச் சுற்றி எழுப்பிக் கொண்ட இமேஜ்தான் இத்தனைக்குமான அடிப்படை. அந்த அடிப்படையே பொய்களாலும், மோசடிகளாலும் உருவாக்கப்பட்டது என்பதுதான் பிரச்னையின் மையம்.

உங்கள் மகனோ, தம்பியோ, தங்கையோ தான் வேலைப் பார்க்கும் இடத்தில் அலுவலகப் பணம் 10 லட்சத்தைத் திருடிவிட்டான் என வைத்துக்கொள்ளுங்கள். திருடியப் பணத்தில் நான்கு அனாதைப் பிள்ளைகளைப் படிக்க வைக்கிறான். இப்போது ‘ஏன் திருடினாய்?’ என கேட்டால் ’அதான் அனாதைப் புள்ளைங்களைப் படிக்க வைக்கிறேன்ல’ என பதில் சொன்னால் அது யோக்கியமானதா? ‘ஏதோ தெரியாத்தனமாகத் திருடிவிட்டான். அதை உணர்ந்து பிராயச்சித்தமாக அனாதைப் பிள்ளைகளைப் படிக்க வைக்கிறான்’ என்று சொன்னால் கூட அந்த தர்க்கம் புரிந்துகொள்ளக் கூடியது. குற்றத்தை ஒப்புக்கொள்ளும் குறைந்தப்பட்ச நேர்மையேனும் அதில் உண்டு. ஆனால் பாபாவின் பக்தர்களோ திருட்டையே ஒரு தெய்வீகத்தன்மையாகப் பார்க்கின்றனர்.

சாய்பாபா சம்பாதித்தது = திருட்டுப் பணம் என்ற இந்த ஒப்பீட்டில் பொருந்தாப் புள்ளி ஒன்று உண்டு. ஓர் எல்லைக்குப் பிறகு சாய்பாபா தானாக சென்று யாரிடமும் திருடவில்லை. பக்தர்கள் தானாக வந்து கொட்டிய பணம் அது. ’பக்தர்கள் மனமுவந்து கொடுத்ததை அவர் நல்ல காரியங்களுக்குப் பயன்படுத்திக்கிட்டார். அது தப்பா?’ என்று கேட்கிறார்கள். வேறு சிலரோ, ’அவர் பணம் சம்பாதிப்பதும், அதற்கு கையாளும் வழிமுறைகளும் எப்படி வேண்டுமானாலும் இருக்கட்டும். ஆனால் இறுதியில் அந்த பணம் முழுவதையும் சமூகத்துக்குத் தொண்டு செய்யத்தானே பயன்படுத்துகிறார்? இதில் என்ன தவறு இருக்க முடியும்?’ என கேட்கிறார்கள். அதாவது குடியிருக்குறது குடிசையா இருந்தாலும் போய் சேர்ற இடம் கோயிலா இருக்கனும். காரணம் முக்கியம் இல்லை, விளைவுகளே முக்கியம் என்கிறார்கள். ஆனால் காரணமின்றி செயல் இல்லை. சாய்பாபாவின் மாய மந்திரத்தையும், அவர் நடத்தும் இலவச மருத்துவமனையையும் ஒன்றுடன் ஒன்று பிரித்துப் பார்க்க முடியாது. மந்திரம்தான் மருத்துவமனையின் அஸ்திவாரம்.

இன்று சாயிபாபாவின் பிராண்ட் அம்பாசிடர்களாக இருக்கும் அப்துல் கலாம் முதல் மானா மூனா சிங் வரை, சச்சின் டெண்டுல்கர் முதல் மு.கருணாநிதி வரை சகலரும் பாபாவின் மறைவுக்கு ஆழ்ந்த இரங்கலை தெரிவித்துள்ளனர். தனி விமானத்தில் புட்டபர்த்தி விரைகிறார் ஸ்டாலின். இவர்கள் எப்போதேனும் மக்கள் பிரச்னைக்காக இத்தனை விரைவாக செயல்பட்டதுண்டா? இரண்டு ஆண்டுகளுக்கு முன்பு நாமக்கல் தவிட்டுத் தொழிற்சாலையில் முறையான பாதுகாப்பு ஏற்பாடுகள் இல்லாததால் ஏற்பட்ட தீ விபத்தில் 17 வட மாநிலத் தொழிலாளர்கள் இறந்துபோனார்கள். ஏறக்குறைய 10 நாட்களுக்கும் மேலாக கேட்பாரின்றி கிடந்த அந்தப் பிணங்களை யாரும் ஏறெடுத்தும் பார்க்கவில்லை. ஏனெனில் அவை வி.ஐ.பி.களின் பிணங்கள் அல்ல.

அதிகாரத்துடன் ஒத்துப்போவது, அதிகாரத்துக்கு ஒத்து ஊதுவது, எது பொதுப்புத்தியோ, எது பெரும்பான்மை கருத்தோ, எதற்கு சந்தையில் மவுசு இருக்கிறதோ, எது விலைபோகிற பண்டமோ… அதன் பக்கம் நின்றுகொள்வது்… இதுதான் இந்த சந்தைப் பொருளாதாரம் மக்களிடம் கொண்டு வந்திருக்கும் மனநிலை. இதில் நியாயம், நீதி, அறம் என்பவை எல்லாம் பொருளற்ற வெறும் சொற்கள் மட்டுமே. சுருங்கச் சொன்னால் டிரெண்ட்டுக்கு ஏற்றவாறு தன்னை தகவமைத்துக் கொள்ள வேண்டும். அவன்தான் சாமர்த்தியசாலி. இப்படி சுயநலமாகவும், ஒட்டுண்ணியாகவும், பச்சோந்தித்தனமாகவும் இருப்பதை கார்ப்பரேட் நிறுவனங்கள் ஒரு தகுதியாகவே கணக்கிடுகின்றன. இதை ஊடகங்கள் தெரிந்தே செய்கின்றன.

சத்குரு ஜக்கி வாசுதேவ் மீது மனைவியை கொலை செய்த வழக்கு நிலுவையில் இருப்பது அனைவரும் அறிந்த கதைதான். இதனால் அவரது வியாபாரத்துக்கு எந்த குந்தகமும் இல்லை. ஊடகங்களில் ஊருக்கு உபதேசித்து அறுவடை செய்த இமேஜை அடியுரமாகப் போட்டு இப்போது ஊர், ஊருக்கு ஈஷா யோகா மையம் நடத்திக்கொண்டிருக்கிறார் சத்குரு. இதேபோல் ஸ்ரீ ஸ்ரீ ரவிசங்கர் மீதும், நித்தியானந்தா மீதும் ஏராளமான சர்ச்சைகள் உண்டு. ஆனாலும் ஊடகங்கள் இவர்களை ஐகான்களாக முன்னிருத்துகின்றன. இதன் மறுகோணம், இவர்கள்தான் இந்தியாவின் இந்துத்துவ சாரத்தை தக்க வைத்துக்கொள்கிற குவி மையங்கள். ’ஏன் டி.ஜி.எஸ்.தினகரன் செய்யவில்லையா?’ என்றால், ஆம் அதுவும் இதற்கு இணையான அயோக்கியத்தனம்தான். ஆனால் எந்த மெயின் ஸ்ட்ரீம் பத்திரிக்கையும் டி.ஜி.எஸ்.தினகரனை வைத்து தொடர் எழுதுவது இல்லை என்பதை நாம் கவனமாக கருத்தில் கொள்ள வேண்டும்.

சாய்பாபாவைப் பொருத்தவரை கடைசியில் எல்லோரும் வந்து முட்டி நிற்கும் இடம் மனிதநேயம். ’இதையாவது செய்யிறாருல்ல.. மத்தவன் யாரும் செய்யலல்ல’ என்ற புள்ளியில் வந்து நிற்பார்கள். அரசியல் நீக்கம் செய்யப்பட்ட மனிதநேயம் என எதுவும் இங்கு இல்லை. தமிழ் மக்களின் உள்ளன்போடு கூடிய மனிதநேயத்தை சுனாமி சமயத்தில் நாம் எல்லோருமேப் பார்த்தோம். சுனாமியில் இறந்துபோனவர்களுக்கு வீடும், வாழ்வாதார வசதிகளும் செய்து தருவதாகக் கூறி பல்லாயிரம் கோடி ரூபாய் வெளிநாட்டு நிதி உதவி வாங்கின பல தன்னார்வ தொண்டு நிறுவனங்கள். இன்றுவரை அதில் பாதிப் பணம் கூட செலவிடப்படவில்லை. பல தன்னார்வ நிறுவனங்கள் மீது சுனாமி நிதி முறைகேடு தொடர்பான வழக்குகள் நீதிமன்றத்தில் நடைபெறுகின்றன. இதை எப்படி மதிப்பிடுவீர்கள்? ‘என்.ஜி.ஓ. காரன் என்னவோ பண்ணிட்டுப் போறான். எங்கேயோ வெளிநாட்டுல பணம் வாங்கி யாரோ நாலு பேருக்காவது வீடு கட்டி தந்தானா, இல்லையா?’ என இதை நியாயப்படுத்துவது சரியானதா? சாய்பாபாவின் ‘எப்படியோ நல்லது செய்தாருல்ல’ லாஜிக்கும் இப்படித்தான். அவை, ஊரை ஏமாற்றிக் கொள்ளை அடித்தவன் தன் ஏமாளி பக்தர்களுக்கு வீசி ஏறியும் பிஸ்கட் துண்டுகள். அதற்குள் நல்லனவற்றைத் தேடுவது என்பது, பெரியாரின் மொழியில் சொல்வதானால், ‘மலத்துக்குள் அரிசி பொறுக்கும் வேலை!’

இது யாவற்றையும் கடந்து பிறந்தால் இறந்துதானே ஆக வேண்டும்? இதை எழுதிய நான் தொடங்கி வாசிக்கும் நீங்கள் வரை ஒருநாள் சாகத்தான் போகிறோம். அதுபோல் இப்போது சாய்பாபாவும் இறந்திருக்கிறார். வடிவேலு வசனத்தைதான் நானும் சொல்கிறேன், ‘சண்டையில கிழியாத சட்டை எந்த ஊர்ல இருக்கு?’!

Thanks - Vinavu

அப்பாவிகளை அடைத்து வைத்து சித்திரவதை செய்யும் அமெரிக்கா-குவான்டனாமோ மர்மம் அம்பலம்

வாஷிங்டன்: குவான்டனாமோவில் அமெரிக்கா அமைத்துள்ள சித்திரவதை சிறைக் கூடத்தில் அடைத்து வைக்கப்பட்டுள்ள பல கைதிகள் எந்தத் தவறும் செய்யாத அப்பாவிகள் என்பது விக்கிலிகீஸ் வெளியிட்டுள்ள புதிய ஆவணங்கள் மூலம் தெரிய வந்துள்ளது.

சின்னச் சின்னக் காரணங்களுக்காக அங்கு பலர் அடைத்து வைக்கப்பட்டு சித்திரவதை செய்யப்பட்டு வருகின்றனர். 89 வயது முதியவரையும் கூட அடைத்துப் போட்டு அழகு பார்த்துக் கொண்டிருக்கிறது அமெரிக்கா. சிறையை அடைக்க அமெரிக்க அதிபர் ஒபாமா உத்தரவிட்டும் கூட இன்னும் 172 பேர் அங்கு எதிர்காலம் என்னாகுமோ என்ற பெரும் கேள்விக்குறியுடன் தவித்துக் கொண்டுள்ளனர் என்று அந்த ஆவணத் தகவல் தெரிவிக்கிறது.

குழந்தைகள், முதியவர்கள், மன நலம் பாதிக்கப்பட்டவர்கள் என சகல தரப்பினரும் தவறான காரணங்களுக்காக இங்கு அடைக்கப்பட்டு கொடுமைக்குள்ளாகியுள்ளனர். கிட்டத்தட்ட 759 ஆவணங்களை விக்கிலீக்ஸ் மூலம் வாஷிங்டன் போஸ்ட் நாளிதழும், கார்டியனும் வெளியிட்டுள்ளன.

உலக அளவில் பெரும் சர்ச்சைகளை ஏற்படுத்திய குவான்டானாமோ சித்திரவதைக் கூடத்தின் மர்மங்களை அம்பலப்படுத்தும் வகையில் இந்த ஆவணங்கள் உள்ளன. இங்கு அடைத்து வைக்கப்பட்டுள்ள பலர் பல வருடங்களாக விசாரணையே இல்லாமல் அடைத்து வைக்கப்பட்டுள்ளனர். என்ன காரணத்திற்காக அவர்கள் அடைத்து வைக்கப்பட்டுள்ளனர் என்பது கூடத் தெரியவில்லை. மேலும் பலரை கட்டாயப்படுத்தி, சித்திரவதை செய்து வாக்குமூ்லம் வாங்கியுள்ளது அமெரிக்கா.

கிட்டத்தட்ட அங்கு அடைத்து வைக்கப்பட்டிருந்த, அடைத்து வைக்கப்பட்டுள்ள ஒவ்வொரு கைதி குறித்தும் ஆவணத்தை வெளியிட்டுள்ளது விக்கிலீக்ஸ். கடந்த 2002ம் ஆண்டு இந்த சிறைக் கூடம் திறக்கப்பட்டது. அன்று முதல் இன்று வரை அந்த சிறையில் நடப்பது பெரும் மர்மமாகவே இருந்து வருகிறது. இன்னும் 172 பேர் அங்கு வாடி வருகின்றனர்.

உண்மையில் இந்தக் கூடத்தில் பயங்கரமான தீவிரவாதிகளோ அல்லது எதிரி நாட்டு வீரர்களோ அடைத்து வைக்கப்பட்டிருக்கவில்லை. மாறாக அப்பாவிகள்தான் அதிகம் உள்ளனர். அவர்களில் 89 வயதான ஆப்கானிஸ்தான் கிராமவாசியும் ஒருவர். 14 வயதான சிறுவனும் ஒருவன்.

இந்த முதியவரை ஆப்கானிஸ்தானிலிருந்து இந்த சிறைக்குக் கொண்டு வந்துள்ளனர். அவரது வீட்டு வளாகத்தில் சந்தேகத்திற்கிடமான போன் எண்கள் அடங்கிய குறிப்பு கிடந்தது என்பதுதான் இந்த முதியவரை விசாரணைக்காக கொண்டு வந்து அடைத்துள்ளதற்கான காரணம். மற்றபடி இவருக்கு தீவிரவாதிகளுடன் எந்தத் தொடர்பும் இருப்பதாக தெரியவில்லை. அதேபோல உள்ளூர் தலிபான் தலைவர்கள் பற்றித் தெரிந்திருக்கலாம் என்ற சந்தேகத்தில் 14 வயது சிறுவனைக் கூட்டி வந்து அடைத்து வைத்துள்ளனர்.

இந்த ஆவணங்களில் கூறப்பட்டுள்ள பிற முக்கியத் தகவல்கள்:

- பாகிஸ்தானின் உளவு அமைப்பான ஐஎஸ்ஐ-யை தீவிரவாத அமைப்பாக அறிவிக்க அமெரிக்கா முன்பு திட்டமிட்டிருந்ததாம். அல் கொய்தா, ஹமாஸ்,ஹிஸ்புல்லா, ஈரான் உளவுத்துறை ஆகியவற்றுடன் சேர்த்து ஐஎஸ்ஐயையும் ஒரு தீவிரவாத அமைப்பாக அது வகுத்து வைத்திருந்தது. இந்த அமைப்புகளில் ஏதாவது ஒன்றுடன் யாருக்கு்த தொடர்பு இருந்தாலும் அவர்களை தீவிரவாதிகள் அல்லது தீவிரவாத செயல்களுடன் தொடர்புடையவர்கள் என்று அறிவிக்கவும் அமெரிக்கா திட்டமிட்டிருந்தது. இதை குவான்டனாமோ சிறையில் உள்ள விசாரணை அதிகாரிகளிடம் தெரிவித்து இந்த அமைப்புகளுடன் யாருக்காவது தொடர்பு இருந்தால் அவர்களை தீவிரவாதிகளாக கருதுமாறு அறிவுறுத்தப்பட்டிருந்ததாம்.

