விமானப்படை ஆள்சேர்ப்பு முகாம் அக்., 18 ல் தஞ்சையில் துவக்கம்

தஞ்சாவூர்: இந்திய விமானப்படைக்கான ஆட்சேர்ப்பு முகாம் தஞ்சை விமானப்படை நிலையத்தில் அக்டோபர் 18 முதல் 21ம் தேதி வரை நடக்கிறது என்று கலெக்டர் பாஸ்கரன் தெரிவித்துள்ளார். இது குறித்து அவர் வெளியிட்டுள்ள செய்திக்குறிப்பு: இந்திய விமானப்படைக்கு குருப் "ஒய்' தொழிற் பிரிவுகளுக்கான ஆட்சேர்ப்பு முகாம் அக்டோபர் 18ம் தேதி முதல் 21ம் தேதி வரை தஞ்சை விமானப்படை நிலையத்தில் நடக்கிறது.
எஸ்.எஸ்.எல்.ஸி., மற்றும் பிளஸ் 2 வில் அறிவியல், கலை, வணிகவியல், பாடங்களில் குறைந்தபட்சம் 50 சதவீத மதிப்பெண்கள் பெற்று தேர்ச்சி பெற்றவர்கள். அரசு அங்கீகாரம் பெற்ற பாலிடெக்னிக் நிலையங்களில் ஏதாவது ஒரு பொறியியல் பிரிவில் மூன்று வருட டிப்ளமோ படிப்பில் குறைந்த பட்சம் 50 சதவீத மதிப்பபெண்கள் பெற்று தேர்ச்சி பெற்றவர்கள், தமிழகம், புதுச்சேரியை சேர்ந்த திருமணம் ஆகாத இளைஞர்கள் இந்த முகாமில் கலந்து கொள்ளலாம். அக்டோபர் 18ம் தேதி காலை 6 மணி முதல் 10 மணிக்குள் தேர்வு முகாமுக்குள் வந்து சேர வேண்டும். 18ம் தேதி எழுத்து தேர்வு, 19ம் தேதி நேர்முக தேர்வு, மருத்துவ பரிசோதனை நடக்கிறது. கல்வித் தகுதிக்கான அசல் மற்றும் நகல் சான்றுகள், பென்சில், ரப்பர், கருப்பு நீல நிற பேனா, இரண்டு வெள்ளை நிற கவர்கள், இருப்பிட சான்று, பாஸ்போர்ட் சைஸ் போட்டோ ஏழு, விளையாட்டு உடை போன்றவற்றை கொண்டு வர வேண்டும்.

 மேலும் விவரங்களுக்கு 044-22390581,22396585 என்ற தொலைபேசி எண்களில் தொடர்பு கொள்ளலாம். விமானப்படை வீரர் தேர்வு தகுதி அடிப்படையில் மட்டுமே நடக்கிறது. ஏஜெண்டுகள் யாரையும் நம்ப வேண்டாம்.இவ்வாறு கலெக்டர் பாஸ்கரன் தெரிவித்துள்ளார்.

"கிரேடு' திட்டத்திற்கு ஆசிரியர்கள் வரவேற்பு

சென்னை:"பள்ளி தேர்வுகளில், "கிரேடு' முறை அமல்படுத்தப்படும்' என்ற தமிழக அரசின் அறிவிப்பை, ஆசிரியர்களும், மாணவர்களும் வரவேற்றுள்ளனர்.


இதுகுறித்து, சென்னை அசோக் நகர் அரசு பெண்கள் மேல்நிலைப்பள்ளி தலைமை ஆசிரியை கலாவல்லி கூறியதாவது:"கிரேடு' முறையை வரவேற்கிறேன். இதைப்பற்றி, மாணவிகளிடம் விரிவாக விளக்கிக் கூற திட்டமிட்டுள்ளோம். புதிய முறை, மாணவர்களின் படிப்பிற்கு அப்பாற்பட்டு, அவர்களிடம் உள்ள திறமைகளை வெளிக்கொண்டு வரவும் உதவும்.

மேலும், மாணவர்களுக்கு மன அழுத்தம் ஏற்படாது.மாணவர்களில், நன்றாகப் படிப்பவர்களும் இருப்பர்; சுமாராக படிப்பவர்களும் இருப்பர். சிலர், அன்றைய பாடங்களை அன்றே படிக்காமல் மொத்தமாக சேர்த்து வைத்து, ஆண்டு இறுதியில் விழுந்து விழுந்து படிப்பர். இனி, அனைவரும் முறையாக படிப்பில் கவனம் செலுத்துவதுடன், இதர திறமைகளிலும் ஆர்வம் காட்ட வேண்டிய நிலை ஏற்பட்டுள்ளது. இது, மாணவர்களின் மேம்பாட்டுக்கு பெரிதும் உதவும்.இவ்வாறு கலாவல்லி கூறினார்.



பெயர் வெளியிட விரும்பாத, அரசு மேல்நிலைப் பள்ளி ஆசிரியர் ஒருவர் கூறியதாவது:

தமிழக அரசின் புதிய முயற்சி வரவேற்கக் கூடியது தான். அதில், மாற்றுக் கருத்து இல்லை. ஆனால், திட்டத்தின் வெற்றி, ஆசிரியர்களின் ஈடுபாட்டைப் பொறுத்தே அமையும். பாடம் மட்டுமில்லாமல், மாணவர்களின் இதர திறன்களை மதிப்பீடு செய்து, 40 மதிப்பெண்கள் அளிக்க வேண்டிய பொறுப்பு, ஆசிரியர்களிடம் தரப்பட்டுள்ளது.இதனால், ஆசிரியர்கள், ஒவ்வொரு மாணவ, மாணவியின் செயல்பாட்டிலும் கவனம் செலுத்தி, பணியாற்ற வேண்டிய நிலை ஏற்பட்டுள்ளது. இதனால், மாணவர்களுக்கு முன்னதாக, ஆசிரியர்கள் முழு பொறுப்புடன் பணியாற்ற வேண்டும். முக்கியமாக, ஆசிரியர்களின் கையில், 40 மதிப்பெண்கள் வழங்கும் பொறுப்பு இருப்பதால், தேவையான மாணவர்களுக்கு அதிக மதிப்பெண்களும், பிடிக்காத மாணவர்களுக்கு குறைத்து மதிப்பெண்கள் வழங்கவும் அதிக வாய்ப்புகள் இருக்கின்றன.ஆசிரியர்கள் நேர்மையான முறையில், மாணவர்களின் திறன்களை மதிப்பீடு செய்யாவிட்டால், மாணவர்களுக்கு மிகப்பெரும் பாதிப்புகள் ஏற்படும். எனவே, இதில் ஆசிரியர்கள் எவ்வித தவறும் செய்யாத அளவிற்கு, மதிப்பீடு பணிகளை மேற்கொள்ள உரிய விதிமுறைகளை உருவாக்கி, அரசு அமல்படுத்த வேண்டும்.இவ்வாறு அவர் தெரிவித்தார்.


தி.நகர் அஞ்சுகம் அரசு மேல்நிலைப்பள்ளியின், 10ம் வகுப்பு மாணவர்கள் மகேஷ், பிரவீன்ராஜ், ரமேஷ், கணேஷ் உள்ளிட்டோர் கூறும்போது, ""இத்திட்டத்தின் கீழ் எப்படி செயல்பட வேண்டும் என்பது எங்களுக்கு முழுமையாக தெரியாது. எனினும், மதிப்பெண்களை வைத்து, மாணவர்களை பிரித்துப் பார்க்கும் நிலை, புதிய திட்டத்தால் இருக்காது,'' என்றனர்.

எம்.எல்.ஏ.,க்களுக்கு அதிக அளவு சலுகைகளால் சர்ச்சை.

மாதம் 55 ஆயிரம் ரூபாய் சம்பளம் பெறும் எம்.எல்.ஏ.,க்களுக்கு இலவச பஸ் பாஸ், மாதம் 20 ஆயிரம் ரூபாய் வாகனப்படி போன்றவை இருந்தும், ஏ.சி., இரண்டாம் வகுப்பு ரயிலில் பயணம் செய்வதற்கு 20 ஆயிரம் ரூபாய் வழங்குவது, சர்ச்சையை கிளப்பியுள்ளது. சென்னை மற்றும் அதைச் சுற்றியுள்ள எம்.எல்.ஏ.,க்களுக்கும் இது போன்ற பயணச் செலவு படிகள் எதற்காக? என்ற கேள்வியும் எழுந்துள்ளது. இந்த சலுகைகள் ஒழுங்காக பயன்படுத்தப்படுகிறதா என்ற கேள்வியும் எழுந்துள்ளது.

எம்.எல்.ஏ.,க்களுக்கு சம்பளமாக மாதம் 8,000 ரூபாய், ஈட்டுப் படியாக 7,000, தொலைபேசி படி 5,000, தொகுதிப் படி 5,000, தபால் படி 2,500, தொகுப்பு படி 2,500, வாகனப் படி 20 ஆயிரம் ரூபாய் என, மொத்தம் 50 ஆயிரம் ரூபாய் வழங்கப்பட்டு வந்தது. இந்நிலையில், சமீபத்தில் நடந்த சட்டசபை கூட்டத்தொடரில், தொகுதிப் படியை மேலும் 5,000 ரூபாய் உயர்த்தி, முதல்வர் ஜெயலலிதா அறிவித்ததால், மொத்தம் 55 ஆயிரம் ரூபாய் மாதந்தோறும் பெறுகின்றனர். இது தவிர, சட்டசபை கூட்டத்தொடர் மற்றும் கமிட்டி கூட்டங்களில் கலந்து கொள்ள தினமும் 500 ரூபாய் வழங்கப்படுகிறது.

 ரயில் மூலம் பயணம் செய்ய ஏ.சி., இரண்டாம் வகுப்பில் சென்று வர ஆகும் செலவுடன், ஒரு கி.மீ., தூரத்துக்கு 10 காசு வீதம் வழங்கப்படுகிறது. சாலை வழியில் பயணம் செய்தால், பஸ் வழித்தடத்தில் கி.மீ.,க்கு 25 காசு, பஸ் வழித்தடம் இல்லாத பகுதிகளுக்கு சென்றால் கி.மீ.,க்கு 50 காசு வீதம் கணக்கிடப்பட்டு வழங்கப்படுகிறது. இவ்வாறு பயணப் படிகள் வழங்கிய போதிலும், தமிழக அரசு போக்குவரத்துக் கழக பஸ்களில் தனது வாழ்க்கைத் துணை அல்லது உதவியாளருடன் எந்த பகுதிக்கும் எந்த நேரமும் செல்ல, இலவச பஸ் பாஸ் வழங்கப்படுகிறது.

 இவ்வாறு வழங்கியது போக, தனது துணை அல்லது உறவினருடன் அல்லது தனியாக ரயிலில் பயணம் செய்வதற்கான படியாக, ஆண்டுக்கு 20 ஆயிரம் ரூபாய் வழங்கப்படுகிறது.

ஏற்கனவே ரயில் அல்லது சாலை வழி பயணத்துக்கான செலவை ஈடு கட்டும்போது, இந்த தொகை எதற்கு என்ற கேள்வியை, தகவல் உரிமை ஆர்வலர்கள் எழுப்புகின்றனர். அவ்வாறு வழங்குவது தவிர, சட்டசபை கூட்டத்தொடர் நடக்கும் சமயங்களில், தனது இருப்பிடத்தில் இருந்து சென்னைக்கு வந்து செல்ல, அவரது துணையுடன் ஏ.சி., இரண்டாம் வகுப்பில் பயணம் செய்வதற்கான கட்டணத்தையும் அரசு வழங்குகிறது.

இந்த பயணச் சலுகைகள், அனைத்து எம்.எல்.ஏ.,க்களுக்கும் வழங்கப்படுவது தான் கேள்விக்குறியாக உள்ளது. காரணம், சென்னை மற்றும் அதைச் சுற்றியுள்ள பகுதிகளைச் சேர்ந்த எம்.எல்.ஏ.,க்கள் எதற்காக இவ்வளவு பயணம் செய்ய வேண்டும்; அவர்களுக்கு இவ்வளவு தொகையை ஏன் செலவழிக்க வேண்டும் என்பது தான். எம்.எல்.ஏ.,க்களுக்கு வழங்கப்படும் இந்த சலுகை தவிர, சட்டசபை எம்.எல்.ஏ.,க்கள் குடியிருப்பில் வீடு ஒதுக்கப்பட்டு, அதற்கு மாதம் 250 ரூபாய் மட்டும் வாடகையாக வசூலிக்கப்படுகிறது. இது தவிர, எம்.எல்.ஏ.,க்களுக்கு டெலிபோன் சலுகை, மருத்துவ வசதி போன்றவையும் தாராளமாக வழங்கப்படுகின்றன.

 எம்.எல்.ஏ., இறந்தால் இரண்டு லட்சம் ரூபாய் வழங்கப்படுகிறது. இவ்வளவு சலுகைகள் பெறும் எம்.எல்.ஏ.,க்கள், தொகுதி மக்களுக்கு நல்லது செய்தால் நன்றாக இருக்கும். சலுகைகளை அனுபவித்துவிட்டு, தொகுதி மக்களை மறப்பதால், அடுத்த முறை இவர்கள் தேர்வு செய்யப்படுவதில்லை என்பது வேறு விஷயம்.

மது குடிக்கும் கணவரை அடிக்கும் பெண்களுக்கு ரூ.10 ஆயிரம் ரொக்கப் பரிசு: அமைச்சர் அறிவிப்பு

கர்னூல்: ""மது குடிக்கும் பழக்கம் உள்ள கணவரை, பொதுக் கூட்டங்களுக்கு அழைத்து வந்து, அவரை அவமானப்படுத்தும் விதத்தில் அடிக்கும் பெண்களுக்கு, ஒரு அடிக்கு ஆயிரம் ரூபாய் வீதம், 10 ஆயிரம் ரூபாய் வரை ரொக்கப் பரிசு வழங்கப்படும்'' என, ஆந்திர நீர்ப்பாசனத் துறை அமைச்சர் டி.ஜி.வெங்கடேஷ் தெரிவித்தார்.


ஆந்திரா கர்னூல் நகரில், நேற்று முன்தினம் (வெள்ளியன்று) நடந்த விவசாயப் பெண்கள் கருத்தரங்கில், கலந்து கொண்டு பேசிய அவர் கூறியதாவது: பெண்கள் கஷ்டப்பட்டு சம்பாதிக்கிற பணத்தை, மது குடிக்கும் பழக்கமுள்ள, அவர்கள் கணவர்கள் வீணாகச் செலவிடுகின்றனர். கணவர்கள் மது அருந்துவதால், பெண்களின் வருமானம் எல்லாம், சாராயத்திற்குச் சென்று விடுகிறது. குடிப்பழக்கத்திற்கு அடிமையான கணவர்களை, அவர்களது மனைவியர், இதுபோன்ற பொதுக்கூட்டங்களுக்கு அழைத்து வந்து, மக்கள் மத்தியில் நிற்க வைத்து, அடிக்க வேண்டும். கணவரை அவமானப்படுத்தும் விதத்தில், இப்படி அடிக்கும் பெண்களுக்கு, ஒரு அடிக்கு 1,000 ரூபாய்க்கு குறையாமல், 10 அடி அடித்தால், 10 ஆயிரம் ரூபாயை ரொக்கப் பரிசாக, அந்த இடத்தில் வழங்கப்படும். கணவரை 10 அடி அடிக்கும் பெண்கள், 10 ஆயிரம் ரூபாயை பம்பர் பரிசாக பெற்றுக் கொள்ளலாம். தெலுங்கானா பகுதியில், போராட்டங்கள் தொடர்ந்தாலும், மதுக்கடைகள் மட்டும், முழுவீச்சில் செயல்படுகின்றன. இவ்வாறு, வெங்கடேஷ் கூறினார்.

கணவன் மனைவிக்கு இடையே மன அழுத்தம் குறைய - 2

திருமணம் என்பது இருமணம் இணைவது மட்டுமல்ல. இருவேறு குடும்பங்களின் சங்கமம். தலைமுறை தலைமுறையாக சொந்த பந்தங்கள் தழைத்தோங்கும் என்பதால்தான் திருமணத்தை ஆயிரம் காலத்து பயிருக்கு சமமாக ஒப்பிடுகின்றனர். பெற்றோர் பார்த்து நிச்சயம் செய்யப்படுவதுதான் என்றாலும் திருமணங்கள் சொர்க்கத்தில் நிச்சயம் செய்யப்படுவதாக பழமொழி தெரிவிக்கின்றன.


திருமணத்தின் முக்கியத்துவத்தை உணர்த்தும் வகையில் மனைவி அமைவதெல்லாம் இறைவன் கொடுத்த வரம் என்பது போன்ற பழமொழியும் வழக்கத்தில் உள்ளன.


பெற்றோர்கள் பார்த்து நிச்சயம் செய்வதோடு மட்டுமல்லாது காதல் திருமணங்களும் பெருகிவரும் இன்றைய கால கட்டத்தில் திருமணம் மற்றும் குடும்ப வாழ்க்கையின் அவசியத்தை இன்றைய தலைமுறையினர் எந்த அளவிற்கு உணர்ந்து வைத்துள்ளனர் என்பது புரியாத புதிராக உள்ளது.


அதனால்தான் ‌‌சி‌‌ன்ன ‌சி‌ன்ன கரு‌த்து மோத‌ல்களு‌க்கு எல்லலா‌ம் ‌விவாகர‌த்து கே‌ட்டு நீ‌திம‌ன்ற‌த்‌தி‌ன் படிகளை ஏறு‌வோரின் எண்ர‌ணி‌க்கை அதி‌க‌ரி‌த்து வரு‌கிறது. காதல் திருமணமோ, நிச்சயம் செய்யப்பட்ட திருமணமோ எதுவாக இருந்தாலும் தம்பதிகள் ஒத்துப்போனால் மட்டுமே அவர்களுடைய வாழ்க்கையில் நிம்மதி இருக்கும்.


குடு‌ம்ப ‌பிர‌ச்‌சினைக‌ளி‌ல் பெரு‌ம்பாலு‌ம் கணவனது குடி‌ப்பழ‌க்க‌ம், வேலை‌யி‌ல்லாத கணவ‌ன், குடு‌ம்ப‌த்தை நட‌த்துவத‌ற்கான வருமான‌ம் இன்ன‌மை, கணவரது தா‌ய் ம‌ற்று‌ம் தம‌க்கைய‌ரி‌ன் கொடுமை, அல்ிலது பா‌லிய‌ல் ‌பிர‌ச்‌சினை‌க‌ள் போ‌ன்றவை ஒரு பெ‌ண்‌ணி‌ற்கு எதி‌ராக ‌நி‌ற்‌கி‌ன்றன. பெரு‌ம்பாலு‌ம் ‌திருமண‌த்‌தி‌ற்கு மு‌ன்பு, கணவரது ‌வீ‌ட்டா‌ர் கூறு‌ம் பொ‌‌ய்களே, பல ‌விவாகர‌த்துகளு‌க்கு அடி‌ப்படையாக உள்ரளது.


இதே‌போல, குடு‌ம்ப‌த்‌தி‌ற்கு ஒத்,து வராத பெ‌ண், குடு‌ம்ப சூ‌ழ்‌நிலை‌க்கு ஏற்‌ப மா‌ற்‌றி அமை‌த்து‌க் கொ‌ள்ளாத பெ‌ண், ஊதா‌‌ரி‌த் தன‌ம், பல ஆ‌ண்க‌ளி‌ன் சகவாச‌ம், குடு‌ம்ப‌த்‌தி‌ற்கு அட‌ங்காத பெ‌ண் போ‌ன்றவை ஆ‌ணி‌ன் மு‌ன் ‌நி‌ற்கு‌ம் ‌பிர‌ச்‌சினைகளாகு‌ம்.


சவால்களை சமாளியுங்கள்


கணவனோ, மனை‌வியோ எந்்த ‌வித‌த்‌தி‌ல் ‌பிர‌ச்‌சினை வ‌ந்தாலு‌ம், இருவரு‌ம் ஒரு அணின‌‌யி‌‌ல் ‌நி‌ன்று ‌பிர‌ச்‌சினையை சமா‌ளி‌க்கு‌ம் போது குடு‌ம்ப‌‌ம் வலு‌ப்பெறு‌ம். ஆனா‌ல், அவ‌ர்களு‌க்கு‌ள்ளாகவே ‌பிர‌ச்‌சினையை உருவா‌க்‌கி‌க் கொ‌ண்டு இரு அணினகளாக ‌நி‌ன்று போராடு‌ம் போது குடு‌ம்ப உறவு‌க்கு‌ள் பல து‌ர்தேவதைக‌ளி‌ன் ஆ‌தி‌க்க‌ம் மேலோ‌ங்கு‌ம். அது பெ‌ண்‌ணி‌ன் தா‌யாகவு‌ம் இரு‌க்கலா‌ம், ஆ‌ணி‌ன் தா‌ய் ம‌ற்று‌ம் தம‌க்கைக‌ளி‌ன் ஆ‌தி‌க்கமாகவு‌ம் இரு‌க்கலா‌ம்.


எதுவாக இரு‌ந்தாலு‌ம், நமது அன்‌பாலு‌ம், பொறுமையாலு‌ம் ஒருவரை அனுச‌ரி‌த்து‌ச் செ‌ன்று வா‌ழ்‌க்கையை இனிகதா‌க்‌கி‌க் கொ‌ள்வது எவராலு‌ம் முடியு‌ம் ‌விஷய‌ம்தா‌ன். எனவே, ‌பிர‌ச்‌சினை துவ‌ங்கு‌ம் போதே அதை‌ப் ப‌ற்‌றி இருவரு‌ம் மன‌ம் ‌வி‌ட்டு‌ப் பே‌சி ‌பிர‌ச்‌சினையை ‌தீ‌ர்‌த்து‌க் கொ‌ள்ளலா‌ம். எதையு‌ம் அறி வு‌ப்‌பூ‌ர்வமாக ஆராயாம‌ல், மன‌ப்பூ‌ர்வமாக ஆரா‌ய்‌ந்தா‌ல் ந‌ல்ல வ‌ழி ‌கி‌ட்டு‌ம்.


விட்டுக்கொடுத்தல் அவசியம்


இந்தக் கால இளம் தலைமுறையினருக்கு விட்டுக் கொடுத்தல், சகிப்புத்தன்மை போன்ற நற்குணங்கள் இல்லாத காரணத்தால்தான் விவாகரத்து வழக்குகளின் எண்ணிக்கையும் அதிகரித்துக் கொண்டே போகிறது. விவாகரத்து கேட்டு நீதிமன்றப்படியேரும் தம்பதிகளுக்கு உட.னடியாக வழ‌க்கு‌ப் ப‌திவு செ‌ய்து ‌விவாகர‌த்து வழ‌ங்க‌ப்படுவ‌தி‌ல்லை. முதலில் உளவியல் ரீதியாக ஆலோசனை வழ‌ங்க‌ப்படு‌கிறது. தேவைப்பட்டால் பல தடவைகூட ஆலோசனை நடத்துகிறார்கள்.


முடிந்தவரை தம்பதிகளை சேர்த்து வைக்கவே இந் த ‌நீ‌திம‌ன்ற‌்ங்க‌ள் முயற்சி செய்கின்றன. இறு‌தி வரை விவாகரத்து பெற்றே தீருவது என்று இருவரில் ஒருவர் பிடிவாதமாக இருந்தாலோ அல்லது இருவரும் பிடிவாதமாக இருந்தாலோ வழக்கு நடத்தி விவாகரத்து வழங்கப்படுகிறது.


விவகாரத்திற்கு அடிகோலும் விவாதம்


வீட்டிற்கு வீடு வாசற்படி இருப்பது போல சண்டை ஏற்படாத வீடு என்று எங்கேயும் இல்லை. 