- சிறையில் அடைத்து வைக்கப்பட்டிருந்த 100க்கும் மேற்பட்ட கைதிகள் ஒரு கட்டத்தில் மனதளவில் கடும் பாதிப்பை சந்தித்துள்ளனர். பலர் உண்ணாவிரதத்தில் குதித்துள்ளனர். இன்னும் பலரோ தற்கொலை செய்யவும் கடுமையாக முயன்றுள்ளனர்.

- அதேபோல ஏராளமான இங்கிலாந்து பிரஜைகளும் கூட இங்கு பல வருட காலமாக அடைக்கப்பட்டிருந்தனர். அவர்களுக்கு அல் கொய்தாவுடனோ அல்லதி தலிபானுடனோ எந்தத் தொடர்பும் இல்லை என்பது அமெரிக்காவுக்கு தெரிந்திருந்தும் கூட தேவையில்லாமல் அடைத்து வைத்துள்ளனர். ஜமால் அல் ஹரித் என்ற இங்கிலாந்து பிரஜையை, தலிபான்களின் சிறையில் இருந்தார் என்பதற்காக கைது செய்து குவான்டனாமோவில் அடைத்து வைத்திருந்தனர். அதேபோல பின்யாம் முகம்மது என்ற இன்னொரு இங்கிலாந்து நாட்டவரை தூக்கிலிட்டுக் கொல்லவும் அமெரிக்க ராணுவம் முயன்றுள்ளது.

- பல கைதிகளை சித்திரவதை செய்து அவர்களை வற்புறுத்தி தங்களுக்கு சாதகமாக ஒப்புதல் வாக்குமூலத்தை அமெரிக்க ராணுவம் வாங்கியுள்ளது. இது நிற்காது என்று தெரிந்தும் கூட, அதை பெரிய ஆதாரமாக கருதி தொடர்ந்து அவர்களை சித்திரவதை செய்து வந்துள்ளது.

- வேறு வழியில்லாமல் பலரை அவரவர் சார்ந்த நாடுகளிடம் ஒப்படைத்தபோது, அவர்களால் அமெரிக்காவுக்கு பெரும் அபாயம் ஏற்படும் என்று எச்சரித்தே ஒப்படைத்துள்ளது அமெரிக்க ராணுவம்.

இப்படிப்பட்ட சித்திரவதைக் கூடத்தை மூட ஒபாமா மேற்கொண்ட முயற்சிகள் தோல்வியே என்றும் வாஷிங்டன் போஸ்ட் வர்ணித்துள்ளது. கைதிகளுக்கான அடிப்படை மனித உரிமைகளைக் கூட இந்த சிறைக் கூடத்தில் அமெரிக்க ராணுவம் கடைப்பிடிக்கவில்லை என்பது வெட்ட வெளிச்சமாகியுள்ளதாகவும் வாஷிங்டன் போஸ்ட் சாடியுள்ளது.

இந்த கைதிகள் கூட்டத்தில் சீன முஸ்லீம்களான உய்கூர் முஸ்லீம்களும் கணிசமான பேர் உள்ளனர் என்பது குறிப்பிடத்தக்கது.

அடைக்கப்பட்டுள்ள கைதிகளில் ஒருவரான மாத் அல் குத்தானி என்பவர், 9 ஆண்டுகளுக்கு முன்பு பிடிபட்டார். இவர் செய்த தவறு என்னவென்றால், பின்லேடன் கடைசியாக காணப்பட்ட, தோரா போரா மலைப் பகுதியிலிருந்து 2001ம் ஆண்டு இவர் தப்பி வந்ததே. இதனால் இவருக்கு பின்லேடன் குறித்துத் தெரியும் என்று கூறி பிடித்து வந்து அடைத்து விட்டனர்.

இவரை பின்லேடனின் பாடிகார்டுகளில் ஒருவர் என்று அமெரிக்க ராணுவம் கூறுகிறது. இவரை விடுதலை செய்யவே முடியாது என்றும் அது கூறி வருகிறது.

அதேபோல காந்தஹாரில் உள்ள மனு மசூதி என்ற மசூதியில் முல்லாவாக இருந்த ஒருவரையும் பிடித்துப் போட்டனர். இவருக்கு தலிபான்கள் குறித்து நன்றாக தெரியும் என்பது இவர் மீதான குற்றச்சாட்டாகும். ஆனால் அவரிடமிருந்து எந்தத் தகவலையும் இவர்களால் கறக்க முடியாததால், ஒரு வருட சித்திரவதைக்குப் பின்னர் விடுவித்து விட்டனர்.

அதேபோல காபூல், கோவ்சத் ஆகிய பகுதிகளை நன்கு அறிந்து வைத்திருந்தவரான டாக்சி டிரைவர் ஒருவரையும் கைது செய்து இந்த சிறையில் அடைத்தனர்.

அல் ஜசீரா டிவியின் செய்தியாளர் ஒருவரையும் அமெரிக்க ராணுவம் கைது செய்து இங்கு அடைத்து வைத்திருந்தது. 6 வருட கால சிறைவாசத்திற்குப் பின்னர்தான் அவரை விடுவித்துள்ளனர். அல் ஜசீரா குறித்து அறிந்து கொள்வதற்காக இவரைக் கைது செய்துள்ளனர்.

விக்கிலீக்ஸ், குவான்டனாமோ குறித்து வெளியிட்டுள்ள இந்த தகவல்கள் பெரும் பரபரப்பையும், அதிர்ச்சியையும் தருவதாக உள்ளது.

எண்டோசல்பான் பூச்சிக் கொல்லி மருந்துக்கு உலகளவில் தடை வருமா?

ஸ்டாக்ஹோம்: உடல் நலனுக்கு பெரும் கேடு விளைவிக்கும் எண்டோசல்பான் பூச்சிக் கொல்லி மருந்துக்கு தடை விதிப்பது குறித்து விவாதிக்க ஜெனீவாவி்ல் வரும் 25ம் தேதி முதல் 29ம் தேதி பன்னாட்டு ஆலோசனைக் கூட்டம் நடக்கிறது.

ஸ்டாக்ஹோம் கன்வென்சன் என்று அழைக்கப்படும் இக் கூட்டத்தில் இந்த மருந்துக்குத் தடை விதிக்கப்பட்டால், உலகம் முழுவதும் இந்த மருந்து உற்பத்தி நிறுத்தப்பட வேண்டும்.

ஆனால், இந்தியா, சீனா, பிரேசில் ஆகிய நாடுகள் இந்த மருந்துக்கு தடை விதிப்பதை மிகக் கடுமையாக எதிர்த்து வருகின்றன. மிகச் சிறந்த பூச்சிக் கொல்லியான இந்த மருந்துக்குத் தடை விதிக்கப்பட்டால் தங்கள் நாட்டு விவசாயமே அடியோடு பாதிக்கப்படும் என இந்த நாடுகள் கூறுகின்றன.

இதனால் இந்த மருந்துக்குத் தடை விதிக்க மத்திய அரசு  எதிர்ப்புத் தெரிவித்து வருகிறது. உலகில் 70 சதவீத எண்டோசல்பான் இந்தியாவில் தான் தயாரிக்கப்படுகிறது. மிச்சமுள்ள 30 சதவீதத்தை பிரேசிலும் இஸ்ரேலும் தயாரிக்கின்றன.

இந் நிலையில் இந்த மருந்தை ஒழித்துக் கட்டிவிட்டு, தங்கள் நாட்டு விலை உயர்ந்த மருந்துகளை வளரும் நாடுகளின் தலையில் கட்ட ஐரோப்பிய நாடுகள் முயல்வதாகவும், இதனால் தான் இந்த மருத்துக்கு தடை விதிக்க முயல்வதாகவும் இந்திய எண்டோசல்பான் மருந்து உற்பத்தியாளர்கள் புகார் கூறுகின்றனர்.

எண்டோசல்பான் மருந்தின் ஒரிஜினல் தயாரிப்பாளர் ஜெர்மனியைச் சேர்ந்த ஒரு நிறுவனம் தான். ஆனால், அந்த நிறுவனம் இப்போது இந்த மருந்தை தயாரிப்பதை நிறுத்திவிட்டது. காரணம், அந்த நிறுவனத்தைவிட விலை குறைவாக இந்தியா இந்த மருந்தைத் தயாரிப்பது தான். இப்போது அந்த நிறுவனம் புதிய மருந்தை கண்டுபிடித்துள்ளது. அதை வளரும் நாடுகள் மீது திணிக்கவே, எண்டோசல்பான் மீதான தடையை அந்த நிறுவனமே ஆதரித்து வருகிறது என்று இந்திய பூச்சி மருந்து தயாரிப்பாளர்கள் சங்கத்தின் தலைவர் பிரதீப் தாவே கூறியுள்ளார்.

ஒரு லிட்டர் எண்டோசல்பானில் விலை ரூ. 286 ஆகும். ஆனால், இதற்குப் பதிலாக ஐரோப்பிய நிறுவனங்கள் பரிந்துரைக்கும் பூச்சி மருந்தின் விலை லிட்டர் ரூ. 2,000ல் இருந்து ரூ. 13,000 வரை இருக்கும் என்கிறார்கள்.

தடை விதிக்க கேரள முதல்வர்  கோரிக்கை:

இந் நிலையில் எண்டோசல்பானுக்கு தடை விதிப்பதில் பிரதமர் மன்மோகன் சிங் மெத்தனமாக செயல்படுவதாக கேரள முதல்வர் அச்சுதானந்தன் குற்றம்சாட்டியுள்ளார். நிருபர்களிடம் அவர் கூறுகையில், எண்டோசல்பான் பூச்சி மருந்தால் மக்கள் பாதிக்கப்பட்டுள்ள நிலையில், மத்திய அரசு கண்களைக் மூடிக்கொண்டுள்ளது. அந்த மருந்துக்கு தடை விதிக்க உடனடியாக அமைச்சரவையை கூட்டி விவாதிக்க வேண்டும்.

எண்டோசல்பானுக்கு தடை விதிக்க கூடுதல் ஆய்வு செய்ய வேண்டும் என்று பிரதமர் கூறியிருப்பது அதிர்ச்சி அளிக்கிறது. இந்த விஷயத்தில் விவசாயத்துறை அமைச்சர்  சரத் பவார்  , சுற்றுச்சூழல் துறை அமைச்சர் ஜெய்ராம் ரமேஷ் ஆகியோரின் கருத்துக்களையே பிரதமரும் தெரிவித்துள்ளார். ஜெய்ராம் ரமேஷ் சுற்றுச்சூழலுக்கு எதிரானவர் மட்டுமல்ல மக்களுக்கும் எதிரானவர்.

இந்த பூச்சி மருந்து தெளிக்கப்பட்டதில், கேரளம் மற்றும் கர்நாடகத்தில் நூற்றுக்கணக்கானோர் தங்கள் வாழ்க்கையை இழந்துள்ளனர். ஏராளமானோர் உடல்நலக் குறைவால் பாதிக்கப்பட்டுள்ளனர். கேரளத்தில் 11 பஞ்சாயத்து பகுதிகளும், கர்நாடகத்தில் 96 கிராமங்களும் இந்த பூச்சி மருந்தால் பாதிக்கப்பட்டுள்ளன.

மத்திய அரசு பூச்சி மருந்து நிறுவனத்துக்கு குரல் கொடுக்காமல் உடனடியாக மக்களுக்கு உதவ முன்வர வேண்டும் என்றார்.

எண்டோசல்பானுக்கு தடை விதிக்குமாறு கர்நாடக முதல்வர் எதியூரப்பாவும் கோரி வருவது குறிப்பிடத்தக்கது.

சமையல் எரிவாயு... இனி ஆன்லைனில் பதிவு செய்யலாம்!

சென்னை: இனி வாடிக்கையாளர்கள் தங்களுக்குத் தேவையான சமையல் எரிவாயுவை ஆன்லைனில் முன் பதிவு செய்து கொள்ளலாம்.

சமையல் எரிவாயு கேட்டு விண்ணப்பித்து வீட்டிற்கு வந்து சேரும் வரை பெண்கள் பெரும் சிரமத்திற்கு உள்ளாகிறார்கள். கேஸ் ஏஜென்சிகளின் டெலிபோன் எண்ணுக்கு தொடர்பு கொண்டு புக் செய்வதற்குள் கேஸ் தீர்ந்து விடும் நிலை.

எப்போது போன் செய்தாலும் தொடர்பும் கிடைப்பதில்லை. எனவே பதிவு செய்வதற்கு பெரும் பாடுபட வேண்டி உள்ளது. அதனால் கேஸ் ஏஜென்சிக்கே நேரில் செல்ல வேண்டிய நிலை ஏற்படுகிறது. இந்த சிரமங்கள் குறித்து எண்ணை நிறுவனங்களுக்கு புகார்கள் தெரிவிக்கப்பட்டன. இதையடுத்து ஆன்லைனில் எரிவாயுவை முன்பதிவு செய்யும் முறை அறிமுகப்படுத்தப்படுகிறது.

இந்தியன் ஆயில் நிறுவனத்தின் இண்டேன் எரிவாயு வாடிக்கையாளர்களுக்கு 25-ந் தேதி (திங்கட்கிழமை) முதல் இந்த திட்டம் செயல்படுத்தப்படுகிறது.

கம்ப்யூட்டர் அல்லது செல்போன் மூலமாக இண்டேன் சமையல் கியாஸ் வாடிக்கையாளர்கள் 8124024365 என்ற பத்து இலக்க எண்ணை அழுத்தி பதிவு செய்யவேண்டும்.

இந்த எண் அனைத்து இண்டேன் வாடிக்கையாளர்களுக்கும் பொருந்தும். அதன் பின்னர் ஒவ்வொன்றாக அழுத்தி நடைமுறைப் படுத்தவேண்டும்.

தமிழ் வழியில் பதிவு செய்ய எண்-1, ஆங்கில வழியில் பதிவு செய்ய எண்-2 அழுத்த வேண்டும். நுகர்வோர் எண், செல்போன் எண், வினியோகஸ்தர் எண் ஆகியவற்றை ஒன்றன்பின் ஒன்றாக பதிவு செய்யவேண்டும். இவ்வாறு 8 நடைமுறைகளை பின்பற்றினால் வாடிக்கையாளர்கள் பதிவு ஏற்றுக்கொள்ளப்பட்டு உறுதி செய்யப்படும். இதற்கு கட்டணம் எதுவும் இல்லை.

இந்த முறையில் வாடிக்கையாளர்கள் 24 மணி நேரமும் கியாஸ் புக்கிங் செய்யலாம்.

எச் பி கேஸ் வாடிக்கையாளர்கள்...

தாங்கள் விரும்பிய நேரத்தில் பதிவு செய்து கொள்ள முடியும். இதேபோல எச்.பி. கேஸ் வாடிக்கையாளர்கள் 9092223456 என்ற எண் மூலம் பதிவு செய்ய வேண்டும். ஆன்லைனில் எரிவாயு பதிவு செய்வதில் பெண்கள், வயதானவர்கள், படிக்காதவர்கள் சிரமப்படுவார்கள் என்பதால், அவர்கள் எளிதாக பதிவு செய்வதற்கு வழிமுறைகளை கேஸ் ஏஜென்சிகள் வழங்கி வருகிறார்கள்.

சென்னையில் தற்போது நடைமுறைப்படுத்தப்படும் இத்திட்டம், படிப்படியாக மற்ற நகரங்களுக்கும் விரிவுப்படுத்தப்படும்.

பகவான் சாயிபாபாவுக்கு நோய் வரலாமா..?

85 வயதுக்காரரான புட்டபர்த்தி சாயிபாபாவின் உடல் நலம் மிகவும் கெட்டுப் போய் விட்டது. அவரைப் பிழைக்க வைக்க டாக்டர்கள் அரும்பாடுபட்டு வருகின்றனர். அவர் உடல் நலம் பெற்று நூறாண்டும் கடந்து வாழட்டும். அதில் ஒன்றும் நமக்குப் பிரச்சினை இல்லை. மனிதநேயக் கண்ணோட்டத்தோடு அவர் உடல் நலம் வளமோடு இருக்கவே விரும்புகிறோம் - வாழ்த்துகிறோம்.....அதே நேரத்தில்

 அவரின் கோடானு கோடி பக்தர்கள் ஒன்றை இந்த நேரத்தில் சிந்தித்துப் பார்க்க வேண்டும். இந்த நேரம்தான் அவர்கள் சிந்திக்க வேண்டிய அவசியமான நேரம் என்பதால், பகுத்தறிவாளர்கள் நினைவூட்டுவது கடமை யாகும்.
சாயிபாபா - பகவான் சாயிபாபா என்றும், அவர் ஆசி தீராத நோய்களையெல்லாம் தீர்த்து வைக்கும் என்றும் சொல்லுகிறார்களே - பிரச்சாரமும் செய்கிறார்களே - வெளிநாடுகளில் உள்ள நோயாளிகளைக்கூட, நேரில் பார்த்து ஆசீர்வாதம் செய்யாமலேயே குணப்படுத்தும் தெய்வீகத் தன்மை அவருக்கு இருப்பதாக ஏடுகள் எல்லாம் ஏற்றிப் போற்றியதுண்டே - அவை எல்லாம் உண்மைதானா என்று சிந்திக்க வேண்டிய நேரம் இது.