வீட்டில் பிரச்சினைகள் உருவாகி சண்டை ஏற்படும் போது இருவரும் ஒரேசமயத்தில் கோபப்படாதீர்கள். வாக்குவாதம் ஏற்படுகின்ற பிரச்சினைகளில் ஒருவர் மற்றவரை ஜெ‌யி‌க்க‌வி‌ட்டு மகிழ்ச்சி அடையுங்கள். விட்டுக் கொடுப்பவர்கள் கெட்டுப் போவதில்லை எப்பொழுதுமே! விவாதம் தவிர்க்க முடியாதது என்றால், கூடியவரைக்கும் அதை ஒத்திப் போடுங்கள்.


தேவை அன்பான வார்த்தை


ஒரு நாளைக்கு ஒரு முறையாவது ஒரு அன்பான வார்த்தையோ அல்லது வாழ்த்தோ உங்கள் துணையிடம் உபயோகப்படுத்திப் பாருங்கள். செய்த தவறை உணரும்போது அதை ஒத்துக் கொள்ளவும் அல்லது அதற்காக மன்னிப்புக் கேட்கவும் தயங்காதீர்கள். கடந்தகால தவறுகளைச் சுட்டிக் காட்டாதீர்கள். விமர்சனத்தையே வாஞ்சையுடனும், அன்புடனும் செய்து பாருங்கள். மேலு‌ம், உலகத்திற்காக போலியாக வாழ்வதைக் காட்டிலும், உங்களுக்காகவே வாழ்ந்து பாருங்களேன்.


மூன்று தாரக மந்திரங்கள்


இல்லற வாழ்க்கை இனித்திட, மூன்று தாரக மந்திரங்கள். (இவ‌ற்றை எப்‌போது‌ம் மன‌தி‌ல் கொ‌ள்ளு‌ங்க‌ள்) சூழ்நிலைக்கேற்ப நடந்து கொள்ளுதல். அனுசரித்துப் போகுதல்.மற்றவர்களை மதித்து நடத்தல். ந‌ம் வா‌ழ்‌க்கை ந‌ம் கை‌யி‌ல்தா‌ன் உள்ுளது. இதனை அனை‌த்து த‌ம்ப‌திகளு‌ம் ‌பி‌ன்ப‌ற்‌றி வ‌ந்தாலே பெரு‌ம்பாலான குடு‌ம்ப ‌பிர‌ச்‌சினைக‌ள் வராது. அப்்படியே தலைதூ‌க்‌கினாலு‌ம் அவை பெ‌ரிய அள‌வி‌ல் உருவாகாது. ‌நீ‌ங்களு‌ம் ‌திருமணமானவராக இரு‌ப்‌பி‌ன் இதனை பி‌ன்ப‌ற்‌றி‌ப் பாரு‌ங்க‌ள். உங்ுக‌ள் இல்கலற‌ம் ந‌ல்லறமாகு‌ம்.

சுறுசுறுப்பாக வேலை செய்ய ஒரு சில வழிகள்!

நம்முடைய பணியிடங்களில் சரியாக வேலை செய்ய முடியாமல் இருப்பதற்கு இரவில் சரியான தூக்கம் இல்லாமை, சத்துள்ள உணவு வகைகளை உட்கொள்ளாமை , உடற்பயிற்சிகளை தவிர்ப்பது போன்றவை முக்கிய காரணமாக அமைகின்றன. இதனால் மன உளைச்சல், மன அழுத்தம், அதிக கோபம், போன்ற பல பிரச்சனைகளுக்கு உள்ளாகிறார்கள்.

இங்கே நீங்கள் ஒரு பணியிடத்தில் சுறுசுறுப்பாக இருக்கவும் , உங்கள் உடல் நலத்தை பேணவும் உதவும் சில குறிப்புகள் கொடுக்க முயற்சிக்கிறோம்.

நல்ல தூக்கம்: இரவில் நல்ல தூக்கம் இல்லாவிட்டால் மறு நாள் உங்கள் வேளைகளில் கவனம் செலுத்த முடியாத நிலை ஏற்படும்.ஒரு நாளைக்கு குறைந்தது 7 அல்லது 8 மணி நேரம் நன்றாக உறங்க வேண்டும். இரவில் சீக்கிரமே உறங்கி அதிகாலை எழுந்து உடற்பயிற்சி செய்வது நாள் முழுவதும் உங்கள் உடலுக்கும் மனதுக்கும் புத்துணர்வு அளிக்கும்.

ஆரோக்கியமான காலை உணவு: உங்களுடைய நாளை சிறப்பாக அமைக்க நல்ல ஆரோக்கியமான காலை உணவு அவசியம். ஆற்றல் அளவை அதிகரிக்க ஊட்டச்சத்துக்கள் நிறைந்த தானிய உணவுகள் (ஓட்ஸ் கஞ்சி அல்லது ரொட்டி ), புரத சத்துக்கள் நிறைந்த முட்டை, குறைந்த கொழுப்பு சத்துக்கள் அடங்கிய தயிர், மற்றும் வைட்டமின் சி நிறைந்த (ஆரஞ்சு அல்லது சிட்ரஸ் பழங்கள்) போன்றவைகளை உட்கொள்ளுங்கள். காலை உணவை தவிர்ப்பது பிற்காலத்தில் மிகப்பெரிய உடல் நோய்களுக்கு உள்ளாக்கும் என்பதை கவனத்தில் கொள்க.

நடக்க வேண்டும்: உட்கார்ந்து கொண்டு நீண்ட நேரம் வேலை செய்வதால் முதுகு வலி, சோம்பல் போன்றவை ஏற்படும். அதோடு உடலில் ரத்த ஓட்டம் சீராக செயல்படாது. இதனால் ஒரு மணி நேரத்திற்கு ஒருமுறை அலுவலகத்தில் உங்கள் நண்பர்களுடன் சேர்ந்து நடப்பது சிறந்தது. இதனால் உடலில் ரத்த ஓட்டம் சீராக அமைந்து உடலுக்கு புத்துணர்வு ஏற்படும்.

தண்ணீர் குடிக்க வேண்டும்: நீண்ட நேரம் வேலை செய்வதால் உடலில் அதிக அளவு நீர் சத்து செலவாகிறது. அதை பூர்த்தி செய்ய தேவையான அளவு உடலுக்கு நீர் செலுத்துவது அவசியம். குடிநீர் உங்கள் உடலில் ஆற்றல் அளவை அதிகரிக்கும். விரும்பினால் தண்ணீருடன் சத்துள்ள பழ சாறுகளையும் சேர்த்துக்கொள்ளுங்கள். பாட்டில்களில் அடைக்கப்பட்ட குளிர்பானங்களை தவிர்த்து கொள்ளுங்கள்.

சூரிய ஒளி: சூரிய ஒளி உங்கள் உடலின் வெப்ப நிலையை இயற்கையாக சீராக்க உதவுகிறது. இதனால் மதிய வேளைகளில் சூரிய ஒளியில் சிறிது நேரம் நடப்பது சிறந்தது.

மதிய உணவு: அதிக கொழுப்பு அடங்கிய உணவு பொருட்கள் மதிய வேளையில் தூக்கம் வர காரணமாக அமையும். ஆரோக்கியமான மற்றும் ஆற்றல் மிக்க கோதுமை, ரொட்டி, சாலட் போன்ற உணவுகளை உட்கொள்வது சிறந்தது.

உரையாடல்: எப்போதும் வேலை செய்து கொண்டே இருக்காமல் நண்பர்களிடம் சிறுது நேரம் உரையாட வேண்டும். இதனால் உடலுக்கு தெம்பு ஏற்படும்.

மேலே கூறப்பட்ட அனைத்தையும் ஒரு நாள் முயற்சி செய்து பாருங்கள். உங்கள் நாள் அற்புதமாக, அமைதியாக அமைய இந்த வழிகள் உங்களுக்கு நிச்சயம் உதவும்.

Thanks: kalvi kalanjiam

உள்ளாட்சித் தேர்தல்: யார் எங்கு போட்டியிடலாம்?- அரசாணையின் முழு விவரம்

தமிழகத்தில் நடைபெற உள்ள உள்ளாட்சித் தேர்தலில் எந்தெந்த நகராட்சி, பேரூராட்சிகள் யார் யாருக்கு ஒதுக்கீடு செய்யப்பட்டுள்ளது என்பது குறித்து கடந்த 12-9-2011 அன்று ஆணையாளர், நகராட்சி நி்ர்வாகம் கடிதம் எண் 40533-20112-எம்எல் 3 30-8-2011, 2. அரசு ஜிஓ (எம்எஸ்) 124-7-9-2011, 3. இயக்குனர் டவுன் பஞ்சாயத்து கடிதம் 4176-2011-சி3 7-9-2011-ன்படி பட்டியல் வெளி்யிட்டுள்ளார்.
அந்த பட்டியல் வருமாறு,

எஸ்சி (பொது)

சூலூர், சுந்தரபாண்டியம், வீ புதுப்பட்டி, நிமிலி, பூசூர், பூஞ்சை தோட்டக்குறிச்சி, வைத்தீஸ்வரன் கோவில், விக்கிரவாண்டி, பவானிசாகர்,

திருவெண்ணைநல்லூர், நன்காவரம், அன்னவாசல், தம்மம்பட்டி, கடம்பூர், தேவாரம், மேலச்செவல், பண்ணைபுரம், தென்திருப்போரை, பன்னடம், வடக்கானந்தல், உப்பிடமங்கலம், பீதம்பாளையம், மாவூர், நல்லம்பேட்டை, ஆழ்வார்குறிச்சி, பனைமரத்துப்பட்டி, தாதியங்கார் பேட்டை, ஐகத்தலா, சேந்தமங்கலம், சீவகம்பட்டி, குன்றத்தூர், கோபாலசமுத்திரம், எட்டிமடை, வடுகப்பட்டி, பூவலூர், கிள்ளை, மேலகரம், கலவை, ஜாம்பை, புவனகிரி, கரம்பக்குடி, திருமலையம் பாளையம், சமலபுரம், ராயகிரி, மம்சாபுரம், தேவூர், காட்டு மன்னார்கோவில், கொளத்தூர், நிலக்கோட்டை, கோமரலிங்கம், கொம்பைநல்லூர், பட்டிவீரன்பட்டி, சோழாபுரம், பூதப்புரம், கூத்தப்பர், எலத்தூர்

எஸ்சி (பெண்கள்)

ஓடுகத்தூர், குறும்பலூர், பிக்காட்டி, கீதி, வடமதுரை, நாகியனூர், சரகரசம்குளம், கங்கவல்லி, பாலகிருஷ்ணபேட்டை, எரியோடு, பூலுவம்பதி, செட்டிபாளையம், கிருஷ்ணநாராயணபுரம், குடவாசல், வடுகப்பட்டி, வத்திராயிருப்பு, முதுகுளத்தூர், ஓடியங்குளம், ஈத்தபூர், திருமனசை, சங்கரமணலூர், தடிக்கொம்பு, திமிறி, உதயம்பாளையம், வாழப்பாடி, உப்பிலியாபுரம், செங்கனூர், ஹரூர்

எஸ்டி (பொது)

வேட்டைக்காரன்புதூர், அம்மாபேட்டை

எஸ்சி (பெண்கள்)

பாப்பிரடிபட்டி (தர்மபுரி)

பெண்கள் (பொது)

குற்றாலம், அண்ணாமலை நகர், லெப்பைகுடியிறுப்பு, ரீதாபுரம், பாலப்பள்ளம், திங்கள் நகர், விராளம்பி, தலைஞாயிறு, ஆர்எஸ் மங்கலம், கில்குண்டா, கொத்தைநல்லூர், காமய்யகவுண்டன்பட்டி, திருக்கோவிலூர், கருமாண்டி செல்லி பாளையம், கருங்கல், சாமபவர்வடகரை, கரியூர், ஓரத்தநாடு, வினவூர், செய்தூர், திருவிதாங்கோடு, (செ) புதூர், புதுப்பாளையம், திற்பரப்பு, குச்சனூர், மணச்சநல்லூர், களியாக்கவிளை, திருப்பாண்டை, சிதையன்கோட்டை, அலூர், தேவாரசலாஸ, பூதப்பாண்டி, களம்பூர், ஸ்ரீராமபுரம், செந்தாரம்பட்டி, ஊத்துக்கோட்டை, எஸ்கண்ணலூர், ஆரல்வாய்மொழி, ஆடுதுறை, தாழி, மூதூர், அன்னூர், மாராத்தகாளி, தாராபுரம், புதுவயல், காலன்கோயில், ஏழுமலை, பூலம்பாடி, சாயல்குடி, ஆய்குடி, பாண்டமங்கலம், வெள்ளோட்டம்பரப்பு, சமத்தூர், ஆனந்தபுரம், மேலசொக்கநாதபுரம், வானிபுதூர், ஏழுதேசம், அயோத்தியபட்டிணம், கிணத்துகடவு, பி மீனாட்சிபுரம், அயலூர், நாராணம்மாள்புரம், உத்திரமேரூர், பட்டலகுண்டு, மடம்பாக்கம், செய்ங்கபாளையம், அஞ்சலூர், சின்னசேலம், திருநீர்மலை, அலங்காநல்லூர், உத்தமபாளையம், துரப்பாடி, வாழ்வைதான் கோட்டம், நம்பியூர், மேலட்டூர், பாராளாம், அகரம், கட்டம்புத்தூர், நீடமங்கலம், கரி
யபட்டி, அலங்கயம், குமராபுரம், லால்குடி, கன்னிவாடி, தொட்டியம், கோலப்பலூர், கிழ்வேளூர், நாட்டரம்பள்ளி, வெங்கரை, பெருநதுரை, திசூர், வெள்ளிமலை, அரிச்சலூர், மணவாளக்குறிச்சி, இடிகரை, அம்மூர், பேரூர், சோழவந்தான், பொண்மணி, ஓவிளை, பள்ளிப்பட்டு, கொளத்துபாளையம், கீரமங்கலம், எஸ் கொடிகுளம், குத்தூர், பூஞ்சை புகலூர், அச்சரம்பாக்கம், கல்லக்குடி, கொம்பை, மோகனூர், சிங்கம்புனரி, கள்ளகுட்டம், தியாகதுருகம், நாதம், ,ஸ்ரீபெரும்புதூர், எஸ் மேட்டுபாளையம், ஸ்ரீ முன்னம், வாடிப்பட்டி, ஓடைப்பட்டி, மூலனூர், புதுப்பட்டி, சுரண்டை, மண்டைக்காடு, குன்னத்தூர், சின்னசமுத்திரம், விளாத்திகுளம், தாளக்குடி, பொன்னேரி, புத்தளம், கருங்குழி, திருகட்டுப்பள்ளி, நன்னீலம், கன்னியாகுமரி, திருக்குன்றம், விளம்பாக்கம், பிள்ளநல்லூர், கோட்டகுப்பம், ஹனுமன்தம்பட்டி, காமமங்கலம், ஜமீ்ன ஊத்துகுளி, குலசேகரம், பர்கூர், இருகூர், சத்திரப்பட்டி, திருபேரூர்

நகராட்சி எஸ்சி (பொது)

நெல்லியானம், நெல்லி குப்பம், பெரம்பலூர், திருவேற்காடு, குண்ணூர், பேரனாம்பட்டு, மறைமலைநகர், அரக்கோணம், கூத்தலூர், ஆத்தூர்

எஸ்சி (பெண்கள்)

வால்பாறை, உதகமண்டலம், திருத்துறைபூண்டி, சீர்காழி, ராணிப்பேட்டை, சங்கரன்கோவில்

எஸ்டி (பெண்கள்)

கூடலூர் (ல)

நகராட்சி பொது (பெண்கள்)

காயல்பட்டினம், கீழக்கரை, அம்பாசமுத்திரம், வேதாரண்யம், வந்தவாசி, சாத்தூர், குழித்துறை, உடுமலைப்பேட்டை, கடையநல்லூர், தேவகோட்டை, தாராபுரம், சிதம்பரம், தென்காசி, கோவில்பட்டி, அறந்தாங்கி, நாகர்கோவில், கோபிசெட்டிபாளையம், ஆம்பூர், தஞ்சாவூர், நாகப்பட்டினம், ஜோலார்பேட்டை, ஆரணி, விருதுநகர், பத்மநாபபுரம், ஜெயங்கொண்டாம், திருவாதிபுரம், மயிலாடுதுறை, மன்னார்குடி, விக்கிரமாசிங்கபுரம், மணப்பாறை, குடியாத்தம், ஸ்ரீவில்லிபுத்தூர், காரைக்குடி, கும்பகோணம், திருத்தங்கல் ஆகிய 35 நகராட்சிகள் பெண்களுக்கு ஒதுக்கப்பட்டுள்ளது.

அதிமுக கூட்டணியிலிருந்து வெளியேறியது தேமுதிக- உள்ளாட்சித் தேர்தலில் தனித்துப் போட்டி

சென்னை: அதிமுக கூட்டணியிலிருந்து வெளியேறியுள்ளது தேமுதிக. உள்ளாட்சித் தேர்தலில் தனித்துப் போட்டியிடுவதாக அது அறிவித்துள்ளது. கட்சியின் வேட்பாளர் பட்டியலையும் கட்சித் தலைவர் விஜயகாந்த் வெளியிட்டுள்ளார்.
தனித்துதான் போட்டி என்ற கொள்கையுடன் செயல்பட்டு வந்த தேமுதிக கடந்த சட்டசபைத் தேர்தல் மூலம் முதல் முறையாக கூட்டணி அரசியலில் புகுந்தது. யாருடைய வாக்குகளைப் பிரித்து வந்தது அதே அதிமுகவுடன் கூட்டணி வைத்துப் போட்டியிட்டது. கூட்டணி முடிவான பின்னர் தொகுதிப் பங்கீட்டில் பெரும் குழப்பம் ஏற்பட்டது. இதனால் அதிமுக தன்னிச்சையாக தான் போட்டியிடும் தொகுதிகளை அறிவித்து தேமுதிகவுக்கு ஷாக் கொடுத்தது.

பின்னர் சமரசப் பேச்சுக்கள் நடந்து இணைந்து போட்டியிட்டனர். அதிமுக ஆட்சியைப் பிடித்தது. தேமுதிகவுக்கு அரசியல் அங்கீகாரம் கிடைத்து, இன்று எதிர்க்கட்சியாகியுள்ளது.

இந்த நிலையில் உள்ளாட்சித் தேர்தலில் இடப் பங்கீட்டுக்காக கூட்டணிக் கட்சிகள் காத்திருந்த நேரத்தில் அத்தனை இடங்களுக்கும் அதிரடியாக தனது வேட்பாளர்களை அறிவித்து கதவை மூடி விட்டார் ஜெயலலிதா. இதனால் தேமுதிக கடும் அதிர்ச்சியில் மூழ்கியது. தேர்தல் தேதி அறிவித்து, வேட்பு மனு தாக்கலும் தொடங்கி விட்டதால் என்ன செய்வது, எங்கு போவது, எப்படிப் போவது என்பது தெரியாமல் தேமுதிகவினர் குழப்பத்தில் மூழ்கினர்.

தற்போது இடதுசாரிகளை மட்டும் அழைத்து அதிமுக பேசி வந்தது. அதிலும் உடன்பாடு இதுவரை ஏற்படவில்லை.

இந்த நிலையில் தேமுதிக தரப்பிலிருந்து, காங்கிரஸ் தரப்புடன் ரகசியப் பேச்சுக்களில் ஈடுபட்டுள்ளதாக தகவல்கள் வெளியாகின. ஆனால் அதிலும் வெற்றி கிடைக்காத நிலையில், தற்போது தனித்துப் போட்டியிடுவதாக தேமுதிக அறிவித்துள்ளது.

தனித்துப் போட்டியிடும் முடிவை அறிவித்த கட்சித் தலைவர் விஜயகாந்த், தனது கட்சியின் முதல் வேட்பாளர் பட்டியலையும் வெளியிட்டுள்ளார்.

மேயர் வேட்பாளர்கள்

சென்னை மேயர் பதவிக்கு கோ.வேல்முருகன் நிறுத்தப்பட்டுள்ளார். மதுரைக்கு கா.கவியரசு, கோவைக்கு ஆர்.பாண்டியன், சேலத்திற்கு ஏ.ஆர்.இளங்கோவன், நெல்லைக்கு ஏ.சீதாலட்சுமி, வேலூருக்கு எஸ்.சத்தியவாணி சுரேஷ்பாபு, ஈரோட்டுக்கு என்.எஸ்.சிவக்குமார் வேட்பாளர்களாக அறிவிக்கப்பட்டுள்ளனர்.
திருப்பூர் மாநகராட்சி மேயருக்கு தினேஷ்குமார், தூத்துக்குடிக்கு ராஜேஸ்வரி வேட்பாளர்களாக அறிவிக்கப்பட்டுள்ளனர்.

கண்களைக் காக்கும் பொன்னான உணவுகள்

கல்வி அறிவு இல்லாதவரை கண்ணிழந்தோர் என வள்ளுவர் குறிப்பிடுவதில் இருந்தே கண்களின் அருமையை அனைவரும் உணர்ந்து கொள்ளவேண்டும். உலகின் உள்ள அத்தனை அழகையும் நாம் பார்க்க உதவி புரிவது கண்களே. அந்த கண்களை காக்க நாம் அக்கறை எடுத்துக்கொள்வதில்லை. கண் கெட்ட பிறகு சூரிய நமஸ்காரம் செய்வதை விட ஆயுர்வேதத்தில் கூறப்பட்டுள்ளவைகளை பின்பற்றினால் கண்களை பாதுகாக்கலாம்.

கண்களைக் காக்கும் வைட்டமின் ஏ

கண்களுக்கு அத்தியாவசிய தேவை விட்டமின் ‘ஏ’. இதனால் கண்கள் பலத்தையும், நல்ல பார்வையையும் பெறும். விட்டமின் ‘ஏ’ எல்லாவித ஆரஞ்ச் / மஞ்சள் நிற காய்கறிகளிலும், பழங்களிலும் கிடைக்கிறது. முக்கியமாக கேரட், ஆரஞ்ச், பரங்கிக்காய், மாம்பழம், பப்பாளி இவற்றில் விட்டமின் ‘ஏ’ உள்ளது.

பசலைக்கீரை, கொத்தமல்லி கீரைகளிலும் உள்ளது. மாமிச உணவில் மீன், லிவர், முட்டைகள் இவற்றில் விட்டமின் ‘ஏ’ கிடைக்கிறது.
விட்டமின் ‘ஏ’ வுடன் கூடவே விட்டமின் ‘சி’ யையும் சேர்த்துக் கொள்ள வேண்டும். விட்டமின் ‘சி’ கண்களில் கண்புரை வராமல் தடுக்கும்.

நெல்லிக்காய், கொய்யாப்பழம், ஆரஞ்ச், எலுமிச்சம்பழம், முட்டைக்கோஸ், குடமிளகாய் மற்றும் தக்காளியில் விட்டமின் ‘சி’ உள்ளது. இவற்றை உணவில் சேர்த்துக் கொள்ள வேண்டும்.

திரிதோஷ கோளாறுகள்

கண் கோளாறுகள் உண்டாகும் காரணம் திரிதோஷ கோளாறுகள். வாததோஷத்தினால் கண்களைச் சுற்றி கருமை தோன்றும். ‘வறட்சி’ யினால் உலர்ந்து போகும். பித்ததோஷம் கண்கள் சிவந்து போதல், எரிச்சல் இவற்றை உண்டாக்கும். கபத்தால் கண்கள் அரிப்பு, நீர்வடிதல் போன்றவற்றை உண்டாக்கும்.

பழங்கள் காய்கறிகள்

தினசரி உணவில், பயத்தம் பருப்பு, முக்கிரட்டை கீரை, பசலைக்கீரை, முருங்கைக்கீரை, கேரட், ஆப்பிள், மாதுளை, பப்பாளி, பாகற்காய், புடலங்காய் முதலியவற்றை சேர்த்துக் கொள்வது கண்களுக்கு நல்லது என்கிறது ஆயுர்வேதம்.