காரணம், சாதாரண மனிதர்களுக்கு ஏற்படக் கூடிய அத்தனை நோய்களும் அவரை இப்பொழுது தொந்திரவு பண்ணிக் கொண்டு இருக்கின்றன.

செயற்கை சுவாசம் கொடுக்க வேண்டிய நிலைமை ஏற்பட்டுள்ளது. 20 நாள்களாக அவரைத் தீவிர சிகிச்சைப் பிரிவில் (Intensive Care Unit)வைத்து தீவிரமாக சிகிச்சை செய்து கொண்டு இருக்கிறார்கள். இன்னும் அபாய கட்டத்தைத் தாண்டவில்லை என்றும் மருத்துவர்கள் அறிக்கைகளைக் கொடுத்த வண்ணம் உள்ளனர்.

பக்தர்களும்,அந்தமருத்துவமனையின்வெளியில்கூடிநின்று காப்பாற்றுங்கள்,  காப்பாற்றுங்கள்! சாயிபாபாவைக் காப்பாற்றுங்கள்! என்று ஆர்ப்பாட்டங்களைச் செய்து கொண்டும் இருக்கிறார்கள். வெளி நாட்டு மருத்துவ நிபுணர்களை ஏன் அழைக்கவில்லை என்று குற்றங் கூறுகிறார்கள்.மற்றவர்களுக்கு ஏற்படும் புற்று நோயைக்கூட தன் பார்வையால் குணப்படுத்துவ தாகக் கூறும் பகவான் சாயிபாபாவுக்கு நோய் வரலாமா? செயற்கைச் சுவாசம் கொடுக்க வேண்டிய நிலை ஏற்படலாமா? என்ற கேள்விகளை எழுப்பிச் சிந்திக்க வேண்டாமா?

பல ஆண்டுகளுக்கு முன்பே அவருக்கு ஏற்பட்ட குடலிறக்க நோய்க்குக் கோவாவில் அறுவை சிகிச்சை செய்யப்பட்டது. அவருக்கு அறுவை சிகிச்சை செய்த டாக்டர் சண்டே இதழுக்கு அளித்த பேட்டியில் கூறியதுண்டு.

சில வருடங்களுக்கு முன் குளியல் அறையில் வழுக்கி விழுந்து எலும்பு முறிவு ஏற்பட்டதுண்டு.

சாயிபாபாவை சிலர் கொலை செய்ய முயன்ற போது அறைக்குள் ஓடி தாழ்ப்பாள் போட்டுக் கொண்டு உயிர் தப்பிட வில்லையா?

சாயிபாபாவுக்குச் சக்தியிருப்பதாக நம்புவதெல்லாம் நமது அறியாமையே தவிர வேறு ஒன்றும் அல்ல. அவரும் நம்மைப் போல சாதாரண மனிதர்தான். அவர் சில வித்தைகளைக் (Magic) கற்று வைத்துக் கொண்டு, அவற்றைச் செய்து காட்டி மக்களை மயக்கியவர் என்பதை மட்டும் தெரிந்து கொண்டால் போதும்!

Thanks - viduthalai

தமிழகத்தைச் சுரண்டும் மலையாளிகள்!

முல்லைப் பெரியாறு அணைக்கட்டு உயரத்தை உயர்த்த மறுத்து, அதன்மூலம் பயனடையும் தென்மாவட்ட விவசாயிகளின் வேளாண்மைத் தொழிலை வீணடித்த கேரளா, ஈழத்தமிழர் விஷயத்திலும் மலையாள வெறிபிடித்த உயரதிகாரிகள் துரோகத்தையே செய்தனர்.

தற்போது எஞ்சியிருக்கும் தமிழகத்தின் பொருளாதாரத்தைச்சுரண்ட தமிழகத்துக்குள்ளேயே வேறூன்றி விட்டார்கள். நம்மை ஓட்டாண்டியாக்காமல் விட மாட்டார்கள்'' என்ற பகீர் தகவலுடன் பேசினார் பாலமுருகன் என்ற இளைஞர்.

தமிழ் சமுதாயத்தில் தங்கம் என்பது திருமணம், காதுகுத்து, சடங்கு நிகழ்ச்சிகளில்தான் பயன்படுத்துவார்கள். அப்போதுதான் நகைக்கடைக்குச் சென்று நம் மக்கள் நகைகள் வாங்குவார்கள். ஆனால் சமீப காலமாக அத்தியாவசியப் பொருட்களை தினசரி வாங்குவதுபோல, நகைகள் வாங்குவதைப் பழக்கப்படுத்தி வருகிறார்கள். இதுக்குக் காரணம், தமிழகத்தில் பிரம்மாண்ட ஷோரூம்களை திறந்து வைத்திருக்கும் கேரள நிறுவனங்கள். "கல்யாண்', "பீமா', "மலபார் கோல்டு', "ஜாய் ஆலுக்காஸ்', "ஜோஸ் ஆலுக்காஸ்', "கஸானா' என்று ஏகப்பட்ட கேரளக்காரர்களின் நகைக்கடைகளும் தமிழகத்தின் அனைத்து நகரங்களிலும் திறக்கப்பட்டு விட்டன.  இவர்களுக்கு அரபு நாட்டிலிருந்து தங்கம் எப்படி வருகிறது என்பதற்கு பல கதைகள் சொல்கிறார்கள். கடந்த ஐந்து ஆண்டுகளில் இப்படி உருவான பல கேரள நகை ஷோரூம்கள் நகை வாங்குவது மக்களின் கவுரவத்திற்கு முக்கியமானது; வாழ்க்கைக்குத் தேவையானது என்பதுபோலும், தாங்கள்தான் மிகவும் குறைவான விலையில் சுத்தமான தங்கத்தை கொடுப்பதாகவும் விளம்பரம் செய்வதால், இப்போது வார விடுமுறையில் ஷாப்பிங் செய்வதுபோல் நம்ம மக்கள் நகைக்கடைகளில் தங்கம் வாங்கிக் கொண்டிருக்கிறார்கள்.

ஒவ்வொரு நாளும் பலகோடி ரூபாய்க்கு தமிழர்களிடம் விற்று விடுகிறார்கள் கேரளாக்காரர்கள்.  இதனால், குறைந்த அளவில் வியாபாரம் செய்து கொண்டிருந்த பாரம்பரியமான தமிழக நகை வியாபாரிகள் தங்கள் வியாபாரத்தை விட்டுவிட்டு வேறு தொழிலுக்கு சென்று விட்டார்கள். பிறந்த நாள், கல்யாண நாள், பண்டிகை மட்டுமில்லாமல், ஜவுளிக்கடைகள் தள்ளுபடி அறிவிக்கும் ஆடி மாதத்தில் கூட, ஏதாவதொரு பொய் விளம்பரம் செய்து நகைகளை விற்கிறார்கள். தமிழகத்திலுள்ள சில ஜோசியக்காரர்கள், புரோகிதர்கள், ஊடகங்களுக்கு பணத்தைக் கொடுத்து அட்சய திரிதியை அன்றும் பலகோடி ரூபாய்க்கு நகைகளை விற்று தமிழர்களை ஓட்டாண்டியாக்குகிறார்கள். இப்படி ஒரு ஊர் விடாமல் எல்லா ஊர்களிலும் மெகா ஷோரூம்களை திறக்கும் கேரளாக்காரர்களுக்கு ஒரு உச்சவரம்பைக் கொண்டு வரவேண்டும்'' என்றார்.

நாம் தமிழர் கட்சி' ஜெரோம்குமார், ""அதிகமான நகைக்கடைகளை மட்டும் மலையாளிகள் தமிழகத்தில் திறக்கவில்லை. வட்டிக்கடைகளையும் திறந்து வருகிறார்கள். கிராமப்புறங்களிலெல்லாம் முத்தூட் ஃபைனான்ஸ், முத்தூட் மின்கார்ப், மணப்புரம் லோன் என்று திறந்து வைத்துள்ளனர். ஒரு கிராம் தங்கத்துக்கு யாரும் நினைத்து பார்க்க முடியாத அளவிற்கு 2000 ரூபாய் தருவதாக விளம்பரம் செய்கிறார்கள். கிராம மக்கள் வழக்கமாக வைக்கும் கூட்டுறவு பேங்கில் கிராமிற்கு 1200 ரூபாய்க்கு மேல் தருவதில்லை. அதுமட்டுமில்லாமல் அங்கு நகையை அடகுவைத்து பணம் வாங்கி வருவதற்கும் ரொம்ப லேட்டாகும். ஆனால், மலையாளிகள் மிகவும் நவீனமயமாக தங்களது வட்டிக்கடைகளை வைத்து ஆட்கள் போனவுடனேயே அவங்க கேட்ட பணத்தை கொடுத்துடுறாங்க. ஆனா ரொம்ப விவரமாப் பண்றாங்க. ஒரு பவுனுக்கு எட்டாயிரம் ரூபா வாங்குனா ஒரு ரூபா வட்டி, பத்தாயிரம் வாங்குனா இரண்டு ரூபா வட்டி, அதுக்கு மேல போனா மூணு ரூபா வட்டி. வட்டிய மாசா மாசம் கட்டணும். இல்லேன்னா... அபராத வட்டி, அந்த வட்டி, இந்த வட்டினு ஏத்திப் போட்டு, நம்ம நகைய நாம திரும்ப மீட்க முடியாது.

இப்படி டெக்னிக்கலா தமிழர்களை இந்த மலையாளிகளின் வட்டிக்கடைகள் சுரண்டி வருகின்றன . இதுக்கு ஒரு கட்டுப்பாடே கிடையாது. இப்படி தமிழர்களின் ஏழ்மையையும், கஷ்டத்தையும் பயன்படுத்திச் சுரண்டுற மாதிரி, தமிழர்கள் யாராவது கேரளாவுல எந்த வியாபாரமாவது செய்ய முடியுமா? விரைவில் கேரள ஆதிக்கத்துக்கு எதிராப் போராடுகின்ற சூழல் தமிழகத்துல வரும்'' என்றார்.

ராமேஸ்வரம் அப்துல்லாவோ, நகைக்கடை, வட்டிக்கடை மட்டுமல்ல,  தமிழகத்துல உள்ள சிறுவியாபாரமான டீக்கடையிலிருந்து பெரிய தொழில் வரைக்கும் மலையாளிகள் எவ்விதப்பிரச்சினையுமில்லாமல் செய்யுறாங்க. தமிழக கடற்கரையோரம் மீன், இறால்களை மொத்தமாக பர்ச்சேஸ் செய்பவர்கள் மலையாளிகள்தான். இந்த எக்ஸ்போர்ட் நிறுவனங்கள் தங்களுக்குள் பேசி வைத்துக்கொண்டு குறைந்த விலைக்குத்தான் கடல் உணவுப் பொருட்களை வாங்குகிறார்கள். "பேச்சாளை' என்ற ஒரு வகை மீன். அதை அவர்கள் "மத்தி' என்பார்கள். தமிழக மக்கள் யாரும் இதை உண்பதில்லை. ஆனால் மலையாளிகளோ தங்கள் கடலில் இந்த மீன் கிடைக்காது என்பதால், நம்ம ஊரில் தடை செய்யப்பட்ட வலைகளை கொடுத்து பிடிக்கச் சொல்கிறார்கள். பிடித்தவுடன் இந்த மீன் அழுக ஆரம்பித்துவிடும். அதனால் நாற்றம் குடலைப் புரட்டும். லாரியில் கொண்டு போகும் போது அந்த கழிவுநீர் வடிந்து நாள் முழுக்க ஏரியாவே துர்நாற்றம் வீசும். மாவட்ட நிர்வாகம் எவ்வளவோ எச்சரித்தும், கேரளக் காரர்கள் அழுகல் மீன் கொண்டு செல்வதை கட்டுப்படுத்த முடியவில்லை. அதுபோல் மண்டபம் பகுதியில் நண்டு எக்ஸ்போர்ட் செய்கிறவர்களும் மலையாளிகள்தான். தமிழர்களை லேபர் கான்ட்ராக்ட் போல் வைத்துக் கொண்டு, தொழிலாளர் சட்டத்தையோ, தொழிற்சாலை சட்டத்தையோ பின்பற்றாமல் தொழில் செய்கிறார்கள். இதில் நடிகர் மோகன்லாலின் கம்பெனியும் அடக்கம்'' என்று சுகாதார ரீதியாகவும் தமிழகத்தை நாசம் செய்யும் விவரங்களைக் கூறுகிறார்.

பணப்புழக்கம் அதிகமுள்ள நகரங்களில் நகைக்கடைகளையும், விவசாயம், மீன்தொழில், சிறு வியாபாரம் நடக்கும் ரூரல் நகரங்களில் வட்டிக்கடைகளையும் திறந்து தமிழக பொருளாதார வளத்தை மோசடியாக சுரண்டுகின்றனர் மலையாளிகள். முத்தூட் ஃபைனான்சின் ஒரு கிளையில், ""மக்களை ஏமாற்றும் விதத்தில் விளம்பரம் செய்து அளவுக்கதிகமான வட்டி போடுகிறீர்களாமே?'' என்றோம்.

அப்படியெல்லாம் இல்லை. வழக்கமான வட்டிக்கடைகளை விட நாங்கள் குறைவாகத்தான் வட்டி போடுகிறோம். அது மட்டுமில்லாமல் வாங்கிய கடனை தவணை முறையில் செலுத்தவும் ஏற்பாடு செய்திருக்கிறோம். துரிதமாக மக்களுக்கு பணியாற்றுகிறோம்'' என்று தங்கள் நிறுவனத்துக்கு வக்காலத்து வாங்கியே பேசினார்கள், தமிழர்களான அந்த பணியாளர்கள்.(Thanks. Nakkeeran)

திறமை இருக்கிறது இதனால் என்ன என்பது பலபேர் வாதம் செய்கின்ரனர். நன்றாக சிந்தித்துப்பாருங்கள். தமிழ்நாட்டில் பலபேர் வேறுதொழில் தெரியாமல் ஒரு பொற்கொல்லராகவோ, அல்லது வேறு எதாவது தொழில் செய்து  பிழைக்கின்றனர். தமிழ்நாட்டு மக்களின் வறுமையையும், கஷ்டத்தையும் கண்டுபிடித்து இவர்களுக்கு வேலை தருவதுபோல் தந்து இவர்கள் வயிற்றில் அடிக்கின்றனர், பலபேர் வாழ்க்கையை பறிக்கின்றனர். இது என்ன நியாயம். பொருளாதார ரீதியாகத்தான் இந்திய தேசத்தையே கிழக்கிந்திய கம்பெனி கபளீகரம் செய்தது என்பதை, தமிழகத்தில் வேறூன்றி வரும் மலையாள நகைக்கடைகள், வட்டிக் கடைகளை பார்த்து தமிழர்கள் விழிப்பாக இருக்க வேண்டும் என்பதே தமிழர் உணர்வாளர்களின் விருப்பம்.

Thanks - azifair-sirkali.

மே 14ம் தேதி பிளஸ் 2 ரிசல்ட் வெளியாகிறது: 25ம் தேதி 10ம் வகுப்பு தேர்வு முடிவு

சென்னை: பிளஸ் 2 தேர்வு முடிவுகள், மே 14ம் தேதி வெளியிடப்படும் என்றும், 10ம் வகுப்பு தேர்வு முடிவுகளை, மே 25ம் தேதி வெளியிட திட்டமிட்டிருப்பதாகவும், பள்ளிக் கல்வித்துறை செயலர் சபீதா தெரிவித்துள்ளார்.