இது தவிர அரிசி, கோதுமை, பார்லி, பச்சைப் பயறு, கடலைப் பருப்பு, உளுந்து, சோளம் போன்ற உணவுகள் கண்ணுக்கு நன்மை தருபவை. வெந்தயம், வெந்தயக் கீரை, முருங்கைக்காய், முருங்கைக்கீரை, முட்டைக்கோஸ், பசலைக்கீரை, கொத்தமல்லி, கறிவேப்பிலை, புதினா, ஜீரகம், கருமிளகு, லவங்கம், கேரட், உருளைக்கிழங்கு, வெங்காயம், பூண்டு, சர்க்கரை வள்ளிக்கிழங்கு, முள்ளங்கி, பீட்ரூட் போன்ற காய்கறிகளையும் தவறாது உட்கொள்ள வேண்டும்.

பேரீட்சைப்பழம், அத்திப்பழம், மாதுளம்பழம், திராட்சை, இயற்கையாக பழுத்த மாம்பழம், ஆப்பிள், நெல்லிக்கனி, வாழைப்பழம், ஆரஞ்ச், கொய்யா, தக்காளி, கருப்பு திராட்சை, எலுமிச்சம்பழம், பப்பாளி, அன்னாசி, பலாப்பழம் முதலியவை கண்களுக்கு ஏற்றது.

எள் எண்ணெய், மீன் எண்ணெய், நதி மீன்கள், கோழி, சுறா மீன், ஆட்டின் ஈரல், முட்டை,

பசும் பால், ஆட்டுப்பால், பசும்பாலிலிருந்து எடுக்கப்பட்ட நெய், ஆட்டுப்பாலின் நெய், பசும்பாலிலிருந்து செய்யப்பட்ட வெண்ணெய், மோர், கிரீம் போன்ற உணவுகளை உட்கொள்ளலாம்.

மூலிகை கஷாயங்களால் அடிக்கடி கண்களை கழுவுதல், பிரம்மி, நெல்லி, பிருங்கராஜ் மூலிகைகளின் தைலத்தை தலைக்கு தேய்த்து குளிப்பது கண்களுக்கு பாதுகாப்பானது என்கிறது ஆயுர்வேதம்.

எதை தவிர்க்க வேண்டும் ?

காராமணி, ராஜ்மா, சோயாபீன், முலாம்பழம், தர்பூசணி
செந்தூரகம் எண்ணெய், லின்சிட் ஆயில், பிரெட், பன் போன்ற உணவுகளை தவிர்க்க வேண்டும் என்கிறது ஆயுர்வேதம்

தஞ்சையில் ஃபோட்டோவுடன் வாக்காளர் பட்டியல் வெளியீடு

தஞ்சாவூர்: தஞ்சாவூர் கலெக்டர் அலுவலகத்தில் உள்ளாட்சி தேர்தலுக்கான ஃபோட்டோவுடன் கூடிய வாக்காளர் பட்டியலை கலெக்டர் பாஸ்கரன் வெளியிட்டார். ஊரக வளர்ச்சி முகமை திட்ட இயக்குனர் வரதராஜன், டி.ஆர்.ஓ., சுரேஷ்குமார் ஆகியோர் பெற்றுக் கொண்டனர்.அப்போது கலெக்டர் பாஸ்கரன் பேசியதாவது:

தஞ்சாவூர் மாவட்டத்தில் தஞ்சாவூர், கும்பகோணம், பட்டுக்கோட்டை ஆகிய மூன்று நகராட்சிகளுக்கும், தஞ்சாவூர், திருவையாறு, பூதலூர், ஒரத்தநாடு, திருவோணம், கும்பகோணம், திருவிடைமருதூர், திருப்பனந்தøõள், பாபநாசம், அம்மாப்பேட்டை, பட்டுக்கோட்டை, மதுக்கூர், பேராவூரணி, சேதுபாவாசத்திரம் ஆகிய 14 யூனியன்களில் 276 கவுன்சிலர்களும், 589 பஞ்சாயத்து தலைவர்களுக்கும், நான்காயிரத்து 569 பஞ்சாயத்து வார்டு உறுப்பினர்களுக்கும் தேர்தல் நடக்கிறது. நகர்புற உள்ளாட்சிகளில் 644 வாக்குச்சாவடிகளிலும் மற்றும் ஊரக உள்ளாட்சி அமைப்புகளில் இரண்டாயிரத்து 608 வாக்குச்சாவடிகளில் வாக்குப்பதிவு நடக்கிறது.

தஞ்சாவூர் நகராட்சியில் ஆண் வாக்காளர்கள் 71 ஆயிரத்து 583 பேரும், பெண் வாக்காளர்கள் 73 ஆயிரத்து 886 பேர் என மொத்தம் ஒரு லட்சத்து 45 ஆயிரத்து 469 வாக்காளர்களும், கும்பகோணம் நகராட்சியில் ஆண் வாக்காளர்கள் 42 ஆயிரத்து 629 பேரும், பெண் வாக்காளர்கள் 43 ஆயிரத்து 390 பேர் ஆக மொத்தம் 86 ஆயிரத்து 19 வாக்காளர்கள் உள்ளனர். பட்டுக்கோட்டை நகராட்சியில் ஆண் வாக்காளர்கள் 21 ஆயிரத்து 888 பேரும், பெண் வாக்காளர்கள் 22 ஆயிரத்து 305 பேரும் ஆக மொத்தம் 44 ஆயிரத்து 193 வாக்காளர் உள்ளனர்.மொத்தமுள்ள 14 யூனியன்களில் ஆண் வாக்காளர்கள் ஐந்து லட்சத்து 43 ஆயிரத்து 944 பேரும், பெண் வாக்காளர்கள் ஐந்து லட்சத்து 43 ஆயிரத்து 745 பேரும் ஆக மொத்தம் பத்து லட்சத்து 86 ஆயிரத்து 689 வாக்காளர்கள் உள்ளனர். 22 டவுன் பஞ்சாயத்துகளில் ஆண் வாக்காளர்கள் 95 ஆயிரத்து 511 பேரும், பெண் வாக்காளர்கள் 96 ஆயிரத்து 752 பேரும் ஆக மொத்தம் ஒரு லட்சத்து 92 ஆயிரத்து 263 வாக்காளர்கள் உள்ளனர்.

தஞ்சாவூர் மாவட்டத்தில் ஆண் வாக்காளர்கள் ஏழு லட்சத்து 75 ஆயிரத்து 555 பேரும், மொத்த பெண் வாக்காளர் எண்ணிக்கை ஏழு லட்சத்து 79 ஆயிரத்து 78 பேரும் ஆக மொத்தம் 15 லட்சத்து 633 வாக்காளர்கள் உள்ளனர்.இவ்வாறு கலெக்டர் பாஸ்கரன் தெரிவித்தார்.இதில், கலெக்டரின் நேர்முக உதவியாளர்கள் ஜெகதீசன் (ஊரக வளர்ச்சி,) மோகன் (தேர்தல்) ஆகியோர் உடன் இருந்தனர்

"டிவிட்டர், பேஸ்புக்' உதவியை நாடுகிறது தேர்தல் கமிஷன்

ஓட்டளிப்பதன் அவசியம் பற்றி வாக்காளர் மத்தியில் விழிப்புணர்வு ஏற்படுத்துவதற்காக, "டிவிட்டர், பேஸ்புக்' ஆகியவற்றை பயன்படுத்திக் கொள்ளும்படி, அனைத்து மாவட்ட தேர்தல் அலுவலர்களுக்கும், மாநில தேர்தல் கமிஷன் அறிவுறுத்தியுள்ளது.ஒவ்வொரு தேர்தலின்போதும், வாக்காளர்களுக்கு விழிப்புணர்வு ஏற்படுத்தும் வகையில், தேர்தல் கமிஷன் நடவடிக்கை மேற்கொள்வது வழக்கம். உள்ளாட்சி தேர்தலில், விழிப்புணர்வு எப்படி ஏற்படுத்த வேண்டும் என்பது தொடர்பாக, தமிழக தேர்தல் கமிஷனின் செயலர் சேவியர் கிறிசோ நாயகம், அனைத்து மாவட்ட தேர்தல் அலுவலர்களுக்கும் அனுப்பிய சுற்றறிக்கையில்; தொலைத் தொடர்பு நிறுவனங்களை பயன்படுத்தி, ஓட்டளிப்பதன் அவசியத்தை வலியுறுத்தும் வகையில், வாக்காளர்களுக்கு எஸ்.எம்.எஸ்., அனுப்பும்படி அறிவுறுத்தியுள்ளார்.

மேலும், சில தொலைத் தொடர்பு நிறுவனங்கள், தேர்தலில் ஓட்டளிப்பது தொடர்பாக, தங்கள் சந்தாதாரர்களுக்கு இலவசமாக வேண்டுகோள் விடுக்க முன்வந்துள்ளன. அதை பயன்படுத்திக் கொள்ள வேண்டும். சினிமா தியேட்டர்களில், "சிலைடு' காட்டுவதன் மூலம், தேர்தல் விழிப்புணர்வை ஏற்படுத்தலாம்.அரசு அலுவலகங்கள், பொதுமக்கள் கூடும் இடங்களில் தேர்தல் விழிப்புணர்வு வாசகங்கள் அடங்கிய போஸ்டர்கள், தட்டிகள் வைக்கலாம். மின்னஞ்சல் மூலமும், டிவிட்டர், பேஸ்புக் போன்றவற்றின் மூலமும், வாக்காளர்களை ஓட்டளிக்கும்படி கேட்டுக் கொள்ளலாம்.இவ்வாறு, சுற்றறிக்கையில் தெரிவிக்கப்பட்டுள்ளது.

இல்லாத "டிவி'யில் இலவச விளம்பரம்!தமிழகத்தில் ஆட்சி மாற்றம் ஏற்பட்ட சில வாரங்களிலேயே, உள்ளூர் சேனல்கள் அனைத்தும் முடக்கப்பட்டு விட்டன. இன்று வரை, எந்த மாவட்டத்திலும் உள்ளூர் சேனல் ஒளிபரப்புக்கு அனுமதி வழங்கப்படவில்லை. இந்நிலையில், தேர்தல் கமிஷன், மாவட்ட தேர்தல் அலுவலர்களுக்கு அனுப்பியுள்ள சுற்றறிக்கையில், உள்ளூர் சேனல்களில், இலவச விளம்பரம் செய்து கொள்ளும்படி, அறிவுறுத்தியுள்ளது. இல்லாத, "டிவி'க்களில் இலவச விளம்பரம் செய்யும்படி, தேர்தல் கமிஷன் சுற்றறிக்கை அனுப்பியுள்ளதை கண்டு, தேர்தல் அதிகாரிகள் அதிர்ச்சி அடைந்துள்ளனர்

"உலகமே எங்கள் கைகளில் வந்தது': பூரிப்பில் மாணவியர்

காணக்கிடைக்காத அரிய பொருள் ஒன்று, தங்கள் கைகளில், தங்களுக்கே உரியதாய் இருக்கும் அந்த மகிழ்ச்சியை, உற்சாகத்துடன் வர்ணிக்கின்றனர், அந்த மாணவியர். அவர்களது கண்களில், ஆயிரமாயிரம் பட்டாம்பூச்சிகள்; முகங்களில் ஆயிரம் வாட்ஸ் பல்புகள் பிரகாசிக்கப் பேசுகின்றனர், அவர்கள்.

""என் கைகளிலும் லேப்-டாப் தவழும் என்று, நான் கனவிலும் நினைத்ததில்லை,'' என்றார், ஒரு மாணவி. ""என் வாழ்க்கையிலேயே இந்த அளவுக்கு மகிழ்ச்சி அடைந்ததே இல்லை,'' என்றார், மற்றொருவர். ""உலகமே எங்கள் கைகளில் வந்தது போல் இருந்தது,'' என்கின்றனர், வேறு இரு மாணவியர். கோவை கணபதி அரசு மேல்நிலைப் பள்ளியில் படிக்கும் இவர்கள், தமிழக அரசின் இலவச லேப்-டாப் பெற்ற மகிழ்ச்சியை கொண்டாடி மகிழ்ந்தனர்.

மாணவி லோகமாலினி: நினைக்கவே சந்தோஷமாய் இருக்கிறது. நம் கையிலு<ம், "லேப்-டாப்' இருக்கும், நாமும் அதை அன்றாடம் பயன்படுத்துவோம் என்றெல்லாம் எண்ணிப் பார்க்கவே இல்லை. லேப்-டாப்பை பயன்படுத்தி, படிப்பை மேம்படுத்திக் கொள்ள வேண்டும் என்ற எண்ணம் இருக்கிறது. இவரது தந்தை நஞ்சப்பன், கூலித் தொழிலாளி.

இந்துமதி பிரியா: படிப்புக்கு லேப்-டாப் மிகவும் பேருதவியாக இருக்கும். படங்கள் வரைந்து பழகவும், அகராதியில் பொருள் தேடவும், பாடங்கள் படிக்கவும் பயனுள்ளதாக இருக்கிறது. லேப்-டாப் கிடைத்த தினத்தில் நான் அடைந்த மகிழ்ச்சிக்கு அளவே இல்லை. இவரது தந்தை முருகேசன், ஒர்க் ஷாப் தொழிலாளி.

ஆர்த்தி: லேப்-டாப் கிடைக்கப் போகிறது என்று அறிந்ததும், நானும், என் பெற்றோரும், வார்த்தைகளில் வர்ணிக்க முடியாத அளவுக்கு மகிழ்ச்சியடைந்தோம். உள்நாட்டு செய்திகள் முதல் வெளிநாட்டுச் செய்திகள் வரை அறிந்து கொள்வதற்கு, லேப்-டாப் பயன்படும். பலருக்கும் கிடைக்காத, விலை மதிப்பான பொருள் நம்மிடம் இருக்கிறது எனும் போது, பெருமிதமாக இருக்கிறது. இவரது தந்தை பொன்னுசாமி, ஆட்டோ டிரைவர்.

அபிராமி: 18 ஆயிரம் ரூபாய் விலை மதிப்பு கொண்ட லேப்-டாப், நமக்கு இலவசமாக கிடைத்திருக்கிறது என்பதை உணரும்போது தான், நாம் எந்தளவுக்கு நல்ல முறையில் படிக்க வேண்டும் என்பதையும் உணர முடிகிறது. இதை பயன்படுத்தி, படிப்பை மேம்படுத்த முயற்சிப்பேன். இவரது தந்தை கணேசன், ஒர்க் ஷாப் தொழிலாளி.

நிஷா: லேப்-டாப்பில் பாடங்களை படிக்கும் போது, ஆர்வமும், மேலும் படிக்க வேண்டும் என்ற உற்சாகமும் ஏற்படுகிறது. இப்படியொரு வாய்ப்பு கிடைத்ததை எண்ணி, மிகுந்த பெருமைப்படுகிறேன். இவரது தந்தை மத்தியாஸ், மளிகை கடை நடத்துகிறார்.

உஷாராணி: உலக நடப்புகள், அறிவியல், வரலாறு போன்றவற்றை, ஓரிரு வினாடிகளில் அறிந்து கொள்ள முடியும். இது கையில் இருந்தால், தெரியாத விஷயம் என்று எதுவும் இல்லை. அந்த வகையில், லேப்-டாப் வழங்கிய அரசுக்கு மனப்பூர்வமாக நன்றி சொல்ல வேண்டும். இவரது தந்தை முருகேசன், கூலித் தொழிலாளி.

நாகலஷ்மி: என் அண்ணன் படிக்கும் போதெல்லாம், இத்தகைய திட்டங்கள் இல்லை. அதனால், எனக்கு லேப்-டாப் கிடைத்தவுடன், குடும்பத்தினர் அனைவரும் சந்தோஷப்பட்டோம். இவரது தந்தை ராதாகிருஷ்ணன், பெயின்டிங் வேலை பார்க்கிறார்.

சவும்யா தேவி: இதற்கு முன், லேப்-டாப் கம்ப்யூட்டரை நான் பார்த்ததே இல்லை. எப்படியிருக்கும் என்று கூட தெரியாது. அதை கையில் வாங்கிய போது, என்னால் நம்பவே முடியவில்லை. "நடப்பதெல்லாம் உண்மை தானா' என்று கிள்ளிப் பார்க்காத குறை தான். இவரது தந்தை பொன்னுசாமி, ஒர்க் ஷாப் தொழிலாளி.

கார்த்திக்: என் பெற்றோர், "இதை பயன்படுத்தி, நல்ல முறையில் படித்து அதிக மதிப்பெண் பெற வேண்டும்' என்றனர். எனக்கும் அதே எண்ணம் இருக்கிறது. நிச்சயம், இந்த லேப்-டாப்பை பயன்படுத்திக் கொள்வேன். இவரது தந்தை திருப்பதி, மளிகை கடை நடத்துகிறார்.

கோபாலகிருஷ்ணன்: கல்லூரியில் படிக்கும் வசதியான மாணவர்கள் லேப்-டாப் கையில் வைத்திருப்பதை பார்த்தால் ஏக்கமாக இருக்கும். "நம்மிடம் இல்லையே' என்று வருத்தம் ஏற்படும். அப்படியிருந்த எனக்கு, உலகமே என் கைகளில் வந்துவிட்டதை போல், நான் உணர்கிறேன். இவரது தந்தை செல்வம், கட்டட தொழிலாளி. எண்ணிப் பார்த்திராத அதிசயம் ஒன்று நிகழ்ந்து விட்ட பூரிப்பில், மகிழ்ச்சி வெள்ளத்தில் மிதக்கின்றனர், லேப்-டாப் பெற்ற மாணவ, மாணவியர். நிச்சயம் அந்த மகிழ்ச்சி, அவர்களது பெற்றோருக்கும் இருக்கும்.

உள்ளாட்சி தேர்தலில் தி.மு.க., தனித்து போட்டி : கருணாநிதி

சென்னை: தமிழக உள்ளாட்சித் தேர்தலில், தி.மு.க., தனித்து போட்டியிடும் என, தி.மு.க., தலைவர் கருணாநிதி அறிவித்துள்ளார். தி.மு.க., தலைவர் கருணாநிதி வெளியிட்ட அறிக்கை: தமிழக உள்ளாட்சித் தேர்தலில், அரசியல் அடிப்படையோ, கொள்கை அடிப்படையோ முன்வைக்காமல், பொதுமக்களுக்குத் தேவையான சுகாதாரம், கல்வி, சாலை, மருத்துவம், குடிநீர் உள்ளிட்ட வசதிகளை பொதுப்பணி குறிக்கோளாகக் கொண்டு தி.மு.க., செயல்பட உள்ளது. இதுவே, எல்லாராலும் விரும்பப்படும், ஏற்கப்படும் நிலை என்பதையும் கருத்தில் கொண்டு, உள்ளாட்சித் தேர்தலில் அரசியல் கூட்டணிகளை உருவாக்குவது தேவையில்லை என்றும் தி.மு.க., முடிவு செய்துள்ளது.

இதன் அடிப்படையில், உள்ளாட்சித் தேர்தலில் எந்த ஒரு அணியையும் அமைக்காமல், தனித்து போட்டியிட தி.மு.க., முடிவெடுத்துள்ளது. இவ்வாறு அறிக்கையில் தெரிவிக்கப்பட்டுள்ளது.


வரும் உள்ளாட்சித் தேர்தலில் தனித்துப் போட்டியிட திமுக முடிவு செய்திருப்பது வரவேற்கத்தக்கது, இதன்மூலம் காங்கிரஸுக்கு இருந்த தேவையற்ற சுமை குறைந்துவி்ட்டது என்று தமிழக காங்கிரஸ் முன்னாள் தலைவரும் முன்னாள் மத்திய அமைச்சருமான ஈவிகேஎஸ் இளங்கோவன் கூறினார்.

அவர் அளித்துள்ள பேட்டியில், உள்ளாட்சி தேர்தலில் காங்கிரஸ் கட்சி திமுகவுடன் கூட்டணி அமைக்காது என்று இன்னும் ஓரிரு நாளில் அறிவிப்பு வெளியிட இருந்தது. இதனை தெரிந்து கொண்ட திமுக தலைவர் கருணாநிதி முந்திக் கொண்டு உள்ளாட்சி தேர்தலில் தனித்துப் போட்டி என்று அறிவிப்பு வெளியிட்டுள்ளார்.

இருந்தாலும் உள்ளாட்சி தேர்தலில் திமுக தனித்து போட்டியிடுவதாக எடுத்துள்ள முடிவு வரவேற்கத்தக்கது. இதனால் காங்கிரஸுக்கு இருந்த தேவையற்ற சுமை குறைந்துள்ளது.

திமுகவுடன் தொடர்ந்து கூட்டணி அமைத்துப் போட்டியிடுவதை இளைஞர் காங்கிரஸ் தொண்டர்களோ, காங்கிரஸாரோ விரும்பவில்லை என்பது தெரிந்துதான் திமுக தலைவர் இப்படி ஒரு முடிவு எடுத்திருக்கக்கூடும்.

வரும் உள்ளாட்சி தேர்தல்லில் திமுகவினருக்கு காங்கிரஸ் தொண்டர்களின் ஒத்துழைப்பு இருக்காது என்று தெரிந்துதான் கருணாநிதி இப்படி முடிவு எடுத்திருப்பார். இது வரவேற்கத்தக்கது.

தனித்துப் போட்டியிடுவோம் என்று அறிவித்த தி.மு.க. தலைவர் கருணாநிதிக்கு என் மனமார்ந்த நன்றியை தெரிவித்துக் கொள்கிறேன். இதன் மூலம் காங்கிரசாரின் கை விலங்கு உடைக்கப்பட்டு விடுதலை பெற்ற மகிழ்ச்சியில் இருக்கிறோம்.

உள்ளாட்சி தேர்தலில் தேவை ஏற்பட்டால் காங்கிரஸ் சிறு சிறு கட்சிகளுடன் கூட்டணி அமைத்து, தீவிரவாதத்துக்கு ஆதரவாக இருக்கும் திமுகவை தோற்கடிப்போம் என்றார்.

அக்டோபர் 1ம் தேதி முதல் இரண்டாம் உலகத்தமிழர் பொருளாதார மாநாடு; துபாயில் 4 நாள் நடக்கிறது

துபாய்: இரண்டாம் உலகத் தமிழர் பொருளாதார மாநாடு மற்றும் கண்காட்சி துபாயில் உள்ள உலக வர்த்தக மையத்தில், அக்டோபர் 1ம் தேதி முதல் 4 நாள் நடக்கிறது. உலகம் முழுவதும் உள்ள தமிழர்களின் கலாசாரம் மற்றும் பொருளாதார நிலை குறித்து இந்த மாநாட்டில் விவாதிக்கப்பட உள்ளது. தற்போதைய உலகத் தமிழர் நிலை, முதலீட்டு வாய்ப்புகள், தொழில்நுட்பம் ஆகியவை குறித்து பல நிபுணர்கள் உரையாற்றுகின்றனர். உலகம் முழுவதிலுமிருந்து தமிழர்கள் இதில் பங்கேற்று, தங்கள் அனுபவங்களைப் பகிர்ந்து கொள்ள உள்ளனர். கல்வி, வேலைவாய்ப்பு, தொழில் வாய்ப்புகள் தொடர்பாக விழிப்புணர்வு ஏற்படுத்தவும், தனி நபர் மற்றும் குழுவாக ஒன்றிணைந்து சமுதாய வளர்ச்சிக்கு பாடுபடவும் இந்த மாநாடு நடத்தப்படுகிறது.
தொழில் வாய்ப்புகள்- நிதி திரட்டுதல் : இந்த மாநாட்டில் இந்தியா உட்பட பல நாடுகளைச் சேர்ந்த அமைச்சர்கள், நீதிபதிகள், அதிகாரிகள், கல்வியாளர்கள், தொழில் அதிபர்கள் பலரும் பங்கேற்கின்றனர். மாநாட்டின் முதல் நாளான 1ம் தேதி காலை 9 மணி முதல் 5 மணி வரை பிரதிநிதிகள் பதிவு நடைபெறும். 2ம் தேதி காலை 09:30 மணிக்கு துவக்க விழா; 12 மணிக்கு உருவாகி வரும் தொழில் வாய்ப்புகள்; பகல் 02:30 மணிக்கு திட்டங்களுக்கான நிதி திரட்டுதல், மாலை04:30 மணிக்கு வளர்ச்சிக்கான திட்டங்கள் மற்றும் புதிய கருத்துக்கள் குறித்த உரைகள் இடம் பெறும்.