கடந்த மார்ச் 2ம் தேதி முதல், 25ம் தேதி வரை நடந்த பிளஸ் 2 தேர்வை, ஏழு லட்சத்து, 23 ஆயிரத்து, 545 பேர் எழுதினர். இவர்களில், மூன்று லட்சத்து, 36 ஆயிரத்து, 443 பேர் மாணவர்கள்; மூன்று லட்சத்து, 87 ஆயிரத்து, 102 பேர் மாணவியர். 1,890 மையங்களில், தேர்வுகள் நடந்தன. விடைத்தாள்கள் திருத்தப்பட்டு, தற்போது, பாட வாரியாக மதிப்பெண்கள் பதிவு செய்யும் பணி, "டேட்டா சென்டரில்' மும்முரமாக நடந்து வருகிறது. மெட்ரிக் - ஆங்கிலோ இந்திய தேர்வுகள், மார்ச் 22ம் தேதியில் இருந்தும், எஸ்.எஸ்.எல்.சி., - ஓ.எஸ். எல்.சி., தேர்வுகள், மார்ச் 28ம் தேதியில் இருந்தும் ஆரம்பமாகி, நான்கு போர்டு தேர்வுகளும், ஏப்ரல் 11ம் தேதி முடிந்தது. இதில், 10 லட்சத்திற்கும் மேற்பட்ட மாணவர்கள் கலந்து கொண்டனர்.

இதன் விடைத்தாள்கள் திருத்தும் பணி, கடந்த 20ம் தேதி துவங்கியது. கடந்தாண்டு, மே 14ம் தேதி, பிளஸ் 2 தேர்வு முடிவுகள் வெளியிடப்பட்டன. இந்த ஆண்டு, மே 13ம் தேதி, தேர்தல் முடிவு வெளிவர இருப்பதால், பிளஸ் 2 தேர்வு முடிவு வெளியாகும் தேதி குறித்து, கடந்த வாரம் வரை, உறுதியான தகவல்கள் எதுவும் தெரியவில்லை. இது தொடர்பாக, தேர்வுத்துறை மற்றும், "டேட்டா சென்டர்' அதிகாரிகளுக்கும் எவ்விதமான தகவலும் தெரிவிக்கப்படாத நிலையில், நேற்று திடீரென, தேர்வு முடிவு தேதிகளை, பள்ளிக் கல்வித்துறை செயலர் சபீதா வெளியிட்டார்.

சென்னை, கன்னிமாரா நூலகத்தில் நேற்று நடந்த நிகழ்ச்சி ஒன்றில் கலந்து கொண்ட பின், நிருபர்களிடம் கூறும்போது, "பிளஸ் 2 தேர்வு முடிவுகள் தயாரிக்கும் பணி நடந்து வருகிறது. பெரும்பாலான பணிகள் முடிந்து விட்டன. எனவே, இதன் முடிவுகள், மே 14ம் தேதி வெளியிடப்படும். 10ம் வகுப்பு தேர்வு முடிவுகளை, மே 25ம் தேதி வெளியிட திட்டமிட்டுள்ளோம். அதற்கேற்ப, பணிகள் நடந்து வருகின்றன. பிளஸ் 2 தேர்வு முடிவு மட்டும், மே 14ம் தேதி கண்டிப்பாக வெளியிடப்படும்' என்று அறிவித்தார்.

செயலர் அறிவிப்பு குறித்து, தேர்வுத்துறை மற்றும் டேட்டா சென்டர் வட்டாரம் கூறியதாவது: பிளஸ் 2 ரிசல்ட்டுக்கான பணிகள் திட்டமிட்டபடி வேகமாக நடந்து வருகின்றன. மே 14ம் தேதி வெளியிடுவதில், எவ்வித பிரச்னையும் இருக்காது. அதற்குள், பணிகள் முடிந்துவிடும். ஆனால், 10ம் வகுப்பு விடைத்தாள்கள் திருத்தும் பணி, கடந்த 20ம் தேதி தான் துவங்கியது. மாநிலம் முழுவதும், 66 மையங்களில், இப்பணிகள் நடந்து வருகின்றன. இப்பணிகள், மே 15ம் தேதி வரை நடக்கும் என எதிர்பார்க்கப்படுகிறது. அதன்பின், டேட்டா சென்டரில் மதிப்பெண்கள் பதியப்பட்டு, தேர்வு முடிவுகள் தயாரிக்கப்பட வேண்டும். இவ்வளவு பணிகள் இருக்கும்போது, இப்போதே, "ரிசல்ட்' தேதியை நிர்ணயித்திருப்பது, தேவையில்லாமல், நெருக்கடியை உருவாக்குவது போல் இருக்கிறது. இவ்வாறு அவர்கள் கூறினர்.

பதவி விலகுகிறார் ஏமன் அதிபர்.

சானா: ஏமன் நாட்டில் அதிபர் பதவியிலிருந்து விலகுவதாக அதிபர் அலி அப்துல்லா சலேஷ் தெரிவித்துள்ளார். வளைகுடா நாடுகளின் ஆலோசனையின்படி இம்முடிவை எடுத்திருப்பதாக அவர் தெரிவித்துள்ளார். இதன்மூலம் தான்வகித்து வந்த பொறுப்புகள் அனைத்தும் துணை அதிபரிடம்ஒப்படைப்பதாக அதிபர் தெரிவித்துள்ளார். இதன் மூலம் 32 ஆண்டு காலமாக பதவி வகித்து வந்ததார்.

அதிபர் பதவிவிலக கோரி கடந்த 30 நாட்களுக்கும் மேலாக பல்வேறு போரட்டங்கள் நடைபெற்று வந்தது.

போராட்டத்தில் சுமார் 120 பேர் வரை கொல்லப்பட்டனர்.அதிபரின் பதவி விலகல் முடிவை அமெரிக்கா வரவேற்றுள்ளது.பதவி விலகல்குறித்து கருத்து தெரிவித்துள்ள ஏமன் எதிர்கட்சிதலைவர் யாசின் நோமன் உடனடியாக தேசிய ஐக்கிய அரசு பதவி ஏற்க இயலாது என்று தெரிவித்துள்ளார்.

பதவி இழந்த டுனிஷியா அதிபர் ஜினி அல் அபிதினி பென் அலி, எகிப்து அதிபர் ஹோசினி முபாரக், வரிசையில் தற்போது ஏமன் அதிபரும் இணைந்துள்ளார். ஐக்கிய அரபு எமிரேட் நாடுகள் ஏமன் அதிபர் பதவி விலக ஒப்பந்தங்கள் செய்திருந்தன.

அதன்படி துணை அதிபரிடம் அதிகாரத்தை ஒப்பøடைப்பது, இடைக்கால அரசு மூலம் அதிபர் தேர்தலை நடத்துவது, அதிபர் மற்றும் அவரது குடும்பத்தினருக்கு உரிய பாதுகாப்பு அளிப்பது போன்ற ஒப்பந்தங்கள் செய்திருந்தன.

எஸ்எஸ்எல்சிக்குப் பிறகு.... வாழ்வை வளமாக்கும் மேல் படிப்புகள்!

பள்ளிக் கல்வி பயிலும் ஒவ்வொருவருக்கும் முக்கியமான காலகட்டம் எதுவெனில் பத்தாம் வகுப்பு முடித்த பின்னர் என்ன படிக்கலாம் என்பதை தேர்வு செய்வதில்தான் உள்ளது. நாம் தேர்ந்தெடுக்கும் படிப்புதான் நம்மை அடுத்த கட்டத்திற்கு நகர்த்தி செல்லும். பத்தாம் வகுப்பு தேர்வு எழுதிவிட்டு மேற்கொண்டு என்ன படிக்கலாம் என்று சிந்தித்துக் கொண்டிருக்கும் இளைய தலைமுறையினருக்கு சில யோசனைகள் :

மூன்று வழிகளில் மேற்படிப்பு

பத்தாம் வகுப்பு முடித்த மாணவர்களுக்கு மேல் படிப்பிற்கு மூன்று வாய்ப்புகள் உள்ளன. அவை :

1.மேல் நிலை பள்ளி (+1,+2) படிப்பு

2. பட்டய படிப்பு (டிப்ளமோ)

3. சான்றிதழ் படிப்பு (ITI)

பத்தாம் வகுப்பு முடித்த பிறகு பெரும்பாலான மாணவர்கள் தேர்ந்தெடுப்பது மேல் நிலை (+1,+2) படிப்புதான். அதை பற்றி முதலில் பார்ப்போம்.

1 . மேல் நிலைப் பள்ளி (+1,+2) படிப்பு :

அ. First Group எனப்படும் கணிதம், வேதியில், இயற்பியல், உயிரியல் பிரிவு : பெரும்பாலும் மாணவர்கள் விருப்பும் பிரிவு. இந்த பிரிவில் படிப்பதன் மூலம், பொறியியல் (B.E/B.Tech,B.Arch, Diploma), மருத்துவம் (MBBS, BDS, B.Phar, Nursing etc...), சட்டம் , ஆசிரியர் படிப்புகள், ஆராய்ச்சி படிப்புகள் என பெரும்பாலான துறைகளில் மேல் படிப்பு படிக்கலாம். அரசு  துறை, தனியார்துறை என பெரும்பாலான துறைகளில் வேலைவாய்ப்புகள் உள்ளது.

இந்த பிரிவில் படிப்பது மிக சிறந்தது.

எதிர்காலத்தில் அதிக வேலைவாய்ப்பு உள்ள பிரிவு இதுதான், எனவேதான் இந்த பிரிவிற்க்கு அதிக போட்டி இருக்கும், மாணவர்கள் பெரும்பாலும் இந்த பிரிவில் படிக்க முயற்சி செய்யவும். குறிப்பிட்ட பள்ளிகளில் இந்த குரூப் கிடைக்காவிட்டால், இந்த குரூப் கிடைக்கும் பள்ளியில் சேருவது மிகவும் சிறந்தது.

ஆ. கணிதம், வேதியில், இயற்பில், கணினி அறிவியல் பிரிவு :

பொறியியல் (B.E/B.Tech,B.Arch, Diploma) சார்ந்த படிப்புகள் படிக்க சிறந்த பிரிவு. (மருத்துவம் சார்ந்த பெரும்பான்மையான படிப்புகள் படிக்க இயலாது). மருத்துவத் துறை தவிர்த்து மற்ற பெரும்பாலான துறைகளில் வேலைவாய்ப்புகள் உள்ளது. First Group கிடைக்காத மாணவர்கள் இந்த குரூப் கல்வியை தேர்ந்தெடுக்கவும். அதிக வேலைவாய்ப்பு பெற்றுதரும் குரூப்பில் இதுவும் ஒன்று.

இ. வேதியில், இயற்பில், தாவரவியல், விலங்கியல் பிரிவு :

மருத்துவம் (MBBS, BDS, B.Phar, Nursing etc...) சார்ந்த படிப்புகள் படிக்க சிறந்த பிரிவு. (பொறியியல் சார்ந்த பெரும்பான்மையான படிப்புகள் படிக்க இயலாது). அதிகமாக மருத்துவம் சார்ந்த துறைகளில் வேலைவாய்ப்புகள் உள்ளது

ஈ. Commerce, Accountancy, பொருளாதாரவியல் பிரிவு :

B.Com, CA (Charted accountant ), M.Com படிக்க விரும்பும் மாணவர்கள் இந்த குருப் கல்வியை தேர்ந்தெடுக்கலாம். அரசு வேலை, Accountancy துறையில் நல்ல வேலை வாய்ப்புகள் உள்ளது.

உ. வரலாறு, பொருளாதாரவியல் :

எதிர்காலத்தில் B.A., M.A., படிக்கலாம். அரசு தேர்வுகள் மூலம் வேலைவாய்ப்பு, ஆசிரியர் பணிகள் போன்றவற்றில் வேலைவாய்ப்புகள் உள்ளன

ஊ. Vocational குரூப் :

தொழில் நுட்பம் சார்ந்த படிப்புகள் அடங்கிய பிரிவு, பொறியியல் (B.E/B.Tech,B.Arch, Diploma ) சார்ந்த படிப்புகள் படிக்கலாம். தொழில் நுட்ப துறைகளில் வேலைவாய்ப்புகள் உள்ளது.


II. பட்டய படிப்பு (டிப்ளோமா):

இது 3 ஆண்டு படிப்பு. தொழில் நுட்பத் துறைகள் , மருத்துவத் துறைகள், கடல்சார் துறைகள், ஆசிரியர் படிப்புகள் என பெரும்பாலான துறைகளில் டிப்ளோமா படிப்புகள் உள்ளன. தொழில் நுட்ப டிப்ளோமாவில் Automobile, EEE, ECE, Mechanical, civil etc... போன்ற துறைகள் சிறந்த துறைகள். மேலும் பல சிறந்த பிரிவுகள் உள்ளன. டிப்ளோமா படித்து மேற்கொண்டு பொறியியல் (B.E/B.Tech) படிக்கலாம். பொறியியல் (B.E/B.Tech) படிக்க ஆர்வம் உள்ளவர்கள் டிப்ளோமா படித்து பொறியியல் படிப்பது சிறந்ததல்ல (Not Advisable ).

12 ஆம் வகுப்பு முடித்து பொறியியல் படிக்கவும். டிப்ளோமா மட்டும் படிக்க விரும்புவர்கள் 10 -ஆம் வகுப்பிற்கு பிறகு டிப்ளோமா படிக்கலாம். தொழில் நுட்ப துறைகளில் அதிக வேலைவாய்ப்புகள் உள்ளது.

III. சான்றிதழ் படிப்பு (ITI):

இது ஓராண்டு படிப்பு. Fitter welder, machinist , AC mechanic போன்ற துறைகள் சிறந்த துறைகள். இன்னும் மருத்துவம் சார்ந்த, தொழில் நுட்பம் சார்ந்த பல்வேறு படிப்புகள் ITI-ல் உள்ளது. உடனடி வேலைவாய்பிற்க்கு ஏற்ற படிப்பு, ஆனால் அதிக சம்பளம் கிடைக்காது.

எஸ்எஸ்எல்சி முடித்த பிறகு வேலை வாய்ப்பு

(கோரிக்கை: தயவு செய்து மாணவர்களை 10 -ஆம் வகுப்பு மேல் படிக்க வையுங்கள்)

1. சிறு தொழில் நுட்ப பயிற்சிக்கு பிறகு வேலை. (தமிழகத்தில் அரசு, மாணவர்களுக்கு இலவசமாகவும், குறைந்த கட்டணத்திலும் தொழில் பயிற்சி அளித்து வருகின்றது.)

2. இராணுவத்தில் வேலை மற்றும் அரசு வேலை, இரயில்வேயில் கலாசி வேலை போன்றவை

3. Date Entry வேலைகள்

4. சமுதாய கல்லூரிகள் மூலம் 6 மாத பயிற்சிக்கு பிறகு உடனடி வேலைவாய்ப்பு.

மேல் நிலை பள்ளி (+1,+2) படிப்பு , ITI, டிப்ளோமா படிப்புகள் பற்றி மேலும் அறிந்து கொள்ள sithiqu.mtech@gmail.com என்ற ஈ - மெயில் முகவரியில் தொடர்பு கொள்ளவும்

கிரீன் டீ (Green Tea)

அதிகாலையில் எழுந்த உடன் டீ குடிக்காவிட்டால் சிலருக்கு எதையோ இழந்தது போல இருக்கும். கிரீன் டீ எனப்படும் பச்சைத் தேநீர் அருந்துவது பலரிடம் இன்றைக்கு பிரபலமடைந்து வருகிறது. உடலுக்குத் தேவையான ‘ஆண்ட்டி ஆக்ஸ்டெண்ட்’ கிரீன் டீயிலிருந்து மிக அதிக அளவில் கிடைக்கிறது. வைட்டமின் ‘சி’ யிலிருந்து கிடைக்ககூடிய ஆண்ட்டி ஆக்ஸிடண்ட் அளவை விட 100 மடங்கும் வைட்டமின் ‘ஈ’ யிலிருந்து கிடைப்பதைவிட 25 மடங்கும் அதிகம் கிரீன் டீ யில் கிடைப்பதாக கூறப்படுகிறது.

பொதுவாக பறிக்கப்பட்ட தேயிலை உடனடியாக உலர்த்தபடாவிட்டால் வாடி வதங்கி ஆக்ஸிஜனேற்றம் அடந்து அதில் உள்ள குளோரோபில் எனப்படும் பச்சையங்கள் சிதைவுற்று ‘டானின்’ வெளிவருகிறது. இதுவே டீயின் துவர்ப்பு மற்றும் கசப்புத் தன்மைக்கு காரணமாகிறது.இது ஒருவகையான நொதித்தல் வினை போன்றதாகும்.