3ம் தேதி காலை 9 மணிக்கு தொழில் வாய்ப்புகளுக்கான சட்டச் சேவைகள்; 11:30 மணிக்கு இந்தியாவிலும் இதர நாடுகளிலும் முதலீடு செய்வதற்கான வாய்ப்புகள்; பகல் 2 மணிக்கு அரசின் ‌ஆதரவு மற்றும் சமுதாய இணைப்பு; மாலை 4 மணிக்கு தொழில் வளர்ச்சிக்கான தமிழ் மொழி மற்றும் தகவல் திறன்கள் குறித்த உரைகள் இடம் பெறும்.

4ம் தேதி காலை 9 மணிக்கு ஆராய்ச்சி, பயிற்சி மற்றும் வேலைவாய்ப்புகள்; பகல் 11:30 மணிக்கு கல்வி நிறுவனங்கள் மற்றும் சேவைகள்; 2 மணிக்கு சுகாதார பாதுகாப்பு சேவைகள் ஆகியவை குறித்த உரைகள் இடம் பெறும். மாலை 4 மணிக்கு விருது வழங்கு விழாவும், நிறைவு விழாவும் நடைபெறும்.

உலகத்தமிழ் மாமணி விருது: உலகத் தமிழர்களுக்கு பல துறைகளிலும் சேவை புரிந்தவர்களுக்கு உலகத்தமிழ் மாமணி என்ற விருது வழங்கப்படுகிறது. மலேசிய தேசிய நில நிதி கூட்டுறவு சங்க செயல் தலைவர் கே.ஆர்.சோமசுந்தரம், ஆஸ்திரேலியா ஸ்பிரிங் பீல்டு நில கார்ப்பரேஷன் தலைவர் மகாலிங்கம் சின்னதம்பி, அமெரிக்கா வேலுச்சாமி என்டர்பிரைசஸ் தலைவர் பி.வேலுச்சாமி, அமெரிக்கா டெக் மகிந்திரா சேவைகள் தலைவர் பால் பாண்டியன், சிங்கப்பூர் இந்திய தொழில் வர்த்தககழக தலைவர் விஜய் அய்யங்கார், அமெரிக்கா ஸ்ரீ மீனாட்சி கோயிலை உருவாக்கிய எஸ்.கண்ணப்பன், யுஎன்ஐடிஓ., தலைமை இயக்குநரின் முன்னாள் முதன்மை ஆலோசகரான ஆஸ்திரியாவை சேர்ந்த வி.ஜெபமாலை, அமெரிக்கா மைல்ஸ்டோன் மெட்டல்ஸ் தலைவர் ஜி.ராம்பிரசாத், பிரிட்டன் சிறுநீரக நிபுணர் பி.சண்முகராஜ் ஆகியோருக்கு இந்த உலகத் தமிழ் மாமணி விருது வழங்கப்படுகிறது.

இம்மாநாட்டு ஏற்பாடுகளை மாநாட்டின் ஒருங்கிணைப்பாளர் சம்பத் துபாயில் மாநாட்டு வரவேற்பு குழுத் தலைவரும் ஈடிஏ., குழுமத் தலைவருமான சையது சலாலுதீனைச் சந்தித்து ஆலோசனை நடத்தினார். மேலும் அவர் ஈடி‌ஏ., குழுமத்தின் செயல் இயக்குநர் அக்பர் கான், மீரான், தைமூர் ஆகியோரையும் மற்றும் துபாயில் பல்வேறு தமிழ்ச் சங்கங்களின் நிர்வாகிகளையும் அவர் சந்தி்த்தார்.

தனது வாழ்வையே ஆதாரமாக்கும் ஆசிரியர்கள்!

‘ஆசிரியர் தினம்’ நம்மை வார்த்தெடுத்தவர்களுக்கு நன்றி சொல்லும் திருநாள். நம்மை பூமிக்குத் தந்தவர்கள் பெற்றோர்கள்; அடையாளப்படுத்தியவர்கள் ஆசிரியர்களே.

நமக்குள் இருக்கும் திறமையை, வேட்கையைக் கண்டறிந்து அத்துறையில் பிரகாசிக்க காரணமானவர்களில் குறிப்பிட்ட பங்கு ஆசிரியர்களுக்கே உள்ளது. மிகச்சிறந்த வழிகாட்டி, ஆலோசகர், தத்துவவாதி, நண்பன் என எல்லாமுமாக இருந்து நம்மை உருவாக்கியவர்கள் ஆசிரியர்கள்.

பள்ளியிலும், கல்லூரியிலும் அவர்களின் அருமை நமக்குத் தெரியாமல் இருந்திருக்கலாம். ஆனால், நிதர்சன உலகை எதிர்கொள்ளும் போது, அவர்களின் வார்த்தைகள் தான் நம்மை வழிநடத்துகின்றன.

ஆசிரியர் தின வரலாறு

உலகம் முழுவதும் பல்வேறு நாடுகளில், வெவ்வேறு தேதிகளில் ஆசிரியர் தினம் கொண்டாடப்படுகிறது. அந்தந்த நாட்டை சேர்ந்த சிறந்த கல்வியாளரை கவுரவிக்க அல்லது அந்தந்த நாட்டில், கல்வி தொடர்பாக ஏற்பட்ட ஒரு சிறப்பான மாற்றத்தை நினைவுகூற என்ற காரணங்களுக்காக ஆசிரியர் தினம் கொண்டாடப்படுவதால், ஒவ்வொரு நாட்டிலும் தேதி மாறுபடுகிறது.

இந்தியாவில் செப்டம்பர் 5ம் தேதி ஆசிரியர் தினமாக கொண்டாடப்படுகிறது. நமது நாட்டின் இரண்டாவது ஜனாதிபதியாக பதவி வகித்த சர்வபள்ளி திரு. ராதாகிருஷ்ணன் அவர்களின் பிறந்தநாளையே ஆசிரியர் தினமாக கொண்டாடுகிறோம் என்பது அறிந்ததே... அவர் ஒரு ஆசிரியராக இருந்தவர். சிறந்த தத்துவமேதை என்று பெயர் பெற்றவர். நல்ல கல்வியாளர். ஒருமுறை அவரது மாணவர்கள் சிலர், அவரின் பிறந்தநாளை கொண்டாடுவதற்கு அனுமதி கேட்டபோது, அவர் பின்வருமாறு கூறினார், ‘எனது பிறந்தநாளை தனிப்பட்ட முறையில் கொண்டாடுவதைவிட, அதையே ஆசிரியர் தினமாகக் கொண்டாடினால், நான் பெருமையாக உணர்வேன்‘ என்றார். அவரின் வேண்டுகோளுக்கிணங்க, கடந்த 1962ம் ஆண்டு முதல் இந்தியாவில் ஆசிரியர் தினம் கொண்டாடப்பட்டு வருகிறது.

ஆசிரியப் பணியின் மதிப்பு

ஆசிரியர்களுடைய பணியின் மதிப்பு அளவிடப்பட முடியாதது. ஒரு மனிதனை மனிதன் என்று அடையாளப்படுத்துவது, மிருகங்களை மீறிய சிறப்பு பண்புக்கூறுதான். அந்த சிறப்புப் பண்புக்கூறு சிறந்த கல்வியின் மூலமே கிடைக்கிறது. அந்த சிறந்தக் கல்வியை அளிக்கும் மாபெரும் பணி ஆசிரியர்களை சார்ந்துள்ளது. ஆசிரியர்கள் உருவாக்கும் மாணவர் சமூகமானது, ஒரு நாட்டின் எதிர்காலத்தை மட்டுமல்ல; இந்த உலகின் எதிர்காலத்தையே தீர்மானிக்கிறது. அனைத்து மக்களின் நல்வாழ்வும் அந்த சமூகத்தின் கைகளில்தான் உள்ளது. எனவே, இந்த இடத்தில் ஆசிரியர் என்பவரின் பணியானது, அனைத்தையும்விட உயர்ந்து நிற்கிறது.

மற்ற பணிகளைப்போல ஆசிரியர் பணி என்பது ஒருவரின் வாழ்வாதாரத்திற்கான பணி அல்ல. தனது வாழ்வையே ஆதாரமாக்கும் பணி. அந்தப் பணியில் வேண்டுமானால், வாழ்வை நகர்த்துவதற்கான ஊதியம் கிடைக்கலாம். ஆனால் அந்த ஊதியத்திற்காக அந்தப் பணி அல்ல என்பதுதான் ஒரு சிறந்த ஆசிரியரின் கருத்தாக இருக்க முடியும்.

ஆசிரியர் பணி என்பது ஒரு உயிரோட்டமான பணி. ஆய்வு ரீதியான பணி. உளவியல் ரீதியான பணி. சேவை ரீதியான பணி. அர்ப்பணிப்புள்ள பணி. கால-நேரமற்ற பணி. ஒரு சிறந்த ஆசிரியர் வகுப்பறைக்குள் மட்டுமே ஆசிரியராக இருப்பதில்லை, இருக்கவும் முடியாது. அவர் தன் வாழ்வின் பெரும்பகுதி நேரங்கள் ஆசிரியராகவே இருக்கிறார். அவரின் சேவைக்கு எல்லை கிடையாது. மனித வாழ்வில் திருப்பு முனையை ஏற்படுத்தி, அதற்கு அர்த்தத்தைக் கொடுக்கும் ஒரு கடமை ஆசிரியருக்கு உள்ளது. உலகில் உள்ள பணிகளிலேயே, ஆசிரியர் பணியே அதிக திறமைகள் தேவைப்படும் பணி என்று சொல்லும் அளவிற்கு அதன் பொறுப்புகள் அதிகம். எனவே, அந்தப் பணிக்கு தகுதியான நபர்கள் தேர்வு செய்யப்படுவதை உறுதிசெய்வது அரசின் பிரதான கடமை.

எது எப்படியிருந்தாலும், சிறந்த அர்ப்பணிப்பு உணர்வுடன், எந்த லாபநோக்கமும் இன்றி, பாடப்புத்தக அறிவு மட்டுமின்றி, பல்துறை பரந்த அறிவை மாணவர்களுக்கு வழங்கி, அவர்களின் உலகை விரிவடையச் செய்து, உத்திரவாதமான எதிர்காலத்தை தொடர்ந்து வழங்கி வரும் ஆசிரியர்கள் கணிசமான அளவில் சமூக முன்னேற்றத்திற்காக தொடர்ந்து பாடுபட்டு வருகிறார்கள். இத்தகைய ஆசிரியர்கள், சமூக உருவாக்கத்தின் மூல ஆதாரங்களாக திகழ்கிறார்கள்.

தற்போதைய மாணவர்கள் மட்டுமின்றி, மாணவப் பருவத்தை கடந்தவர்கள் அனைவரும் தங்களது ஆசிரியர்களை நினைவு கூர்ந்து, அவர்களுக்கு நன்றி சொல்வோம்...

வீடு தேடி வருது உங்க தகுதிக்கு வேலை!

வேலைவாய்ப்பு அலுவலகத்தில் மைல் நீள கியூவில் காத்திருந்து, முட்டிமோதி கல்விச் சான்றிதழை பதிவு செய்வதற்குள் போதும், போதும் என்றாகி விடும். அப்படியே பதிவு செய்தாலும், அரசு வேலை என்பது கோடியில் சிலருக்குதான் கிடைக்கும். அந்த காலம் எல்லாம் இப்ப மலையேறியாச்சு... பிளஸ் 2 முடித்த மாணவர்களுக்கு கூட வேலை, வீடு தேடி வரப் போகிறது.

இந்தாண்டு பிளஸ் 2, 10ம் வகுப்பு முடித்த மாணவர்கள் 11.81 லட்சம் பேர் வேலைவாய்ப்பு அலுவலகத்தில் பதிவு செய்துள்ளனர். அவர்களின் படிப்பு, திறமை ஆகியவற்றுடன் தயாரிக்கப்படும் டேட்டாபேஸ், அரசு துறைகள் மட்டுமில்லாமல் தனியார் நிறுவனங்களும் ஆன்லைனில் பார்க்கும்படியான வசதியை அரசின் வேலைவாய்ப்பு மற்றும் பயிற்சி துறை, பள்ளி கல்வி துறையுடன் இணைந்து செயல்படுத்த உள்ளது.