கிரீன் டீ தயாரிப்பில் இவ்வாறு நொதிக்க விடாமல் இளங்குருத்து தேயிலைகள் உலர வைக்கும் முன்பாக மிதமாக சூடாக்கப்படுவதால் அதில் உள்ள நொதிகளின் வினை மந்தமாக்கப் பட்டு கசப்பு சுவை தரக்கூடிய ‘பாலிபீனால்கள்’ சிதையாமல் பாதுகாக்கப் படுகிறது.

செயல்திறன் மிக்க வேதிப்பொருட்கள்

கிரீன் டீயில் எபிகேடசின், எபிகேடசின் -3- கேலேட், எபிகேலோகேடசின், எபிகேலோ கேடசின் ஆகியவற்றோடு ஃபுளூரைடுகள், மாங்கனீசு, பொட்டாசியம், அரோடினாய்ட்ஸ், காஃபின், தெயோப்ஃலின், தெயோஃபிளேவின் போன்றவை காணப்படுகின்றன.

வசீகர தோற்றம்

உடம்பில் உள்ள கொழுப்புகளின் சிதைவை வேகப்படுத்தி, கார்போஹைட்ரேட்ஸ் எனப்படும் மாவுப் பொருட்களின் செரிமானத்தை மந்தப் படுத்தவும்செய்வதால் ஒபிஸிட்டி எனப்படும் உடற்பருமனை குறைக்கிறது.

தோலில் சீக்கிரமே சுருக்கம் வந்து முதுமையடைவதை தடுப்பதில் கிரீன் டீ முக்கிய பங்கு வகிக்கிறது. பல்வேறு நோய்களையும், வயோதிக தன்மையையும் ஏற்படுத்தும் அணுக்களுக்கு எதிராக செயல்படும் மூலப்பொருளுளான கேக்டிக்கைன்ஸ் அதிக அளவு கிரீன் டீ யில் காணப்படுகிறது.

கிரீன் டீ இலைகள் அழகு சாதனப் பொருட்களில் பயன்படுத்தப்பட்டு,முக வசீகரத்தைத் தருவதோடு புற ஊதாக் கதிர் வீச்சிலிருந்தும் காக்கிறது.

பற்களை பாதுகாக்கும்

ஈறுகளை பலவீனமாக்கும் பாக்டீரியாக்களை அழித்து பற்களை பலப்படுத்துவது ஆராய்ச்சியில் கண்டறியப்பட்டுள்ளது. மேலும் பற்கள் விழுவதற்கு காரணமாக இருக்கும் ப்ரீடாண்டல் நோயையும், கிரீன் டீ குடிப்பதன் மூலம் தடுக்க முடியும்.கிரீன் டீ யில் உள்ள ஃப்ளூரைடு பற்சிதைவு,பற்குழிகள் ஏற்படுவதைத் தடுக்கிறது.

வாயில் உற்பத்தியாகக் கூடிய ‘பாக்டீரியா’க்கள் வளர்ச்சியைத் தடுக்கவும்,அதன் காரணமாக வரும் பல் சம்பந்தப்பட்ட நோய்கள்,வாய் துர்நாற்றம் போகவும் உதவுகிறது.

புற்றுநோய் செல்களை அழிக்கிறது

கிரீன் டீயிலுள்ள பாலிபினால்கள் டியூமர் செல்களின் வளர்ச்சியைத் தடுக்கிறது.அவற்றின் DNA உருவாக்கத்தை தடுப்பதோடு நல்ல திசுக்களுக்கு பாதிப்பில்லாத வகையில் கான்சர் திசுக்களை அழிக்கின்றன.

கிரீன் டீ பாலிபினால்கள் அமிலோஸ் சுக்ரோஸ் எனப்படும் சர்க்கரையைத் தடுத்து, ஸ்டார்ச் மெதுவாக சிதைவடையச் செய்வதால் இரத்தத்தில் சர்க்கரையின் அளவு கட்டுப்படுத்தப் படுகிறது.அத்துடன் இது ‘இன்சுலீனின்’செயல்பாட்டையும்’அதிகரிக்கிறது.

கண்களை காக்கும் டீ

கிரீன் டீயில் உள்ள கேட்டிக்கைன்ஸ் வயிற்றில் இருந்து குடல் வழியாக பயணித்து லென்ஸ், ரெக்டினா மற்றும் கண்களில் உள்ள திசுக்களை அடைகிறது. இதனால் கண்களின் திசுக்கள் பலப்பட்டு க்ளுக்கோமா உள்ளிட்ட நோய்கள் ஏற்படும் வாய்ப்பு குறைகிறது.

எலும்புகளை பலப்படுத்துகிறது.

ஆர்த்ரைட்டீஸ் எனப்படும் எலும்பு சம்பந்தமான நோய்களிலிருந்தும் காக்கிறது..மூட்டுக்களை பலப்படுத்துவதிலும் கிரீன் டீ யின் பங்கு உண்டு.

இரத்தத்தில் உள்ள கெட்ட கொழுப்புச்சத்து LDL ,டிரைகிளிசரைடுகளின் அளவைக்கட்டுப்படுத்தி நல்ல கொழுப்பு எனப்படும் HDL ன் அளவை அதிகரிக்கச்செய்கிறது.

கேக்டிக்கைன்ஸில் வைட்டமின் சி மற்றும் வைட்டமின் ஈ அதிக அளவில் உள்ளது. இதனால் பச்சைத்தேயிலை கண்களில் ஏற்படும் சோர்வை நீக்கி, சுறுசுறுப்பாக இருக்க உதவுகிறது.

புதிய அமைப்பு தொடங்கினார் நடிகர் விக்ரம்!!

சென்னை: பச்சைப் புரட்சி எனும் புதிய அமைப்பைத் தொடங்கினார் நடிகர் விக்ரம். இந்த அமைப்பு மூலம் தமிழகம் முழுவதும் முதல்கட்டமாக 1 லட்சம் மரங்களை நட அவர் திட்டமிட்டுள்ளார்.

தமிழ்ப் பட உலகின் முன்னணி ஹீரோக்களில் ஒருவரான விக்ரம் சமீபத்தில் ஐக்கிய நாடுகள் சபையின் 'ஹபிடேட்' என்ற அமைப்பின் இளைஞர் பிரிவு தூதராக தேர்ந்தெடுக்கப்பட்டார். இதன் 23-வது நிர்வாகக் குழு கூட்டம் கென்யா நாட்டின் தலைநகரான நைரோபியில் நடந்தது.

அதில் கலந்து கொண்ட விக்ரம், நேற்று சென்னை திரும்பினார். மாலையில் நிருபர்களைச் சந்தித்தார். அப்போது பச்சைப் புரட்சி, கற்க கசடற எனும் இரு புதிய திட்டங்களை அறிவித்தார்.

மேலும் அவர் கூறியது:

ஐக்கிய நாடுகள் சபையின் 'ஹபிடேட்' தூதராக நான் தேர்ந்தெடுக்கப்பட்டதை மிகப் பெரிய கவுரவமாக கருதுகிறேன்.

இந்த சமுதாயம் எனக்கு நிறைய தந்திருக்கிறது. எனக்கு ஒரு பொறுப்பு வந்திருக்கிறது. அதற்காக சமுதாயத்திற்கு நான் ஏதாவது செய்தாக வேண்டும்.

'பச்சைப்புரட்சி'

இதற்காக 'பச்சைப் புரட்சி' என்ற அமைப்பை நான் தொடங்கி இருக்கிறேன். இந்த அமைப்பின் மூலம் என் ரசிகர்களைப் பயன்படுத்தி தமிழ்நாடு  முழுவதும் 1 லட்சம் மரங்களை நடுவதற்கு திட்டமிட்டிருக்கிறேன்.

இந்த வேலைகளை இன்றே தொடங்கிவிட்டேன். சென்னை நந்தனத்தில் ஒய்.எம்.சி.ஏ. மைதானத்தில் முதல் கட்டமாக 100 செடிகள் நடப்பட்டுள்ளன.

இதற்காக ஒரு கமிட்டியை உருவாக்கியிருக்கிறோம். அதில் ஐ.ஏ.எஸ்., ஐ.பி.எஸ். அதிகாரிகளும், நண்பர்களும் உறுப்பினர்களாக உள்ளனர்.

கற்க கசடற...

இதையடுத்து 'கற்க கசடற' என்ற அமைப்பையும் தொடங்க திட்டமிட்டுள்ளேன். இதன் மூலம் குடிசைப் பகுதி குழந்தைகளை தேர்ந்தெடுத்து அவர்களுக்கு கல்வி அறிவை வளர்க்க விரும்புகிறேன்.

நான் படங்களில் மொட்டை போட்டால் என் ரசிகர்களும் அதே போல் மொட்டை அடித்துக் கொள்கிறார்கள். நான் 'பிரெஞ்ச்' தாடி வைத்தால் அவர்களும் 'பிரெஞ்ச்' தாடி வைத்துக் கொள்கிறார்கள். காசி படத்தில் நான் கண் பார்வையற்றவனாக நடித்த போது கண் தானம் செய்வதாக அறிவித்தேன். என்னுடன் ஆயிரம் ரசிகர்களும் கண் தானம் செய்தார்கள். அந்த நிகழ்ச்சி என்னை பிரமிக்க வைத்தது.

இப்போது நாடு செழிக்க, சுற்றுச் சூழல் நன்றாக இருக்க நான் மரம் நடப் போகிறேன். ஒன்றிரண்டல்ல... லட்சக்கணக்கில். எனவே என் ரசிகர்களும் மரம் நடுவார்கள் என்ற நம்பிக்கை இருக்கிறது. இவற்றை வெறும் கணக்குக்காக நடாமல், அவற்றை முறையாகப் பராமரிக்கவும் எங்கள் கமிட்டி திட்டமிட்டுள்ளது.

எனவே 'பச்சைப் புரட்சி' இயக்கத்தில் என் ரசிகர்களை முழுமையாக ஈடுபடுத்த விரும்புகிறேன். தமிழ்நாடு மட்டுமல்லாமல் ஆந்திரா, கேரளாவிலும் இந்த திட்டத்தை விரிவுபடுத்த முடிவு செய்திருக்கிறேன்," என்றார்.

ஏற்கெனவே விக்ரம் பவுண்டேஷன் எனும் தனது அமைப்பின் மூலம் ஏராளமான நற்பணிகளை விக்ரம் செய்து வருவது குறிப்பிடத்தக்கது.

பேட்டியின் போது நடிகர் விக்ரம் ரசிகர் மன்ற தலைவர் சூரியநாராயணன், விக்ரமின் மக்கள் தொடர்பாளர் நிகில் முருகன் ஆகியோர் உடனிருந்தனர்.

கறுப்பு பண பிரச்சினை: இத்தனை ஆண்டுகளாக தூங்கிக்கொண்டு இருந்தீர்களா? - உச்சநீதிமன்றம் கேள்வி

டெல்லி: கறுப்பு பண பிரச்சினையில் இத்தனை ஆண்டுகளாக தூங்கிக்கொண்டு இருந்தீர்களா? என்று மத்திய அரசுக்கு உச்சநீதிமன்றம் கேள்வி விடுத்துள்ளது.

வெளிநாட்டு வங்கிகளில் இந்தியர்கள் முதலீடு  செய்துள்ள கறுப்பு பணத்தை மீட்டுவர மத்திய அரசுக்கு உத்தரவிடக்கோரி, மூத்த வக்கீல் ராம்ஜெத்மலானி உள்ளிட்டோர் உச்சநீதிமன்றத்தில் வழக்கு தொடர்ந்துள்ளனர்.

இந்த மனு, நீதிபதிகள் பி.சுதர்சன் ரெட்டி, எஸ்.எஸ்.நிஜ்ஜார் ஆகியோர் அடங்கிய பெஞ்ச் முன்பு மீண்டும் விசாரணைக்கு வந்தது.

அப்போது, மத்திய அரசு சார்பில் ஆஜரான சொலிசிட்டர் ஜெனரல் கோபால் சுப்பிரமணியத்தை பார்த்து, நீதிபதிகள் காட்டமாக கேள்வி கேட்டனர். நீதிபதிகள் கூறியதாவது:

கறுப்பு பண பிரச்சினையில், மத்திய அரசின் முழுமையான பங்கேற்பு அவசியம். அந்த கறுப்பு பணம் எங்கிருந்து வந்தது என்பது முக்கியமான கேள்வி. அந்தப் பணம், தீவிரவாதிகள்  பணமாகவும் இருக்கலாம், போதை மருந்து கடத்தலால் கிடைத்த பணமாகவும் இருக்கலாம்.

கறுப்பு பண பிரச்சினையில், ஒரே நபரை (ஹசன் அலி) குறிவைத்து விசாரணை நடைபெறுவது ஏன் என்பது குறித்து மத்திய அரசு விளக்கம் அளிக்க வேண்டும். வெளிநாட்டு வங்கிகளில் கறுப்பு பணம் வைத்துள்ள மற்றவர்களின் பெயர் ஏன் வெளியே வரவில்லை?

இந்த ஒருநபர்தான் கறுப்பு பணம் வைத்துள்ளாரா? மற்றவர்களின் வங்கிக் கணக்குகள், சந்தேகத்துக்குரியவையாக இல்லையா? மற்றவர்களின் வங்கிக் கணக்குகள் குறித்த தகவல்கள் மத்திய அரசிடம் இல்லையா? கறுப்பு பண பிரச்சினை, ஒரே நபரை சுற்றி வருவது ஏன்? அப்படியானால், வெளிநாட்டு வங்கிகளில் உள்ள கறுப்பு பணம் எல்லாம் ஒரே நபருக்கு சொந்தமானதா?" என்றனர்.

அதற்கு சொலிசிட்டர் ஜெனரல் கோபால் சுப்பிரமணியம், 'கறுப்பு பண விவகாரத்தை, வெவ்வேறு விசாரணை அமைப்புகள் விசாரிக்க வேண்டியுள்ளது. சுவிஸ் வங்கியில் உள்ள கறுப்பு பணம் குறித்து ரிசர்வ் வங்கியிடம் உச்சநீதிமன்றம் கேட்க வேண்டும். அதன் அடிப்படையில் மேற்கொண்டு நடவடிக்கை எடுக்கலாம். பாஸ்போர்ட் விவகாரம், வெவ்வேறு மாநிலங்கள் சம்பந்தப்பட்டது என்பதால், அதை சி.பி.ஐ.தான் விசாரிக்க வேண்டும்' என்று பதிலளித்தார்.

தூங்கினீர்களா?

இந்த பதில் நீதிபதிகளை கோபம் கொள்ள வைத்தது.

"அப்படியானால், கறுப்பு பண பிரச்சினையில், இத்தனை ஆண்டுகளாக அனைத்து அரசு விசாரணை அமைப்புகளும் தூங்கிக்கொண்டு இருந்ததாக சொல்கிறீர்களா? இந்த பிரச்சினையை வெவ்வேறு அமைப்புகள் விசாரிக்க வேண்டும் என்று இப்போது சொல்கிறீர்கள். ஹசன் அலியைத் தவிர, வேறு யாரும் சந்தேகத்துக்குரியோர் பட்டியலில் இல்லை என்று கூறுகிறீர்களா?

2009-ம் ஆண்டில் இருந்து இப்பிரச்சினையை விசாரித்து வருகிறீர்கள். என்ன தகவல் வைத்து இருக்கிறீர்கள்? அந்த கறுப்பு பணம், தீவிரவாதிகள் பணமா அல்லது போதை மருந்து கடத்தலால் கிடைத்த பணமா என்று தெரிய வேண்டும்.

அமலாக்கப்பிரிவு நடத்திய விசாரணையில், ஒரு குழும நிறுவனம் ரூ.600 கோடி கறுப்பு பணத்தை வெளிநாட்டு வங்கியில் போட்டு வைத்திருப்பது கண்டுபிடிக்கப்பட்டு உள்ளது. அது எங்கிருந்து வந்தது?" என்றனர் காட்டமாக.

அப்போது சொலிசிட்டர் ஜெனரல் கோபால் சுப்பிரமணியம், "இப்பிரச்சினையை அமலாக்கப் பிரிவு சரியாக விசாரித்து வருவதாகவும், வெவ்வேறு விசாரணை அமைப்புகள் இணைந்த, சிறப்பு விசாரணைக் குழு அமைக்கத் தேவையில்லை", என்றும் கூறினார்.

சிறப்பு குழு

ஆனால் அதை நீதிபதிகள் ஏற்கவில்லை. அவர்கள் கூறியதாவது:

"இந்த விசாரணையில் தங்களுக்கு போதிய ஒத்துழைப்பு கிடைக்கவில்லை என்று அமலாக்கப்பிரிவே பலதடவை கூறியுள்ளது. எனவே, ஒன்றுக்கு மேற்பட்ட அமைப்புகள் விசாரிப்பதுதான் நல்லது. அந்த விசாரணையை, ஓய்வுபெற்ற ஐகோர்ட்டு தலைமை நீதிபதி போன்ற ஒரு நபர் கண்காணிக்க வேண்டும். ஒன்றுக்கு மேற்பட்ட அமைப்புகள் விசாரிப்பதில் தவறு இல்லை.

யாருடைய அதிகாரத்தையும் யாரும் மீற மாட்டார்கள். இது சீரியசான பிரச்சினை என்பதால், ஒன்றுக்கு மேற்பட்ட அமைப்புகள் விசாரிக்க வேண்டும். அதற்காக சிறப்பு விசாரணைக் குழு அமைப்பது பற்றி மத்திய அரசின் உத்தரவை பெறுங்கள்," என்றனர்.

அடுத்தகட்ட விசாரணையை 25-ந் தேதிக்கு ஒத்தி வைத்தனர்.

அமெரிக்க விசா மோசடி: 'தலைநகர்' ஹைதராபாத்!-விக்கிலீக்ஸ்

டெல்லி: இந்தியாவில் அமெரிக்க விசா மோசடியில் ஆந்திர மாநிலத் தலைநகர் ஹைதராபாத் தான் தலைமையிடமாக விளங்குவதாக விக்கிலீக்ஸ் கூறியுள்ளது.

அமெரிக்காவிற்கான போலி விசா தடுப்பு மையம் சென்னையில் இயங்கி வருகிறது. இந்த மையம் 2009ம் ஆண்டு அக்டோபர் 13ம் தேதி அமெரிக்க வெளியுறவுத்துறைக்கு அனுப்பிய கேபிளை விக்கிலீக்ஸ் தற்போது வெளியிட்டுள்ளது.

அதில் கூறப்பட்டுள்ளதாவது: இந்தியாவில் விசா மோசடியில் ஹைதராபாத்துக்கு அடுத்தபடியாக குஜராத், பஞ்சாப் ஆகிய மாநிலங்கள் உள்ளன. போலி ஆவணங்களை தாக்கல் செய்து விசா பெற முயற்சிப்போரின் எண்ணிக்கையில் ஹைதராபாத் முதலிடத்தில் உள்ளது.

இந்தியாவில் கிடைத்த இந்த 'அனுபவத்தை' வைத்து உலகம் முழுவதுமே மோசடியாக விசா பெற முயல்வோரைத் தடுப்பதில் அமெரிக்க வெளியுறவுத்துறை புதிய வழிமுறைகளை உருவாக்கியுள்ளது.

உலகில் மிக 'பிஸியான 'அமெரிக்கத் தூதரகங்களில் இந்தியத் தூதரங்களும் அடக்கம். 2008ம் ஆண்டில் மட்டும் 7.8 லட்சம் விசா விண்ணப்பங்களை இந்தத் தூதரகங்கள் பெற்றன. அதில் 3,083 பேர் மோசடி ஆவணங்கள் மூலம் விசா பெற முயன்றது கண்டுபிடிக்கப்பட்டது.

பி1, பி2 விசா பெற மோசடி ஆவணங்கள் தருவோரின் எண்ணிக்கையும் அதிகரித்து வருகிறது. போலியான 'எக்ஸ்பீரியன்ஸ்' கடிதங்களைத் தருவது, உறவினர்களின் போலியான பாஸ்போர்ட் நகலைத் தருவது, போலியான நிதி  ஆதார ஆவணங்களைத் தருவது, போலி 'அபிடவிட்கள்' தருவது ஆகியவையும் அதிகரித்து வருகின்றன.

அமெரிக்காவில் கல்வி பயில விசா பெற வரும் மாணவர்கள்  போலியான வங்கி  'ஸ்டேட்மென்ட்களை' தருவதும், போலியான சொத்துப் பத்திரங்களைத் தருவதும் அதிகமாகி வருகிறது.

கொல்கத்தா தூதரகத்தில் இரு புத்த பிட்சுக்கள் போலி பாஸ்போர்ட் மற்றும் திருட்டு பாஸ்போர்ட்தைத் தந்து விசா கோரியதும் நடந்தது. இன்னொரு புத்த பிட்சு தான் சாராத ஒரு புத்த மத மையத்தின் போலி கடிதத்தை உருவாக்கி அதை சமர்பித்தார்.

அமெரிக்காவுக்கு சமையல் வேலைக்கும், சிறிய கூலி வேலைகளுக்கும் செல்ல முயன்ற சிலர் தங்களை பூசாரி என்று கூறிக் கொண்டும், அங்கு கோவில்களில் பணியாற்றச் செல்வதாக ஆவணங்களைத் தந்து விசா கோரினர்.

ஒரே நபரைத் திருமணம் செய்துள்ளதாகக் கூறி பல பெண்கள் எச்-1பி விசாவுக்கு விண்ணப்பிப்பதும் உண்டு. இந்தப் பெண்களிடம் பல லட்சம் பணம் வாங்கிக் கொண்டு அவர்களை அமெரிக்காவுக்கு சட்ட விரோதமாக அழைத்துச் செல்ல அந்த ஆண்கள் முயல்கின்றனர்.

அதே போல திருமணத்தை மறைத்துவிட்டு அல்லது போலியாக திருமணம் செய்து கொண்டவர் காட்டிக் கொண்டு, குழந்தைகளின் வயதை பொய்யாக மாற்றித் தந்து என பல வகையான மோசடி முயற்சிகளும் நடக்கின்றன. இந்த திருமண விவகார மோசடிகளில் முன்னணியில் உள்ளது கேரள மாநிலம் தான்.

ஆனால், பெரும்பாலான போலி ஆவணங்கள் வந்தது ஹைதராபாத்திலிருந்து தான். விசா கோரியவர்களுக்கு 'எக்ஸ்பீரியன்ஸ்' லெட்டர்கள் தந்த 150 ஹைதராபாத் நிறுவனங்கள் குறித்து விசாரணை நடத்தியபோது அதில் 77 நிறுவனங்கள் சந்தேகத்துக்குரியவை என்று தெரியவந்தது.
ஹைதராபாத்திலிருந்து வரும் விசா விண்ணப்பங்களை சென்னை தூதரகம் தீவிரமாக சோதிப்பது தெரியவந்தவுடன் பலர் பெங்களூர் அல்லது புனேவில் ஏதாவது ஒரு நிறுவனத்தில் பணியாற்றுவதாகக் காட்டி மும்பை தூதரகத்தில் விசா பெற முயற்சித்து வருகின்றனர்.

இவ்வாறு விக்கிலீக்ஸ் கூறியுள்ளது.

தாய்ப்பாலில் கதிர்வீ்ச்சு: ஜப்பானில் மக்கள் அதி்ர்ச்சி

டோக்கியோ: ஜப்பானில் தாய்ப்பாலில் கதிர்வீச்சு இருப்பது கண்டுபிடிக்கப்பட்டுள்ளது.

பூகம்பம் மற்றும் சுனாமியால் பாதிக்கப்பட்டுள்ள ஜப்பானில் உள்ள ஃபுகுஷிமா அணு உலை பெரிதும் பாதிக்கப்பட்டுள்ளது. அதில் இருந்து கதிர்வீச்சு பரவுவதால் அப்பகுதியில் உள்ள மக்கள் வெளியேற்றப்பட்டனர். ஜப்பான் தலைநகர் டோக்கியோவின் கிழக்கு மற்றும் வடகிழக்கு பகுதியில் வசிக்கும் 9 தாய்மார்களின் தாய்ப்பால் பரிசோதிக்கப்பட்டது.

அதில் 4 பேரின் தாய்ப்பாலில் கதிர்வீ்ச்சு கொண்ட அயோடின் அதிக அளவில் கதிர்வீச்சு இருப்பது கண்டுபிடிக்கப்பட்டது.

இந்நிலையில் கதிர்வீச்சின் தாக்கம் கடலிலுள்ள மீன்களுக்கும் பரவியிருப்பது கண்டுபிடிக்கப்பட்டுள்ளது.

இதனால் கடலில் மீன்பிடிக்கத் தடை விதிக்கப்பட்டுள்ளது. மீன்கள் பருவ நிலைக்கு ஏற்றவாறு இடம் பெயரும். அவ்வாறு ஜப்பானில் கதிர்வீச்சுள்ள மீன்கள் வேறு இடத்திற்கு வருகையில் பிடிக்கப்பட்டால் அதன் மூலம் மனிதனுக்கு பரவும். இதனால் கடல் உணவு பெரும் அச்சுறுத்தலை ஏற்படுத்தியுள்ளது.

மொழிபெயர்ப்பாளராக பணியாற்றும் பார்வையற்ற 10 வயது சிறுமி.

கண் பார்வையிழந்த நான்கு மொழிகளில் தேர்ச்சியுள்ள 10 வயது சிறுமியொருத்தி ஐரோப்பாவின் நாடாளுமன்றத்தில் மொழிபெயர்ப்பாளராக கடமையாற்றுகின்றாள்.  ஐரோப்பிய நாடாளுமன்றத்தின் மிக இளமையான மொழிபெயர்ப்பாளர் என்ற பெருமையை இந்த சிறுமி பெற்றுள்ளாள்.

பிரிட்டனின் கேம்பிரிட்ஜ் நகரை சேர்ந்த அலெக்ஸா ஸ்லோனி என்ற மேற்படி சிறுமி இரண்டு வயதில் தனது கண்பார்வையை இழந்தாள். அவள் விடுமுறைக்காக பிரான்ஸ் சென்ற போது மூளையில் கழலை ஏற்பட்டதைத் தொடர்ந்து அவளின் பார்வை பறிபோனது.

ஆனால், அவள் தனது பலவீனத்தை புறந்தள்ளி மொழிகளை சிறப்பாக கற்றுக்கொண்டாள். 10 வயதான அவள் ஏற்கெனவே ஆங்கிலம், பிரெஞ்சு, ஸ்பானிஸ், மற்றும் மன்டரின் (சீன மொழி) ஆகிய மொழிகளில் தேர்ச்சி பெற்றவளாக காணப்படுகிறாள். தற்போது அவள் ஜேர்மன் மொழியை கற்று வருகின்றாள்.

மொழிப்பெயர்ப்பாளராக கடமையாற்ற வேண்டுமென்ற அவளின் கனவு தற்போது நனவாகியுள்ளது. கிழக்கு இங்கிலாந்தின் ஐரோப்பிய நாடாளுமன்ற உறுப்பினர் ரொபர்ட் ஸ்டடி மொழி பெயர்ப்பாளராக அலெக்ஸாவை ஐரோப்பிய நாடாளுமன்றத்திற்கு அழைத்துள்ளார்.

ஐரோப்பிய நாடாளுமன்றத்திற்கு 14 வயதிலேயே மொழிப்பெயர்ப்பாளர்கள் அனுமதிக்கப்படுவார்கள். ஆனால், அலெக்ஸா 10 வயதிலே உள்வாங்கப்பட்டுள்ளார். அது உண்மையில் வியப்பிற்குரியது என அலெக்ஸாவின் தாய் இஸபெல்லா தெரிவித்துள்ளார்.

அலெக்ஸா கலப்பு திருமணத்தினூடாக பிறந்தவள் என்பது குறிப்பிடத்தக்கது. அவளது தாய் இஸபெல்லா அரைவாசி பிரெஞ்சு, ஸ்பானிய கலப்பு கொண்ட பெற்றோருக்குப் பிறந்தவர். அலெக்ஸாவின் தந்தை ரிச்சர்ட் ஆங்கிலமொழி பேசுபவர்.

4 மொழிகளை தேர்ச்சியுள்ள அலெக்ஸா 6 வயதிலிருந்தே  மொழிபெயர்ப்பாளராக கடமையாற்ற வேண்மென்ற லட்சியத்தைக் கொண்டுள்ளார் என இஸபெல்லா தெரிவித்துள்ளார்.

Emirates ID card to be linked to visa renewal.

Abu Dhabi: The national ID card registration will be linked with residence visa issuance and renewal in Western Region in Abu Dhabi from Sunday, the Emirates Identity Authority (Emirates ID) announced on Tuesday.

The preventive medicine centres (PMC) conducting visa medical tests at Madinat Zayed, Sila and Delma will start linking the process with ID card registration from April 24. The PMC in Ghaythi will link the medical test with ID card registration on May 1.

This will require all expatriates in the Western Region residents to apply for the ID card before applying for or renewing their visas, said a statement issued by Emirates ID. A resident's visa application form should have the Emirates ID's seal, as proof of registration.
Residents can visit authorised typing centre to fill out the application form and pay the fee, complete the visa medical test at a PMC and then visit the Emirates ID registration centre to complete the registration process.

This has already been implemented in Umm Al Quwain, Fujairah and Ras Al Khaimah as part of Emirates ID's 2010-'13 strategy to enrol all expatriates in the country as part of process to procure a residence visa.
Apart from expanding the linking process emirate-wise, Emirates ID has started linking the visa medical tests and ID card registration at small preventive medical centres across the country, a senior official told Gulf News recently. This is to expedite the linking process, Dr. Ali Al Khoury, Director-General of Emirates ID, said.

Thanks - Gulfnews

பி.எஸ்.எல்.வி. சி-16 ராக்கெட் விண்ணில் பாய கவுண்ட்-டவுன் தொடங்கியது.

சென்னை: பி.எஸ்.எல்.வி. சி-16 ராக்கெட் வரும் புதன்கிழமை ஸ்ரீஹரிகோட்டா ஏவுதளத்தில் இருந்து விண்ணில் ஏவப்படவுள்ளது. இதற்கான 54 மணி நேர கவுண்ட்-டவுன் இன்று காலை தொடங்கியது.

ஏப்ரல் 20ம் தேதி காலை 10.12 மணிக்கு இந்த ராக்கெட் விண்ணில் ஏவப்பட உள்ளது. இந்த ராக்கெட் மூலம் ரிசோர்ஸ்சாட்-2, யூத்சாட், எக்ஸ்-சாட் ஆகிய செயற்கைக்கோள்கள் விண்ணில் செலுத்தப்பட உள்ளன.

கவுண்ட்-டவுன் உடன் ராக்கெட்டுக்கு எரிபொருள் நிரப்பும் பணி தொடங்கியது.

ரிசோர்ஸ்சாட்-2 செயற்கைக்கோளை இந்திய விண்வெளி ஆராய்ச்சிக் கழகம் (இஸ்ரோ) தயாரித்துள்ளது. 1,206 கிலோ எடை உள்ள இந்த செயற்கைக் கோள் தொலை உணர்வு திறனில் (remote sensing) அதி நவீன வசதிகளைக் கொண்டது. இதன் மூலம் நாட்டின் இயற்கை வளங்களை கண்காணிக்க முடியும்.

யூத்சாட் செயற்கைக்கோள் இந்திய-ரஷிய கூட்டுத் தயாரிப்பு ஆகும். இதன் எடை 92 கிலோ. விண்மீன்கள் மற்றும் காற்றுமண்டல ஆய்வுக்கு இது பயன்படும்.

எக்ஸ்-சாட் செயற்கைக்கோள் 106 கிலோ எடை உள்ளது. சிங்கப்பூரைச் சேர்ந்த நான்யங் தொழில்நுட்ப பல்கலைக்கழகம் இதைத் தயாரித்துள்ளது.

கடந்த டிசம்பர் 25ல் ஸ்ரீஹரிகோட்டாவில் இருந்து ஏவப்பட்ட ஜி.எஸ்.எல்.வி. எப்-6 ராக்கெட் தோல்வியடைந்து வானிலேயே சிதறடிக்கப்பட்டது நினைவுகூறத்தக்கது. அதில் இந்தியாவிலேயே தயாரிக்கப்பட்ட கிரையோஜெனிக் என்ஜின் அதில் பொருத்தப்பட்டிருந்தது.