இதில், பள்ளிப்படிப்பை பாதியில் நிறுத்தியவர்களின் பட்டியலும் சேர்க்கப்பட உள்ளது. இதனால், தனியார் நிறுவனங்கள் தங்களுக்கு தேவையான தகுதியுடன் உள்ள மாணவர்களை வேலைக்கு தேர்வு செய்ய முடியும்.  மாணவர்கள் விண்ணப்பிக்காமலேயே அவர்களுக்கு  வேலை கிடைக்கும் நிலை உருவாகும்.

படித்த வேலையில்லாத இளைஞர்களுக்கு தொழிற்பயிற்சி வழங்கும் திட்டக்குழுவின் இயக்குனர் மிஸ்ரா கூறுகையில், ‘இந்தாண்டு வேலைவாய்ப்பு அலுவலகத்தில் பதிவு செய்துள்ளவர்களின் பட்டியலை தனியார் நிறுவனங்களும் பார்க்கும் வசதி செயல்படுத்தப்பட உள்ளது.

 இது தொடர்பாக தனியார் நிறுவனங்களுடன் வேலைவாய்ப்பு மற்று பயிற்சி துறை பேச்சுவார்த்தை நடத்தி வருகிறது. இத்திட்டத்தின் மூலம் வேலைவாய்ப்பு அதிகரிக்கும்Õ என்றார்.  அரசின் இந்த திட்டம் எதிர்கால இளைஞர்களுக்கு வரப்பிரசாதமாக அமையும். மேலும், வேலை தேடி இளைஞர்கள் பல நிறுவனங்களின் படியேறிய காலம் மாறி, நிறுவனங்கள் திறமையான இளைஞர்களுக்கு வேலை தர போட்டி போடும் நிலை உருவாகும். வேலை உங்கள் வீடு தேடி வரும் நாட்கள் வெகு தொலைவில் இல்லை.


பயிற்சியும் உண்டு

‘இது ஒரு நல்ல முயற்சி. தனியார் நிறுவனங்களும், வேலைவாய்ப்பு அலுவலகத்தில் பதிவு செய்தவர்களின் பட்டியலை பார்க்கும் பட்சத்தில் அவர்களுக்கு தேவையான ஆட்களை தேர்வு செய்ய முடியும். படிப்புடன் பயிற்சி பெற்றவர்களுக்கும், படித்து முடித்தவர்களுக்கு உடனடி வேலைவாய்ப்பு கிடைக்கும். இந்த டேட்டாபேசை தொழிற்பயிற்சி நிறுவனங்களும் பார்க்கும் வகையில் செயல்படுத்த வேண்டும்.

அப்போதுதான், படிப்பில் சுமாரான மாணவர்களுக்கும், பாதியில் படிப்பை நிறுத்தியவர்களுக்கும் தொழில்பயிற்சி அளித்து அவர்களுக்கும் வேலைவாய்ப்பை உருவாக்கி தர முடியும்Õ என தனியார் நிறுவன உரிமையாளர்களும், கல்லூரி நிர்வாகிகளும் கூறுகின்றனர்.

இப்படியும் வாழ்கிறார் ஒரு எம்.எல்.ஏ.!

மார்க்சிஸ்ட் கம்யூனிஸ்ட் கட்சி வேட்பாளர் க.பீம்ராவ் (உள்படம்)வசிக்கும் ஆஸ்பெஸ்டாஸ் கூரை வேயப்பட்ட வீடு.

சென்னை பழவந்தாங்கல் என்ஜிஒ காலனியில் உள்ள அந்த வீட்டைப் பார்ப்பவர்கள் யாரும் அது ஒரு எம்.எல்.ஏ.வின் வீடு என்றால் நம்பமாட்டார்கள். ஒரு மொட்டை மாடியில் ஆஸ்பெஸ்டாஸ் கூரை வேயப்பட்ட வீடு அது.
அந்த வீட்டில்தான் மதுரவாயல் தொகுதியில் வெற்றிபெற்ற மார்க்சிஸ்ட் கம்யூனிஸ்ட் கட்சி வேட்பாளர் க.பீம்ராவ் வசிக்கிறார்.

வீட்டிலும் அத்தியாவசியப் பொருள்களைத் தவிர ஆடம்பரப் பொருள்கள் எதுவும் இல்லை. விலை உயர்ந்த பொருள்களாக இரண்டைக் குறிப்பிடலாம்.
ஒன்று ஒரு பித்தளை தவலை. இரண்டாவது திமுக அரசாங்கத்தால் கொடுக்கப்பட்ட இலவசக் கலர் டிவி. (அந்த டிவியும் பீம்ராவ் மனைவி பிடிவாதமாக வாங்கி வைத்ததாம்.)

இந்த எளிமையான வீட்டில் இருந்துதான் க.பீம்ராவ் கட்சி ரீதியாக சிறப்பாகப் பணியாற்றி வந்துள்ளதுடன், இப்போது தேர்தலிலும் சாதனை படைத்துள்ளார்.
தாழ்த்தப்பட்டவர்களுக்காக ஒதுக்கப்பட்ட தொகுதியில் தாழ்த்தப்பட்ட வேட்பாளர்கள் போட்டியிடுவதே தமிழகத்தில் பெரும் போராட்டம்.

பாப்பாரப்பட்டி, கீரிப்பட்டி பஞ்சாயத்து வார்டுகள் இதற்குச் சரியான உதாரணம்.
இந்நிலையில்தான் தாழ்த்தப்பட்ட சமுதாயத்தைச் சேர்ந்தவரான க.பீம்ராவ் பொது தொகுதியான மதுரவாயலில் நின்று வெற்றிபெற்று சாதனை படைத்துள்ளார். அவரை எதிர்த்து போட்டியிட்ட பாமக வேட்பாளர் கே.செல்வத்தைவிட பீம்ராவ் கூடுதலாக 24,011 வாக்குகள் பெற்றுள்ளார். இந்த வெற்றி மூலம் இரண்டு சந்தோஷங்கள் கிடைத்திருப்பதாக க.பீம்ராம் கூறுகிறார்.

ஒன்று: "இன்னும் கூடுதலாக மக்கள் பணியாற்ற ஒரு பதவி கிடைத்திருக்கிறது. ஆனால் இதைப் பதவி என்று நாங்கள் சொல்ல மாட்டோம். பொறுப்பு என்றுதான் சொல்வோம். இதன் மூலம் மக்களோடு இன்னும் நெருங்கிப் போகக்கூடிய வாய்ப்பு கிடைத்திருக்கிறது.'

இரண்டு: "புது பேன்ட் சட்டைகள் கிடைக்கின்றன. எம்.எல்.ஏ. ஆகிவிட்டதால் அழுக்கு சட்டையோடு எங்கும் போகக்கூடாது என்று தோழர்கள் நினைக்கிறார்கள். ஆட்டோ ஓட்டுநர் சங்கத்தைச் சேர்ந்தவர்கள் எனக்கு பத்து பேன்ட் சட்டைகள் எடுத்துக் கொடுத்தார்கள். இதைப்போல பல தோழர்கள் புது பேன்ட் சட்டைகள் எடுத்து வருகிறார்கள். இது ஒரு பெரிய சந்தோஷம்' என்கிறார்.

புது பேன்ட் சட்டை கொடுக்கும்போது க.பீம்ராவ் கண்டிப்பாகத் தையல் கூலியையும் கேட்டு வாங்கிக் கொள்கிறார்.

இந்த முறையைச் சிலர் தவறாக நினைக்கக்கூடும். ஆனால் கட்சி ரீதியான அவர் நடைமுறை வாழ்க்கையைப் புரிந்தவர்கள் அப்படி நினைக்க மாட்டார்கள்.
1983-ம் ஆண்டு வாலிபர் சங்கம் மூலம் பீம்ராவ் அரசியல் பணிக்கு வந்து, பெட்ரோல் விலை உயர்வு, விலைவாசி உயர்வு உள்பட பல்வேறு பிரச்னைகளுக்காகப் போராட்டம் நடத்திச் சிறை சென்றவர்.

இப்போது தென்சென்னை மாவட்டச் செயலாளராக இருந்து வருகிறார். முழு நேர கட்சி ஊழியர்களுக்கு மார்க்சிஸ்ட் கட்சியால் அளிக்கப்படும் மாதாந்திரப் படியான 3 ஆயிரம் ரூபாயே அவரின் வருமானம்.

முழு நேர கட்சி நிர்வாகிகளாக இருப்பவர்கள் வேறு பணிகளிலும் இருக்கக்கூடாது. இந்தப் பணத்தைக் கொண்டே குடும்பத்தை நடத்த வேண்டிய சூழல். 2 மகன்கள்; ஒரு மகள் என இவருக்கு மூன்று பிள்ளைகள். மூத்த மகன் பொறியியல் கல்லூரியில் படித்து வருகிறார். மற்றவர்கள் பள்ளி வகுப்புகளில் படித்து வருகிறார்கள். இவர்களின் கல்விச் செலவுகளை எல்லாம் உறவினர்களே கவனித்துக் கொள்கிறார்கள்.

எம்.எல்.ஏ.சம்பளம்: எம்.எல்.ஏ.க்களுக்குப் படிகளுடன் 50 ஆயிரம் ரூபாய் சம்பளம். இந்தச் சம்பளத்தால் பீம்ராவ் குடும்பம் வசதி பெறும் என்று நினைத்தால் அதுவும் தவறானதாகும். இந்தச் சம்பளம் அனைத்தும் கட்சிக்குச் சென்று அவருக்குக் கிடைக்கப்போவது வெறும் 5 ஆயிரத்து 600 ரூபாயே.
"சம்பளம் முழுவதும் கட்சிக்கே போய்விடுவதால் வருத்தமா?' என்றால் "சம்பளம் என்பது பொருட்டல்ல. எனக்கு மக்களுக்குப் பணியாற்றுவதற்கு ஒரு நல்ல வாய்ப்பு கிடைத்திருக்கிறது. அதை எப்படிச் சிறப்பாகச் செய்யலாம் என்பதுதான் கவலையாக இருக்கிறது. விபத்தில் பாதிக்கப்பட்ட ஒருவரைக் காப்பாற்றுவதற்குப் போராடும் ஒரு மருத்துவரைப் போல நான் சிறப்பாகப் பணியாற்ற வேண்டும்' என்று நினைக்கிறேன் என்றார்.

"பொது தொகுதியில் தாழ்த்தப்பட்டவர் வெற்றிபெற்று இருப்பதன் மூலம் தமிழகத்தில் ஜாதி கண்ணோட்டம் குறைந்து போய்விட்டது என எடுத்துக் கொள்ளலாமா?' என்று கேட்டால், "தமிழகம் முழுவதும் குறைந்து போய்விட்டது என்று எடுத்துக் கொள்ள முடியாது. நான் வெற்றிபெற்றது நகர்ப்புறத்தைச் சார்ந்த பகுதி. இங்கு ஜாதி எண்ணம் குறைந்திருக்கலாம்.

ஆனால் ஜாதி உணர்வாளர்கள் இருக்கிறார்கள் என்பதை மறுக்க முடியாது. எந்தச் ஜாதியைச் சேர்ந்தவர்களாக இருந்தாலும் சிறப்பான மக்கள் தொண்டு செய்பவர்களாக இருந்தால் அவரைத் தேர்ந்தெடுக்கலாம் என்கிற எண்ணம் மக்களுக்கு ஏற்பட்டிருக்கிறது என்பது மட்டும் தெளிவாகிறது.

ஜாதியற்ற சமுதாயத்தைக் காணவேண்டும் என்பதே எங்கள் கட்சியின் கொள்கை. அதில் வெற்றிபெறலாம் என்கிற நம்பிக்கையை என் வெற்றி ஏற்படுத்தி இருக்கிறது' என்கிறார் க.பீம்ராவ் எம்.எல்.ஏ.