இஞ்சி

இந்திய சமையலில் இஞ்சிக்கு தனி பங்கு உண்டு. உணவுகளை எளிதில் ஜீரணிக்க
செய்யவதோடு பித்தம் சம்பந்தப்பட்ட நோய் அனைத்தும் வராமல் தடுப்பதால் அனைத்து
வகையான சமையலிலும் இஞ்சி இடம்பிடித்துள்ளது. நமது வாழ்க்கையில் மஞ்சளுக்கு
அடுத்தபடியாக அதிகம் உபயோகப்படக்கூடியது வகிக்கக்கூடியது இஞ்சி மற்றும் சுக்கு.
மஞ்சளைப் போலவே வடிவம் கொண்டது. உலர்ந்த இஞ்சியே சுக்கு
எனப்படுகிறது.

வேதிப்பொருள்

இத்தாவரத்தின் மருத்துவப் பயன்களுக்கு அடிப்படையாக இருப்பவை எளிதில் ஆவியாகும்.
எண்ணெய்கள் மற்றும் ஓலியோரெசின்களாகும். ஜின்சிபெரின், ஜின்ஜிரால் மற்றும்
செயல்பாட்டு வேதிப்பொருள்களாக உள்ளன.

பித்தம் தொடர்புடைய நோய்களுக்கு
சீனாவில் நடத்தப்பட்ட ஆய்வுகளில் ‘ பேசில்லஸ்’ பாக்டீரியா தோற்றுவிக்கும்
வயிற்றுப்போக்கினைத் தடுக்கும் திறன் உறுதிப்படுத்தப்பட்டுள்ளது. அஜீரணம்,
வயிற்று உப்புசம், குடல்வலி, ஆகியவற்றிர்கு மருந்தாக பயன்படுகிறது. காலைநோய்
எனப்படும் தலைச்சுற்றல் – வாந்தி போக்கக்கூடியது.. கிருமிகளுக்கு எதிரானசெயல்,
வயிற்று நோய்கள், மற்றும் சிலவகை உணவு நச்சுத்தன்மையாக
மாறுவதை தடுக்கும்.
இஞ்சி எரிப்பு குணத்தை உடையது. கடினமான பண்டங்களை எளிதில் செரிக்கும்.
பித்தவாயுவைக் கண்டிக்கும். வாயில் சுரக்கும் உமிழ்நீரைப் பெருக்கிப் பசியைத்
தூண்டும். உஷ்ணத்தை உண்டாக்கும் குணமுடையது.

மாரடைப்பு, ஆஸ்துமா குணமாகும்

இஞ்சியில் உள்ள சில மருத்துவத் தன்மைகள் இரத்தக் குழாய்களில் ஏற்படும் இரத்த
உறைவு காரணமாக வரும் மாரடைப்பைத் தடுப்பதாகக் கண்டு பிடித்துள்ளனர். இஞ்சி,
வெள்ளை வெங்காயம் இரண்டையும் ஒரு அவுன்ஸ் எடுத்து தேனில் கலந்து கொடுத்தால்
ஓயாத வாந்தி, குமட்டல், பித்த மயக்கம் நீங்கும். இந்த முறையில் வெள்ளை
வெங்காயத்தை நீக்கிவிட்டு அதற்குப் பதில் மாதுளம் பழரசம்
சேர்த்துக் கொடுத்துவர இருமல், மூச்சிரைப்பு (ஆஸ்துமா) குணமாகும்

முகப்பொலிவிற்கு இஞ்சி - தேன்

இஞ்சியை சுத்தம் செய்து மேல்தோல் சீவிப்போட்டு சிறு துண்டுகளாக நறுக்கி 150
கிராம் எடுத்து ஒரு வாயகன்ற கண்ணாடி ஜாடியில் போட்டு சுத்தமான தேனும் 150
கிராம் விட்டு நான்கு நாள் கழித்துத் தினம் காலையில் வெறும் வயிற்றில் ஒரிரண்டு
துண்டுகள் தொடர்ந்து 1 மண்டலம் சாப்பிட வேண்டும். இப்படி சாப்பிட்டால் உடல்
ஆரோக்கியமாகி, பித்தம் கட்டுப்படும். ஆயுள் பெருகும்.
முகப்பொலிவும் அழகும் உண்டாகும். மனதிடம், நெஞ்சு உரம் பெறும்.

இஞ்சி முறபா

மலபார் இஞ்சி முறபா பெயர் பெற்றது. இஞ்சியைப் பக்குவம் செய்து சர்க்கரைப்
பாகுடன் பதப்படுத்த தயாரிப்பது. இது நாட்டு மருந்துக் கடைகளிலும் கிடைக்கும்.
இதனால் வயிற்று உப்புசம், புளியேப்பம், வாந்தி, குடல் கோளாறு, கப நோயால்
மார்பில் சளி சேர்ந்து வரும் இரைப்பு போன்றவை குணமாகும்.

சர்க்கரை நோய்க்கு மருந்து

இஞ்சி கஷாயம் கால் டம்ளர் 20 கிராம் கற்கண்டு தூள் செய்து சேர்த்து அதனுடன் ஒரு
எலுமிச்சம்பழம் ரசம் பிழிந்து அரைக்கால் படி பசும்பாலில் கலந்து காலையில்
சாப்பிட்டு வர பித்த ரோகங்கள், பித்த சம்பந்தப்பட்ட வாயு, பித்த சம்பந்தப்பட்ட
கப நோய்கள் யாவும் விலகிப்போகும். அத்துடன் டயாபடீஸ் என்ற நீரிழிவு சர்க்கரை
மூலம் கழிவதை தடுத்து நிறுத்தி, களைப்பு, அதிக பசி, தாகம்,
வறட்சி, அடிக்கடி சிறுநீர் போவதும் நிற்கும்.

வலி நிவாரணி

வாந்தியுடன் கூடிய மயக்கத்தை போக்குகிறது. பயணநோய், மற்றும் அறுவை
சிகிச்சைக்குப்பின்னர் ஏற்படும் வாந்தி மயக்கத்திற்கு சிறந்த மருந்து. தசைவலி
மற்றும் பல்வலி, முகத்தில்வலி ஆகியவற்றிர்கு காய்ந்த தரையடித் தண்டு ( சுக்கு)
தண்ணீரில் இழைத்து பசையினை நெற்றியில் பற்று போட்டால் வலி குணமடையும்.

தமிழினப் படுகொலை செய்த அரசிடமே விசாரணைப் பொறுப்பா? சீமான் கேள்வி.

சென்னை: தமிழினத்தை படுகொலை செய்த அரசிடமே விசாரணை நடத்துமாறு ஐநா நிபுணர் குழு பரிந்துரைத்துள்ளது நியாயமற்றது என்று நாம் தமிழர் இயக்கத்தின் தலைமை ஒருங்கிணைப்பாளர் சீமான் தெரிவித்துள்ளார்.

இது குறித்து அவர் வெளியிட்டுள்ள அறி்க்கையில் கூறப்பட்டிருப்பதாவது,

இலங்கையில் நடந்த உள்நாட்டுப் போரில் இலங்கை அரசுப் படைகள் நிகழ்த்திய போர்க் குற்றங்கள், வன்னி முள்வேளி முகாம்களில் நடந்த மனித உரிமை மீறல்கள் ஆகியவற்றின் மீது பன்னாட்டு சட்டப்படி இலங்கை அரசே விசாரிக்க வேண்டும் என்றும், அதனை கண்காணிக்க பன்னாட்டுக் குழு ஒன்றை நியமிக்க வேண்டும் என்றும் ஐ.நா. நிபுணர் குழு பரிந்துரைத்துள்ளது நியாயமற்றது, முறையற்றது.

மார்சுகி தாருஸ்மான் தலைவராகவும், யாஷ்மின் சூக்கா, ஸ்டீவன் ராட்னர் ஆகியோரை உறுப்பினர்களாகவும் கொண்ட ஐ.நா.நிபுணர் குழு, பொதுச் செயலர் பான் கி மூனிடன் அளித்துள்ள அறிக்கை உலகத் தமிழினத்தை அதிர்ச்சி அடையச் செய்துள்ளது. தமிழர்களுக்கு எதிராக திட்டமிடப்பட்ட இனப் படுகொலைப் போரை நடத்திய இலங்கை அரசிடமே விசாரணைப் பொறுப்பை ஒப்படைப்பது, கொலைகாரனிடமே வழக்கு விசாரணையை ஒப்படைப்பதற்கு நிகரான கேலிக்கூத்தாகும்.

தமிழர்களுக்கு எதிரான அந்தப் போரில் மிகப் பெரிய அளவிற்கு போர்க் குற்றங்கள் நிகழ்ந்துள்ளன என்றும், மக்கள் பாதுகாப்பு வலயத்தில் தஞ்சமடைந்த மக்கள் மீது கனரக ஆயுதங்களைப் பயன்படுத்தி தொடர்ந்து தாக்குதல் நடத்தப்பட்டுள்ளதற்கான நம்பத்தகுந்த ஆதாரங்கள் உள்ளதெனவும், போர்ப் பகுதியில் சிக்கியிருந்த மக்களுக்கு உணவு, மருந்துப் பொருட்கள் செல்வது திட்டமிட்டு தடுக்கப்பட்டுள்ளது என்பதையும் ஒப்புக்கொண்டுள்ள நிபுணர் குழு, இதற்கெல்லாம் மூளையாக செயல்பட்ட இலங்கை அரசிடமே விசாரணைப் பொறுப்பை ஒப்படைக்குமாறு எந்த அடிப்படையில் கூறுகிறது?

இலங்கை அரசு செய்த மிகப் பெரிய போர்க் குற்றம் தங்களோடு இருந்த மக்களைக் காப்பாற்றிக் கரைசேர்க்க துப்பாக்கிகளை ஒப்படைக்கின்றோம் என்று அறிவித்துவிட்டு, வெள்ளைக் கொடிகளுடன் சரணடைய வந்த புலிகளின் அரசியல் பிரிவுத் தலைவர் நடேசன், அமைதி செயலகத் தலைவர் புலித்தேவன் உள்ளிட்ட 300 பேரை சித்ரவதை செய்து படுகொலை செய்ததும், அதன் பிறகு, மே 18-ம் தேதி ஒரே நாளில் முள்ளி வாய்க்காலிலும், வட்டுவாகலிலும் காயமுற்று உயிருக்குப் போராடிக் கொண்டிருந்த பல்லாயிரக்கணக்கான மக்களை கொன்று குவித்ததும்தான்.

சரணடைய வந்த புலிகள் அமைப்பினரை கொன்றதற்கும், இறுதிக் கட்டப்போரில் 50 ஆயிரத்திற்கும் மேலான மக்களை கொன்று குவித்ததற்கும் உத்தரவிட்டது இலங்கை அரசு தானே? இந்த உண்மை எல்லாம் தெரிந்த பிறகும் விசாரணை பொறுப்பை இலங்கை அரசிடம் வழங்குவது அங்கு நடந்த உண்மைகளை வெளிக்கொணரவா அல்லது தமிழினப் படுகொலையை புதைக்கவா?

இலங்கை அரசிற்கு எதிராக ஆதாரப்பூர்வமான குற்றச்சாற்றுகளை பட்டியலிட்டுள்ள நிபுணர் குழு, தமிழீழ விடுதலைப் புலிகளுக்கு எதிரான அடிப்படையற்ற குற்றச்சாற்றுகளையும் அறிவைச் செலுத்தாமலேயே பட்டியலிட்டுள்ளது வருத்தத்திற்குரியதாகும். தங்களோடு இருந்த மக்களை கேடயமாக விடுதலைப் புலிகள் பயன்படுத்தினார்கள் என்ற குற்றச்சாற்றை நிபுணர் குழு வைத்துள்ளது. தமிழினத்தையே அழித்தொழிக்கும் திட்டத்தோடு செயலாற்றிவரும் சிங்கள பெளத்த இனவாத அரசின் இராணுவத்தை, தமிழர்களை கேடயமாகக் கொண்டு எவ்வாறு தடுத்திட முடியும்? கொத்துக் கொத்தாக தமிழர்களைக் கொன்று குவித்துவரும் இலங்கை அரசு படைகளுக்கு அப்படிப்பட்ட மனிதாபிமானம் உண்டென்று ஐ.நா.நிபுணர் குழு நம்புயுள்ளது வியப்பைத் தருகிறது.

இலங்கையின் பூர்வீகக் குடிகளான தமிழ் மக்களை திட்டமிட்டு அழித்தொழித்த இலங்கை அரசை பன்னாட்டு நீதிமன்றத்தில் நிறுத்த வேண்டும், அதற்கு சுதந்திரமான பன்னாட்டு விசாரணைக்கு ஐ.நா. உத்தரவிட வேண்டும் என்பதே உலகெங்கிலும் வாழும் தமிழர்களின் ஒரே கோரிக்கை ஆகும். ஆனால் ஐ.நா அவ்வாறு செய்யுமா என்ற சந்தேகம் எழுந்துள்ளது.

இலங்கை இனப் பிரச்சனை தொடர்பாக அங்கு நடந்த தமிழின அழிப்பிற்குக் காரணமான இலங்கை அரசு தண்டிக்கப்பட வேண்டும், அதற்கு சுதந்திரமான பன்னாட்டு விசாரணை இன்றியமையாதது. இரண்டாவது, ஈழத் தமிழினத்தின் தேச, அரசியல் விடுதலையை உறுதிசெய்ய பன்னாட்டு கண்காணிப்பின் கீழ் வாக்கெடு்ப்பு நடத்த வேண்டும். இவை இரண்டையும் ஐ.நா. செய்யத் தவறுமானால், அது இலங்கை அரசு நடத்திய இனப் படுகொலையை மறைக்க முயற்சிக்கிறது என்ற குற்றச்சாற்றி்ற்கு ஆளாகும். அப்படியொரு நிலை ஏற்பட்டால் ஐ.நா.விற்கு எதிராக உலகத் தமிழினம் பொங்கி எழும் என்று எச்சரிக்கின்றேன். இவ்வாறு அதில் கூறப்பட்டுள்ளது.

கறுப்பு பணம் வைத்திருப்பவர்களின் பெயர்களை வெளியிட முடியாது! -மத்திய அரசு

டெல்லி: வெளிநாட்டு வங்கிகளில் கறுப்பு பணம் வைத்திருப்பவர்களின் பெயர்களை வெளியிட முடியாது என உச்சநீதிமன்றத்திடம் மத்திய அரசு தெரிவித்ததுள்ளது. இதனால் உச்சநீதிமன்றம் கடும் அதிருப்தி வெளியிட்டுள்ளது.

வெளிநாடுகளில் உள்ள வங்கிகளில் இந்தியாவை சேர்ந்த அரசியல்வாதிகள், தொழிலதிபர்கள், விளையாட்டுப் பிரபலங்கள், திரையுலக பிரபலங்கள் உள்ளிட்ட ஏராளமானோர் கறுப்புப் பணத்தை பதுக்கி வைத்துள்ளனர்.

அதன் மொத்த மதிப்பு ரூ.50 லட்சம் கோடி என்றும் அதை மீட்க நடவடிக்கை  எடுக்க வேண்டும் என்றும் சுப்ரீம் கோர்ட்டில் முன்னாள் மத்திய சட்ட அமைச்சர்  ராம் ஜெத்மலானி வழக்கு தொடர்ந்துள்ளார்.

மேலும், பஞ்சாப் மாநில முன்னாள் போலீஸ் டி.ஜி.பி. கில் உள்ளிட்ட ஐ.பி.எஸ். அதிகாரிகளும் முன்னாள் ஐ.ஏ.எஸ். அதிகாரிகளும் இதில் மனு தாக்கல் செய்துள்ளனர். இந்த மனுக்களை நீதிபதி சுதர்சன் ரெட்டி தலைமையிலான உச்சநீதிமன்ற பெஞ்ச் விசாரித்து வருகிறது.

ஏற்கனவே, மராட்டியத்தை சேர்ந்த தொழிலதிபர் ஹசன் அலிக்கு எதிராக கறுப்பு பண வழக்கு தொடரப்பட்டு தீவிர விசாரணை நடைபெறுகிறது.

பெயர் வெளியிட மத்திய அரசு மறுப்பு

இந்த நிலையில், கறுப்பு பணத்தை மீட்கும் வழக்கு விசாரணை நேற்று மீண்டும் நடைபெற்றது. அப்போது, மத்திய அரசு சார்பாக சொலிசிட்டர் ஜெனரல் கோபால் சுப்பிரமணியன் ஆஜரானார். அவர் வாதிடும்போது, 'இரட்டை வரி தவிர்ப்பு ஒப்பந்தத்தின் படி, வெளிநாடுகளில் இருந்து பெறப்பட்ட தகவல்களை மத்திய அரசு வெளியிட முடியாது' என்றார்.

அவர் மேலும் கூறுகையில், "இந்தியாவிலிருந்து கறுப்பு பணம் பதுக்கி வைத்திருப்பவர்கள் குறித்து வெளிநாட்டு வங்கிகளிடம் இருந்தும் வெளிநாட்டு அரசுகளிடம் இருந்தும் பெற்ற தகவல்களை மத்திய அரசால் வெளியிட முடியாது. இரட்டை வரி தவிர்ப்பு ஒப்பந்தம் அதை அனுமதிக்காது.

எனினும், விசாரணை நடவடிக்கை தொடங்கப்பட்டுள்ள நபர்களின் பெயர்களை வெளியிடுவதில் பிரச்சினை இல்லை.

ஜெர்மனியில் உள்ள லீச்டென்ஸ்டைன் வங்கியில் பணம் போட்டு வைத்துள்ள 6 பேரின் பெயர்களை வெளியிட மத்திய அரசு தயக்கம் காட்டவில்லை. சில நபர்களுக்கு எதிராக விசாரணை தொடங்கப்பட்டு இருக்கிறது. ஆனால், மற்றவர்களின் பெயர்களை விசாரணை தொடங்கும் வரை வெளியிட முடியாது," என்றார்.

கடும் அதிருப்தி

கறுப்பு பண விவகாரத்தில் மத்திய அரசு தெரிவித்த இந்த பதிலுக்கு உச்சநீதிமன்றம் கடும் அதிருப்தி தெரிவித்துள்ளது.

இது குறித்து நீதிபதிகள் கூறுகையில், "வெளிநாட்டு வங்கிகளில் கறுப்பு பணம் போட்டு வைத்துள்ள நபர்களின் பெயர்களை பொதுமக்கள் மத்தியில் பகிரங்கமாக வெளியிடுவதில் மத்திய அரசுக்கு என்ன சட்ட சிக்கல் இருக்க முடியும்? இது தொடர்பான விளக்கத்தை அடுத்த விசாரணையின் போது மத்திய அரசு கட்டாயம் தாக்கல் செய்ய வேண்டும்'' என உத்தரவிட்டனர்.

தமிழக சட்டசபை தேர்தலில் தொகுதி வாரியாக பதிவான ஓட்டு சதவீதம் : முழு விபரம்.

சென்னை : தமிழகத்தில் நடந்து முடிந்த சட்டசபை தேர்தலில் இதுவரை இல்லாத அளவுக்கு 77. 8 சதவீதம் ஓட்டுக்கள் பதிவாகியிருந்தது. அதிக அளவில் கரூர் மாவட்டத்திலும், குறைந்த பட்ச ஓட்‌டு கன்னியாகுமரி மாவட்டத்திலும் பதிவாகியிருந்தன. தற்போது தொகுதிவாரியாக பதிவான ஓட்டு சதவீத முழு விபரமும் வெளியிடப்பட்டுள்ளது. அதிக பட்சமாக நாகப்பட்டினம் மாவட்டம் கீழ்வேளூர் (தனி) தொகுதியில் - 91.89 சதவீதம் ஓட்டு பதிவாகியுள்ளது. கன்னியாகுமரி மாவட்டம் கிள்ளியூர் சட்டசபை தொகுதியில் - 64.07 சதவீதம் ஓட்டுப்பதிவாகியிருந்தது. ஓட்டு சதவீதம் முழு விபரம் :
திருவள்ளூர் மாவட்டம் - 75.79

1) கும்மிடிப்பூண்டி - 83.25

2) பொன்னேரி - 80.37

3) திருத்தணி - 80.36

4) திருவள்ளூர் - 81.85

5) பூந்தமல்லி - 79.13

6) ஆவடி - 71.84

7) மதுரவாயல் - 70.60

8) அம்பத்தூர் - 71.04

9) மாதவரம் - 70.10

10) திருவொற்றியூர் - 74.36


சென்னை மாவட்டம் - 68.02


11) ஆர்.கே.நகர் - 72.40

12) பெரம்பூர் - 69.71

13) கொளத்தூர் - 68.25

14) வில்லிவாக்கம் - 67.61

15) திருவிக நகர் - 68.31

16) எழும்பூர் (தனி) - 68.07

17) ராயபுரம் - 70.64

18) துறைமுகம் - 63.65

19) சேப்பாக்கம் - 69.29

20) ஆயிரம்விளக்கு - 66.83

21) அண்ணாநகர் - 66.74

22) விருகம்பாக்கம் - 67.82

23) சைதாப்பேட்டை - 70.33

24) தி.நகர் - 66.46

25) மயிலாப்பூர் - 65.16

26) வேளச்சேரி - 66.84


காஞ்சிபுரம் மாவட்டம் - 76.00


27) சோழிங்கநல்லூர் - 67.68

28) ஆலந்தூர் - 69.86

29) ஸ்ரீபெரும்புதூர் (தனி) - 81.82

30) பல்லாவரம் - 72.15

31) தாம்பரம் - 69.86

32) செங்கல்பட்டு - 73.91

33) திருப்போரூர் - 82.73

34) செய்யூர் (தனி) - 81.68

35) மதுராந்தகம் (தனி) - 81.68

36) உத்திரமேரூர் - 86.32

37) காஞ்சிபுரம் - 80.51


வேலூர் மாவட்டம் - 79.86


38) அரக்கோணம் (தனி) - 78.89

39) சோளிங்கர் - 84.92

40) காட்பாடி - 80.14

41) ராணிப்பேட்டை - 79.57

42) ஆற்காடு - 83.54

43) வேலூர் - 73.77

44) அணைக்கட்டு - 78.88

45) கே.வி.குப்பம் (தனி) - 80.16

46) குடியாத்தம் (தனி) - 76.96

47) வாணியம்பாடி - 78.89

48) ஆம்பூர் - 77.74

49) ஜோலார்பேட்டை - 81.82

50) திருப்பத்தூர் - 82.13


கிருஷ்ணகிரி மாவட்டம் - 81.09


51) ஊத்தங்கரை (தனி) - 81.87

52) பர்கூர் - 82.14

53) கிருஷ்ணகிரி - 79.80

54) வேப்பனஹள்ளி - 85.52

55) ஓசூர் - 74.77

56) தளி - 84.02


தர்மபுரி மாவட்டம் - 81.21


57) பாலக்கோடு - 86.65

58) பென்னாகரம் - 82.86

59) தர்மபுரி - 77.48

60) பாப்பிரெட்டிபட்டி - 80.52

61) அரூர் (தனி) - 79.33


திருவண்ணாமலை மாட்டம் - 83.80


62) செங்கம் (தனி) - 84.25

63) திருவண்ணாமலை - 80.71

64) கீழ்பென்னாத்தூர் - 84.40

65) கலசப்பாக்கம் - 86.54

66) போளூர் - 85.11

67) ஆரணி - 83.53

68) செய்யாறு - 84.78

69) வந்தவாசி (தனி) - 81.51


விழுப்புரம் மாவட்டம் - 81.80


70) செஞ்சி - 81.50

71) மயிலம் - 82.37

72) திண்டிவனம் (தனி) - 80.92

73) வானூர் (தனி) - 80.83

74) விழுப்புரம் - 82.04

75) விக்கிரவாண்டி - 81.37

76) திருக்கோவிலூர் - 80.79

77) உளுந்தூர்பேட்டை - 83.24

78) ரிஷிவந்தியம் - 82.75

79) சங்கராபுரம் - 81.69

80) கள்ளக்குறிச்சி - 82.00


சேலம் மாவட்டம் - 82.05


81) கெங்கவல்லி (தனி) - 81.53

82) ஆத்தூர் (தனி) - 80.53

83) ஏற்காடு (தனி) - 85.25

84) ஓமலூர் - 83.03

85) மேட்டூர் - 79.46

86) எரப்பாடி - 85.36

87) சங்ககிரி - 86.00

88) சேலம் மேற்கு - 79.73

89) சேலம் வடக்கு - 74.23

90) சேலம் தெற்கு - 78.71

91) வீரபாண்டி - 89.07


நாமக்கல் மாவட்டம் - 82.52


92) ராசிபுரம் (‌தனி) - 82.97

93) சேந்தமங்கலம் - 81.35

94) நாமக்கல் - 81.67

95) பரமத்தி வேலூர் - 81.07

96) திருச்செங்கோடு - 81.82

97) குமாரபாளையம் - 86.36


ஈரோடு மாவட்டம் - 81.36


98) ஈரோடு கிழக்கு - 77.49

99) ஈரோடு மேற்கு - 78.98

100) மொடக்குறிச்சி - 81.34

103) பெருந்துறை - 83.81

104) பவானி - 81.64

105) அந்தியூர் - 82.21

106) கோபிசெட்டிப்பாளையம் - 83.29

107) பவானிசாகம் (தனி) - 81.82


திருப்பூர் மாவட்டம் - 78.01


101) தாராபுரம் ( தனி) - 78.86

102) காங்கேயம் - 81.53

112) அவிநாசி ( தனி) - 80.09

113) திருப்பூர் - 74.37

114) திருப்பரூர் ( தெற்கு ) - 72.83

115) பல்லடம் - 77.30

125) உடுமலைப்பேட்டை - 77.98

126) மடத்துக்குளம் - 81.22


நீலகிரி மாவட்டம் - 71.94


108) உதகமண்டலம் - 71.07

109) கூடலூர் ( தனி) - 71.51

110) குன்னூர் - 73.26


கோவை மாவட்டம் - 76.56

111) மேட்டுப்பாளையம் - 80.86

116 ) சூளூர் - 80.10

117) கவுண்டம்பாளையம் - 73.52

118) ‌கோவை வடக்கு - 69.79

119) தொண்டாமுத்தூர் - 75.09

120) ‌கோவை ( தெற்கு) - 71.45

121) சிங்காநல்லூர் - 68.90

122) கிணத்துக்கடவு - 77.98

123) பொள்ளாச்சி - 79.82

124) வால்பாறை (தனி) - 76.56


திண்டுக்கல் மாவட்டம் - 81.55

127) பழநி - 80.70

128) ஒட்டன்சத்திரம் - 85.91

129) ஆத்தூர் - 83.81

130) நிலக்கோட்டை ( தனி) - 78.94

131) நத்தம் - 84.89

132) திண்டுக்கல் - 76.61

133) வேடசந்தூர் - 79.37


கரூர் மாவட்டம் - 86.06

134) அரவக்குறிச்சி - 85.63

135) கரூர் - 83.59

136) கிருஷ்ணராயபுரம் - 86.56

137) குளித்தலை - 88.66


திருச்சி மாவட்டம் - 79.12


138) மனப்பாறை - 79.73

139) ஸ்ரீரங்கம் - 80.95

140) திருச்சி மேற்கு - 74.93

141) திருச்சி கிழக்கு - 75.24

142) திருவெரும்பூர் - 71.94

143) லால்குடி - 83.29

144) மனச்சநல்லூர் - 84.05

145) முசிறி - 81.72

146) துறையூர் ( தனி ) - 81.74


பெரம்பலூர் மாவட்டம் - 81.74

147) பெரம்லூர் ( தனி) - 82.37

148) குன்னம் - 81.74


அரியலூர் மாவட்டம் - 83.91

149)அரியலூர் - 84.73

150)ஜெயங்கொண்டம் - 83.09


கடலூர் மாவட்டம் - 80.75


151) திட்டக்குடி ( தனி) - 79.01

152) விருத்தாச்சலம் - 80.45

153) நெய்வேலி - 81.93

154) பன்ருட்டி - 83.02

155) கடலூர் - 77.77

156 ) குறிஞ்சிப்பாடி - 86.38

157) புவனகிரி - 81.62

158) சிதம்பரம் - 77.36

159) காட்டுமன்னார் கோயில் ( தனி) - 79.23


நாகப்பட்டினம் : 80.25


160 ) சீர்காழி (தனி) - 78.65

161) மயிலாடுதுறை - 76.39

162) பூம்புஹார் - 79.70

163) நாகப்பட்டினம் - 79.24

164) கீழ்வேளூர் (தனி) - 91.89

165 ) வேதாரண்யம் - 77.99


திருவாரூர் - 81.42

166) திருத்துறைப்பூண்டி (தனி) - 80.46

167)மன்னார்குடி - 80.62

168) திருவாரூர் - 82.13

169 ) நன்னிலம் - 82.33


தஞ்சாவூர் மாவட்டம் - 79.97


170) திருவிடைமருதூர் ( தனி)- 80.82

171) கும்பகோணம் - 80.26

172 ) பாபநாசம் - 80.71

173) திருவையாறு - 83.93

174) தஞ்சாவூர் - 73.32

175) ஒரத்தநாடு - 82.07

176) பட்டுக்கோட்டை - 77.67

177 ) பேராவூரணி - 80.97


புதுக்கோட்டை மாவட்டம் - 79.81


178) கந்தர்வகோட்டை - 79.99

179) விராலிமலை - 85.93

180) புதுக்கோட்டை - 78.38

181) திருமயம் - 78.57

182 ) ஆலங்குடி - 81.65

183) அறந்தாங்கி - 74.81


சிவகங்கை மாவட்டம் - 75.59


184) காரைக்குடி - 74.06

185) திருப்பத்தூர் - 79.08

186) சிவகங்கை - 73.45

187) மானாமதுரை - 76.61


மது‌ரை மாவட்டம் - 77.63


188)மேலூர் - 80.02

189) மதுரை கிழக்கு -76.99

190) சோழவந்தான் - 82.90

191 ) மதுரை வடக்கு -72.98

192) மதுரை தெற்கு -75.70

193) மதுரை மத்திய தொகுதி -74.78

194) மதுரை மேற்கு - 74.77

195) திருப்பரங்குன்றம் - 76.13

196) திருமங்கலம் -82.04

197) உசிலம்பட்டி - 80.03


தேனி மாவட்டம் - 79.56


198) ஆண்டிப்பட்டி - 81.92

199) பெரியகுளம் - 78.94

200) போடிநாயக்கனூர் - 81.07

201) கம்பம் - 76.43


விருதுநகர் : 81.45


202)ராஜபாளையம் - 80.09

203) ஸ்ரீவில்லிபுத்தூர் (தனி) - 81.10

204 ) சாத்தூர் - 82.18

205) சிவகாசி -80.85

206 ) விருதுநகர் - 78.93

207) அருப்புக்கோட்டை - 83.06

208) திருச்சுழி - 83.91



ராமநாதபுரம் - 70.73


209) பரமக்குடி (தனி) -72.21

210) திருவாடனை - 71.47

211) ராமநாதபுரம் - 70.79

212) முதுகுளத்தூர் - 68.88


தூத்துக்குடி மாவட்டம் - 74.83


213)விளாத்திக்குளம் - 76.05

214) தூத்துக்குடி - 73.66

215) திருச்செந்‌தூர் - 76.52

216) ஹவைகுண்டம் - 75.07

217) ஒட்டப்பிடாரம் - 75.63

218) கோவில்பட்டி - 72.27


திருநெல்வேலி மாவட்டம் : 75.27


219) சங்கரன்கோவில் - 75.50

220) வாசுதேவநல்லூர் - 76.46

221) கடயநல்லூர் - 75.40

222) தென்காசி - 78.64

223) ஆலங்குளம் - 80.68

224) திருநெல்வேலி- 76.58

225) அம்பாசமுத்திரம் - 75.13

226) பாளையங்கோட்டை - 68.22

227) நாங்குனேரி - 74.57

228) ராதாபுரம் -71.00


கன்னியாகுமரி மாவட்டம் - 68.93


229) கன்னியாகுமரி - 75.57

230) நாகர்கோவில் - 69.84

231) கொளச்சல் - 64.13

232)பத்மநாபபுரமம்- 69.98

233) விளவன்கோடு - 69.56

234 ) கிள்ளியூர் - 64.07